Ritið : tímarit Hugvísindastofnunar - 01.01.2022, Blaðsíða 157
ATLI ANTONSSON
156
vonin um betri heim er í algerri mýflugumynd í Eylandi, á meðan trúin á
framfarir og von um betri tíma er gegnumgangandi hjá persónunum í Gesta-
komum og Jóni. ólíkt fyrrnefndum skáldsögum er Eyland dystópísk saga en
endurspeglar líka framtíðarsýn samtíðarinnar þar sem loftslagsbreytingar og
afleiddur flóttamannavandi veldur því að erfitt er að sjá fyrir sér framtíðina
sem tíma framfara.
Sögumennirnir í skáldsögunum Gestakomum og Seltu eftir Sölva Björn
Sigurðsson eru báðir gamlir menn sem standa á grafarbakkanum. Munurinn
á þeim er að Björn Halldórsson er staddur í Móðuharðindunum miðjum og
horfir fram til nýrra tíma upplýsingar, en landlæknirinn í Seltu horfir rúm-
lega fimmtíu árum síðar aftur til þeirrar eftireldaaldar sem fylgdi Móðu-
harðindunum án teljandi framfara fyrir land og þjóð. En þegar ytri tíminn
er tilgreindur í Seltu eru Skaftáreldar ávallt viðmiðið:
„Jú, ég held að það sé sagt að Aðalbjörn Hásson hafi komið hingað
til lands á demí… Bíddu, mér var sagt þetta. Já. Á demíaldar mem-
brens Eldanna.“
„Anno 1833, semsagt.“
„Þú kannt betur að telja en ég, læknir, en ég held að það hafi
verið fyrir sex árum.“80
Víða í sögunni er litið aftur til Skaftárelda og minnst á hvernig hitt og þetta
er síðan: „svona hefur þetta raunar oft verið eftir elda“ (66), „á þessum eftir-
eldadögum“ (68), „aðeins fáeinum áratugum eftir Elda“ (120), „[t]olerans
fyrir þeim sem ekki kunna að fara með ljá í sextán klukkutíma á sumarsólar-
hring er ekki mikill eftir Elda“ (166), „brekkur sem hafa grænkað eftir Elda“
(224). Að lokum er nýyrðið eftireldaöld notað um fyrstu áratugi 19. aldar:
„[…] við lifum á eftireldaöld í harðgerðu landi […].“ (242) Helstu atburð-
urnir gerast þegar ekkert meiri háttar eldgos er nálægt í tíma, en með því að
tala um eftireldaöld sviðsetur sögumaðurinn atburðina í ákveðnum skilningi
eftir heimsslit.
Landlæknir er sögumaður bókarinnar og virðist hann vera lauslega
byggður á ævi Sveins Pálssonar sem var um tíma settur landlæknir en lengst
af fjórðungslæknir Suðurlands og búsettur í Vík í Mýrdal eins og land-
læknirinn í Seltu. Sveinn Pálsson lést árið 1840, en fæddist 1762 og upplifði
Skaftárelda og Móðuharðindin sem ungur maður áður en hann fór utan til
læknisnáms í Kaupmannahöfn. Æviferill sögumannsins í Seltu er svipaður
80 Sölvi Björn Sigurðsson, Selta, Reykajvík: Sögur, 2019, bls. 22.