Heima er bezt - 02.01.2007, Blaðsíða 20

hjá máttarvöldunum. Þá hafði hann verið á þjóðhátíðinni á
Akureyri, þegar Helgi magri var leikinn, verslaði við Preða
og Laxdal og kunni vel að vera með Bakkusi án skandala,
fara í hestakaup og gleðjast með glöðum. Þetta var allt gott
innlegg í kvöldræður.
Mamma sagði okkur frá bernsku sinni á Haganesi og æsku-
árum á Skútustöðum, samtímafólki á því ijölmenna heimili
og fólki frá liðinni tíð, sem móðir hennar og fóstra höfðu
sagt henni frá. Hún lýsti félagslífi, skólahaldi og vakning-
aröldu, sem gekk yfir um 1880. Sagði okkar frá dvöl sinni
á Laugalandi og ferðasöguna þangað, og talaði um menn og
konur, sem hún hafði kynnst í Eyjafirði.
Vinnumaðurinn, bróðir mömmu, var búfræðingur frá Ólafs-
dal og átti sína sögu og minningar frá því merka menning-
arheimili. Þá var konan hans, hreppstjóradóttir úr Stranda-
sýslu, með sínar minningar og sagnir um merka rnenn og
siðu og háttu síns héraðs. Þannig var alþýðufræðsla þessarar
kynslóðar, sem nú er bráðum horfin sýnum, tengiliðurinn
milli fortíðar og nútíðar.
Rökkrið er orðið að myrkri. Fólkið þagnar og sofnar. Lítil
stúlka liggur lengi vakandi í rúmi sínu undir skarsúð. Hún
hefur hlustað með athygli á tal fólksins og hugsar mikið um
allt, sem það hefur séð og lifað. Hana dreymir vökudrauma,
og hún ætlar að ferðast víða, læra margt og kynnast mörgu,
þegar hún er orðin stór.
Skjaldbökuklettur
Þennan sérkennilega samansetta klettadrang er að finna í Mongólíu. Ástralskur
ferðamaður tók þessa mynd þar árið 1995, og verður ekki annað séð en að hann
líkist mjög skjaldböku að lögun, og mun vera sama hvaðan að honum er komið,
hann líkist skjaldböku á alla kanta.
máH@K
Átt þú í fórum þínum skemmtilega mynd, t.d. af atburði, stað, húsum, dýrum eða fólki, sem gaman væri að birta í Myndbroti? Ef svo er því ekki að senda okkur
hana til birtingar og leyfa lesendum HEB að njóta hennar líka?
20 Heima er bezt