Bændablaðið - 25.05.2023, Side 24

24 Bændablaðið | Fimmtudagur 25. maí 2023
MENNING
Nú í um það bil eitt og hálft ár hefur Bændablaðið
staðið fyrir reglulegum greinaskrifum um
áhugaleikhúsin í landinu.
Mikill og stöðugur áhugi hefur verið á
kynningu á starfsemi þeirra, enda kemur þar að
fólk úr öllum starfsstéttum og um mikilvægan
og merkilegan þátt menningarlífs okkar
að ræða. Gott samstarf hefur verið við framkvæmda-
stjóra Bandalags íslenskra leikfélaga, Hörð
Sigurðar son, sem hefur unnið afar gott starf í
þágu áhugaleikhúsa, og deildi hann fúslega með
okkur þeim upplýsingum sem innt var eftir.
Þá helst er varðaði tilvonandi sýningarhöld
leikhúsanna, uppákomur, fundi eða annað, auk
þess að gauka að okkur áhugaverðu efni sem
annars hefði ekki komist á síður blaðsins.
Farið hefur verið víða og lesendur kynnst
glaum og gleði landshorna á milli, sorg og sút
á sviðum leikhúsa okkar Íslendinga.
Vaninn er sá að vertíðir áhugaleikhúsa
séu haust og vor og því ætlum við hér hjá
Bændablaðinu að gefa umfjöllunum er varða
áhugaleik svolítið sumarfrí.
Nú vil ég sem þetta skrifar bjóða öllum þeim
sem vilja að hafa samband í sumar ef kemur til
þess að það verða í boði námskeið, leiksýningar
eða aðrar uppákomur sem gaman væri að fjalla
um eða koma á framfæri.
Við óskum áhugaleikhúsfólki og unnendum
leiklistar gleðilegs sumars og hlökkum til að
taka upp þráðinn í haust. /SP
Áhugaleikhús okkar landsmanna
Birgitta kveður – Fjallabyggð
Vitleysingarnir –Gnúpverjahreppur Þjófar og lík – Kópavogur Saumastofan – Hofsós
Obbosí-eldgos – Halaleikhópurinn
Maður í mislitum sokkum – HólmavíkFólkið í blokkinni – Freyvangur
Dýrin í Hálsaskógi – Mosfellsbær
Gulleyjan – Fljótsdalshérað
Leiksýning ársins
Síðastliðna þrjá áratugi hefur Þjóðleikhúsið verið í samstarfi við Bandalag
íslenskra leikara þegar kemur að vali á leiksýningu úr smiðju áhugaleikhúsanna
er sérstaka athygli vekur – og fær að spreyta sig á fjölum Þjóðleikhússins.
Í ár á heiðurinn Leikfélag Vestmannaeyja með sýninguna Rocky Horror og
óskum við þeim alls hins besta í Þjóðleikhúsinu nú í júní.
Hér að ofan er leikhópur Rocky Horror og á innskotnu myndinni má sjá
þær Völu Fannel frá Þjóðleikhúsinu í miðjunni og frá Leikfélagi Vestmannaeyja
þær Ingveldi Theodórsdóttur t.v. og Jórunni Lilju Jónasdóttur t.h. /SP
ÞÓR HF
thor.is
GARÐVERKFÆRI
FRAMTÍÐARINNAR
Hér að ofan má sjá brot af þeim leiksýningum sem glöddu hug og hjörtu, leiktímabilið 2022-2023.
Himinn og jörð – Húnaþing V
Dýrið og Blíða – Blönduós
Ævintýrið mikla – Borg
Rocky Horror – Vestmannaeyjar
Í öruggum heimi – Hugleikur
Sex í sama rúmi – Snæfellsnes
Skilaboðaskjóðan – Sauðárkrókur
Ávaxtakarfan – Vestmannaeyjar