Heimili og skóli - 01.08.1961, Síða 51

HEIMILI OG SKÓLI
95
gerir það hana aðgengilegri til fræðslu. Hver
kafli fjallar um ákveðinn þátt í umferðaregl-
unum, og hverri grein fylgir ein eða fleiri
skýringarmyndir.
Bók þessi er mikill fengur fyrir kennara og
aðra þá, sem leiðbeina þurfa í umferðaregl-
um, og þyrfti hver kennari að eignast hana.
Jón Oddgeir Jónsson, fulltrúi, hefur tekið
bókina saman, en hann er manna færastur
til leiðbeiningar á umferðareglum, og hefur
gert þð um langt skeið. En Bjarni Jónsson
hefur teiknað allar myndirnar í samráði við
höfundinn. Prentun hefur Litbrá annazt.
Hafi þeir báðir þökk fyrir kverið.
Setberg.
Svo nefnist lítið skólablað, sem Barnaskóli
Garðahrepps hefur sent frá sér. Kom það út
í apríl í vor. Þetta blað vekur sérstaka athygli
vegna þess, hve vandað það er að öllum frá-
gangi. Það er 32 blaðsíður að stærð og flytur
margvíslegt efni, sem að mestu leyti er skrifað
af börnum. í ritinu er fjöldi fallegra mynda
úr skólalífinu. Þá vekur það og athygli, að
flestum greinum og sögum barnanna fylgir
tilsvarandi mynd, sem allar eru teiknaðar af
tveimur skólatelpum. Myndir þessar eru ó-
trúlega góðar.
Þetta blað er börnunum i Garðahreppi til
sóma. Skólastjóri Barnaskóla Garðahrepps er
Vilbergur Júlíusson.
Þ>egar pósturinn kemur
Á hinum áhyggjulausu bernskuárum okkar,
þykir okkur sem pósturinn sé einhver merki-
legasti og öfundsverðasti maður í öllum heirn-
inum. Hann getur hringt öllum dyrabjöllum,
án þess að vera að hugsa um að forða sér sem
fyrst. Enginn talar til hans styggðaryrði. Nei,
það er nú öðru nær. Menn hafa auga á hon-
um, þegar hann kemur og vona að hann
hringi dyrabjöllunni. Því lengur sem hann
nemur staðar utan við dyrnar, því kærkomn-
ari er hann. Það bendir sem sé til þess, að
hann hafi komið með mörg bréf, þegar það
tekur hann svona langan tíma að finna þau.
Og því fleiri bréf, sem hann hefur að færa,
því meiri gleði.
HEIMILI OG SKÓLI
TÍMARIT UM UPPELDISMÁL
Útgefandi: Kennarafélag Eyjafjarðar.
Ritið kemur út i 6 heftum á ári, minnst
24 síður hvert hefti, og kostar árgang-
urinn kr. 35.00, er greiðist fyrir 1. júní.
Útgáfustjórn:
Hannes J. Magnússon, skólastjóri.
Eiríkur Sigurðsson, skólastjóri.
Páll Gunnarsson, kennari.
Afgreiðslu- og innheimtumaöur:
Guðvin Gunnlaugsson, kennari,
Vanabyggð 9, Akureyri.
Ritstjóri:
Hannes J. Magnússon, skólastjóri.
Pósthólf 183. Akureyri. Sími 1174.
Prentverk Odds Djörnssonar h.f.
Það er alltaf eitthvað dularfullt við póst-
inn. Hann kemur bæði með góðar fréttir ag
vondar fréttir. En við hlökkum aðeins til
hins góða. Við hugsum okkur hann eins og
sólskífuná, sem aðeins telur sólskinsstundirn-
ar. Hann er tákn þeirrar vonar, sem að eilífu
grær í mannlegum hjörtum.
Pósturinn þrammar upp útidyratröppurn-
ar. Kannske er hann með fulla tösku af reikn-
ingum, sem við helzt viljum vera laus við.
En þrátt fyrir það missum við aldrei traust
okkar á honum. Ef hann gengur fram hjá
dyrum okkar, erum við honum ekki þakklát,
þótt hann hafi kannske með því losað okkur
við slæmar fréttir. Og við höfum grun um,
að hann á einhven óskiljanlegan hátt hafi
haft af okkur eitthvað merkilegt.
Og þegar sá dagur rennur svo upp, að við
hlökkum ekki lengur til þess, að pósturinn
komi, verðum við að viðurkenna, að við höf-
um tapað enn einhverju því bezta hér í líf-
inu og gefið okkur á vald tálvona. Þá höfum
við gefið upp vonina um, að draumaskip
bernsku okkar nái nokkru sinni í höfn.
A. G. Gardiner.