Heimili og skóli - 01.08.1961, Side 27

HEIMILI OG SKÓLI
71
kyrrstaða. Og þangað barst ekkert a£
nýju lífslofti. Miðaldaskipulag ríkti
þá enn í flestum skólum álfunnar, og
yfirheýrsluaðferðin var ríkjandi
kennslufyrirkomulag. Kennaramennt-
un var engin, en oft varð það til láns,
að til kennslustarfa völdust góðir
menn og göfugir, sem voru auðugri af
hugsjónum, fórnarvilja og áhuga en
sérmenntun, og það grær alltaf eitt-
hvað gott í kringum slíka menn.
Undir aldamótin fer að vakna meiri
áhugi á skólamálum í landinu og
einnig hér í bæ. Hingað til bæjarins
koma þá tveir menningarfrömuðir,
sem koma með nýtt lífsloft, en það eru
þeir Klemens Jónsson sýslumaður og
Páll Briem amtmaður. ,Þeir láta margt
til sín taka og meðal annars skólamál-
in.
Um þessar mundir er farið að tala
um byggingu nýs skóla, og hafði hon-
um verið ákveðinn staður undir
brekkunni, þar sem hann var síðar
byggður, en þeir Klemens og Páll
vildu reisa hann uppi á brekkunni,
þar sem víðsýnið var meira. Þessi af-
staða þeirra var táknræn fyrir viðhorf
þeirra til fleiri mála.
Þessi nýi skóli var svo vígður 18.
okt. 1899 af Klemens Jónssyni, og var
langstærsta bygging, sem bærinn
hafði nokkru sinni ráðist í, og svona
hefur það alltaf verið, að jafnvel á
hinum mestu fátæktarárum, hafa það
verið skólarnir og kirkjurnar, sem
helzt hafa sett svip sinn á þorp og bæi.
En með þessari skólabyggingu tókust
um leið sættir á milli Akureyringa og
Oddeyringa nm skólastað.
Fyrsta skó'laárið í þessum nýja skóla
voru um 66 börn. Voru nú kennslu-
gjöld ákveðin sem hér segir: í efsta
bekk 2,25 kr. á mánuði, í miðbekk
1,75 kr. og í neðsta bekk 1 kr. á mán-
uði. Ef börn voru fleiri en eitt á heim-
ili varð að greiða 25 aura með hverju
barni.
Arið 1901 er skólastjórastarfið við
Barnaskóla Akureyrar auglýst laust,
og hlaut það Kristján Sigfússon frá
Varðgjá, og fær nú nafnbótina skóla-
stjóri. Hann hafði menntiast á Möðru-
völlum og Flensborg. Hans naut ekki
lengi því að hann andaðist í byrjun
skólaárs 1908. Það ár er stórmerki-
legt í skólasögu íslands, en þá fáum
við ný fræðslulög. Þá er kosin ný
skólanefnd, en í henni voru þeir Geir
Sæmundsson prestur, Stefán Stefáns-
son skólameistari og séra Jónas frá
Hrafnagili. Skólastjórastarfinu var nú
slegið upp og bárust tvær umsóknir.
í tannlœknastofunni.