Ský - 01.09.2005, Blaðsíða 62
Útivist
Kristín Einarsdóttir með
nemendum sínum úr
Smáraskóla í hjólaferð
á Syðri Fjallabaksleið.
„Svona ferðalög hafa
inngrip í glettilega margar
námsgreinar."
Á fjöllum skapast
Texti og mynd: Sigurður Bogi Sævarsson
„Krökkunum þykja fjallaferðir bæði vera ögrandi og skemmtilegar því á fjöll-
um skapast hópkennd sem lifir lengi," segir Kristín Einarsdóttir, kennari við
Smáraskóla í Kópavogi. Þar í skólanum er sú hefð við lýði að byrja vetrarstarf í
efstu bekkjum á ferðalögum upp um fjöll og firnindi og reyndar fara allir bekkir í
einhver ferðalög strax á haustmánuðum. Starfið í áttunda bekk skólans hófst á því
að nemendur örkuðu Laugaveginn svonefnda frá Landmannalaugum og suður
í Þórsmörk í fjögurra daga ferð. Kristín leiddi síðan hjólareiðaferðir níunda og
tíunda bekkjar og hún var einmitt á ferðinni með rúmlega 30 nemendur úr elsta
árganginum sem Ský hitti snemma hausts við Hvanngil á Syðri Fjallabaksleið.
Tilfinningin slast inn
Smáraskóli tók til starfa árið 1994 og þá í upphafi þurfti að móta starfshætti og
hefðir í samfélagi skólans. Kristín, sem hefur mikið stundað ferðalög um dagana,
hóf kennslu við skólann á fyrstu starfsvetrum hans og fann strax hvað til síns friðar
heyrði. „Eins og ungra kennara er háttur var égfull hugsjóna og vildi breyta heiminum.
I gönguferð með manninum mínum um Laugaveginn fékk ég þá hugmynd að
sniðugt gæti verið að fara ferð um þessar slóðir með nemendum mínum. Þetta
gekk eftir og fyrstu Laugavegsferðina gekk ég með nemendum síðla sumars 1997.
Fyrst fann ég aðeins fyrir efasemdum af hálfu foreldra um þessar ferðir sem töldu
þær vera hættuspil, en það viðhorf heyrst ekki í dag," segir Kristín, sem síðustu
árin hefur einbeitt sér að reiðhjólaferðunum.
„Minningar úr þessum ferðum eru með því sem er efst í hugskoti krakkanna
þegar skólastarfi vetrarins lýkur. Vinaböndin sem þarna myndast fylgja krökk-
unum um langa hríð, vil ég halda. Auðvitað eru svona ferðir erfiðar en með því
að fara hægt yfir og æja reglulega eru þær á flestra færi. Svona ferðalög hafa inn-
grip í glettilega margar námsgreinar, til dæmis lífsleikni, náttúrufræði og fleira.
hópkennd
Það er alltaf gaman á fjöllum og það breytir
ef til vill ekki öllu á hvaða slóðir við förum
með krakkanna. Skemmtilegur félagsskapur
skiptir þau meiru. Engu að síður síast með
tímanum áhugi og tilfinning fyrir landinu inn
í vitund þeirra smátt og smátt."
Vandamálin leysast
Á þessu hausti hjóluðu nemendur í 9. bekk
Smáraskóla um 100 km leið frá Landmanna-
helli og niður í Eldgjá. Tíundabekkingar
hjóluðu frá Laufafelli við Syðri-Fjallabaks-
leið að Markarfljótsbrú við Einhyrning en
þar í millum eru tæplega fimmtíu km. „Við
förum alltaf fjögur fullorðin með krökkun-
um í hjólreiðaferðir, tveir kennarar, hjálpar-
sveitarmaður og einn handlaginn með verk-
færakistu til að gera við hjólin ef eitthvað
fer úrskeiðis. Það er full þörf á slíku. Annars
hefur þetta gengið mjög óhappalítið og við
erum mjög ánægð með hvernig til hefur
tekist. Við teljum okkur sjá árangur í sam-
skiptum krakkanna og þau hafa til dæmis
sjálf nefnt að einelti og önnur vandamál hafi
verið leyst í þessum ferðum." ^0
ský 62