Ský - 01.09.2005, Blaðsíða 52
Hús í sveit
Stórleikarinn Pálmi Gestsson á heimaslóðum í Bolungarvík:
Eilífðarverkefni
listamanns
„Á sínum tíma var rekin sú undarlega stefna hér í Bolungarvík að
rífa helst öll gömul hús. Um 1990 bjargaði faðir minn því að hús
foreldra móður minnar yrði rifið, eins og þá stóð til. í fyrra lét
hann mér húsið svo eftir og í sumar hef ég svo staðið í framkvæmd-
um við endurbætur og lagfæringar. Ætlaði reyndar að gera lítið í
sumar, en þegar ég var kominn af stað var ómögulegt að hætta,"
segir Pálmi Gestsson leikari.
í afahúsi. „Auðvitad kostar þetta
talsverða peninga þannig að maður
tekur þetta bara skref fyrir skref."
I sumar er Pálmi búinn meðal annars að
skipta um klæðningu á húsinu og dytta
að grindinni, en almenftt segir hann
husið vel farið þó að viðhaldi á því hafi
verið Irtið sinnt.
Grindin er geirnegld
Stórleikarinn Pálmi, sem þjóðin þekkir vel úr Þjóðleikhúsinu
og Spaugstofunni, er fæddur og uppalinn í Bolungarvík og
bjó þar fram yfir tvítugt, þegar hann fór suður til Reykjavíkur
í leiklistarnám. Áður hafði hann numið trésmíðaiðn hjá Jóni
Friðgeiri Einarssyni, byggingameistara Bolvíkinga, og nú sem
aldrei fyrr kemur sér vel að kunna að halda á hamri og sög.
Við endurbygginguna í sumar hefur Pálmi svo einnig notið
liðsinnis Bolvíkingsins Guðmundar Óla Kristinssonar sem er
sérfræðingur í endurgerð gamalla húsa. Með Guðmundi hefur
verið Jón Steinar sonur hans - og þriðji maðurinn er þjóðhag-
inn Magnús Ólafs Hansson.
í gegnum árin segist Pálmi alltaf hafa komið reglulega á sínar
gömlu slóðir vestra og segist væntanlega munu gera meira af
því nú þegar hann hefur eignast þar sitt eigið hús. Sem fyrr segir
áttu amma og afi Pálma húsið lengi eða fram undir 1960. „Ég
fæddist í þessu húsi árið 1957 og þarna bjó ég með foreldrum
mínum fyrstu mánuðina. Tengslin við þetta hús og raunar allt
hér í Bolungarvík eru því óneitanlega mjög sterk."
Jon Nordsteien arkitekt hefur verið ráðgjafi Pálma við endur-
byggingu hússins. Reynt er að nálgast upprunalega gerð þess,
en húsið var byggt árið 1900 og stækkað um 1930. Þetta er elsta
húsið í Bolungarvík. „Ég er búinn að rífa gamla járnklæðningu
utan af húsinu og skipta út gamalli glerull. Síðan erum við
búnir að vera að dytta að grindinni sem er öll negld saman með
frönskum lásum eða geirneglingu eins og stundum er sagt. Al-
mennt er húsið nokkuð þokkalega farið þótt það hafi staðið
autt í allmörg ár og verið lítið kynt."
Móralskur stuðningur
Að rækta garðinn sinn og gera upp húsið sitt er viðfangsefni
sem lýkur aldrei. Er eilífðarverkefni. „Auðvitað kostar þetta
talsverða peninga þannig að maður tekur þetta bara skref
fyrir skref. Það er gaman að skynja þann áhuga og móralska
stuðning sem gamlir sveitungar sýna þessu brölti mínu. Mér
finnst mjög róandi að komast vestur og þegar maður hefur
verið undir miklu álagi í leiklistinni er gott að geta komist í aðra
veröld eins og hér. Horfið svona aftur til upprunans og þeirra
slóða sem eru manni kærastar. Að eiga svona athvarf er nokkuð
sem allir listamenn þurfa á að halda," segir Pálmi Gestsson.53