Ský - 01.09.2005, Blaðsíða 53

Hús í sveit
Siv Friðleifsdóttir er ættuð frá Siglufirði og á þar hús:
Ráðherrabústaðurinn
„Móðurættin er frá Noregi en föðurættin frá Siglufirði og því
á ég sterkar rætur þar. Við reynum að komast norður um pásk-
ana á skíði, verslunarmannahelgina og raunar hvenær sem
tækifæri gefst. Mér finnst gott að eiga svona athvarf úti á landi.
Þar næ ég að hvílast vel og með því að komast í annað umhverfi
þar sem útivistarmöguleikar eru miklir endurnærist maður á
líkama og sál," segir Siv Friðleifsdóttir alþingismaður.
Með sterka sál
Tæpur áratugur er liðinn frá því Siv og Þorsteinn Húnboga-
son eiginmaður hennar eignuðust húsið góða á Siglufirði sem
stendur við Lindargötu. Það er á tveimur hæðum með kjallara
undir og er „... óskaplega krúttlegt hús með sterka sál," eins og
hún kemst að orði. Þegar komið er inn í forstofu í húsinu er þar
lítill þröngur stigi upp á aðra hæð og sitthvað fleiri innanstokks
í húsinu er í líkingu við það sem tíðkaðist í byggingastíl þess
tíma þegar húsið var byggt, laust eftir 1930.
„Við höfum ekki farið út í miklar endurbætur á húsinu,
tökum þetta bara í áföngum. Erum núna búin að endurbyggja
svalirnar á húsinu sem vísa inn í bakgarðinn. Á góðum dögum
setjum við þar upp busllaug fyrir krakkana og síðan finnst okk-
ur hinum eldri óskaplega notalegt að sitja þar úti á kvöldin því
lognið er mjög áberandi fyrir allt veðurfar á Siglufirði. Þegar
best lætur er hægt að sitja úti með kveikt á kertaljósi."
„Óskaplega krúttlegt hús," segir Siv
Fridleifsdóttir um hús sitt á Siglufirði.
Födurætt Sivjar er frá Siglufirði og
því á hún sterkar rætur þar.
Ég er heimamaður
Gárungar á Siglufirði nefna hús Sivjar stundum
Ráðherrabústaðinn og vísa þar til fimm ára ráðherra-
dóms hennar. „Þetta er nú fyrst og fremst sagt í gamni,
gestrisni er mjög einkennandi á Siglufirði. Ég verð
aldrei vör við annað viðhorf en að ég sé þarna heima-
maður," segir Siv sem kveðst þegar hún dvelst nyrðra
kosta kapps að sækja ýmsa menningarviðburði. Þeir
séu tíðum ádagskrá þvílistsýningar, tónleikarogfleira
slíkt séu einfaldlega hluti af þeim sterka bæjarbrag,
sem Siglufjörður er þekkturfyrir. gj]
ský 53