Hinsegin dagar í Reykjavík - 01.08.2023, Side 13

13
Í dag er minn fyrsti dagur sem kynvillingur.
Ég fór öfugur fram úr í morgun.
Þetta er að vísu haugalygi því ég hef tilheyrt
röðum öfugugga síðan um aldamótin.
Ný þúsöld,
nýr faggi.
Öfuguggi er ekki orðið sem þeir öskruðu á mig
á Laugaveginum þegar þeir hótuðu að lemja mig.
Ekki orðið sem spilar í hausnum á mér eins og
gölluð spiladós sem neitar að þegja eftir þetta kvöld.
Kynvillingur ekki orðið sem heyrðist í fótataki
mínu þegar ég hljóp í burtu frá þeim þetta kvöld.
Hommi ljómar ekki eins og neonskilti fyrir
framan mig þegar ég loka augunum.
Aftaníossi ekki titillinn á þessari VHS spólu af
sjálfshatri sem aldrei gleymist að spóla til baka.
Það voru ekki þessi orð sem fengu hjartað til að
slá í öðrum takti. Það slær ekki enn í sama takti.
Í byrjun, alltaf eins.
Og endirinn alltaf sá sami.
Faggi.
Hefur Laugavegurinn alltaf verið svona langur?
– Sveinn Snær Kristjánsson