Úrval - 01.03.1969, Side 77

HINN MIKLI ÖLDUNGUR AFRÍKU
75
miðlaði sem forseti bandalagsins
málum í landamæraþrætu Alsírs
og Marokkó, og svipuð deila sjálfr-
ar Eþíópíu við nágrannaland sitt
Sómalíu, var einnig jöfnuð. Banda-
lagið hefur stöðuga miðstöð í Addis
Abeba, höfuðborg Hailes Selassies,
sem þannig er í vissum skilningi
orðin höfuðborg Afríku. Þar hefur
hinn athafnarsami keisari ákveðið
byggingu heimilis fyrir bandalagið
— Afríkuhallar. Verður það slíkt
dýrðarhús að. annað eins mun ekki
finnast í gervallri Afríku, gert með
tilstyrk allrar hugsanlegrar ný-
tækni.
EINA VONIN
Það dregur ennþá skugga yfir
andlit Haile Selassies, þegar til tals
kemur sorgardagur sá á árinu 1936,
þegar hann bað Þjóðabandalagið
persónulega um hjálp gegn innrás-
arher Mussolinis, en hafði ekki ann-
að upp úr krafsinu en samúðaryfir-
lýsingar. Hann sjálfur og ríki hans
voru látin lönd og leið. Þessi bitra
reynsla, ásamt fimm ára útlegð í
Englandi, hefur gert hann að allt
að því ofstækisfullum baráttumanni
fyrir sameiginlegu öryggi þjóða. „í
því er hreinlega fólgin eina von
mannkynsins, sérstaklega þó smá-
þjóða,“ segir hann.
Og þetta kemur frá hjartanu.
1950 sendi hann tafarlaust eþíópska
úrvalshersveit til stuðnings liði
Sameinuðu þjóðanna í Kóreu, og
urðu hermenn hans þar frægir af
sinni framgöngu. 1960, þegar allt
ætlaði af göflunum að ganga í
Kongó, var hann flestum þjóðhöfð-
ingjum örlátari á lið við sömu al-
heimssamtök. Um hríð var Eþíópi
yfirmaður allra hersveita Samein-
uðu þjóðanna í Kongó. Og hvar flóð,
hungursneyð og jarðskjálftar valda
fólki skelfingum, er keisarinn fljót-
ur til aðstoðar með peningum eða
lífsnauðsynjum.
Eftir eina heimsókn hans til bæki-
stöðva Sameinuðu þjóðanna í New
York sagði einn framámanna sam-
takanna um gestinn: „Ef allir að-
ilar Sameinuðu þjóðanna gerðu sem
hann, værum við árangursríkasta
stofnun heims.“
LEIÐIN TIL FRAMA
Haile Selassie fæddist 23. júlí
1892 og hafði þá litlar líkur á að
verða nokkru sinni keisari Eþíópíu.
Hann hlaut í skírn nöfnin Tafari
Makonnen. Hann gat að vísu státað
af að vera kominn af syni þeim, er
þjóðsagan segir Salómon konung
hafa getið við drottningunni af
Saba, faðir hans var voldugasti að-
alsmaður landsins og skyldur þá-
verandi keisara Menelik öðrum, en
heyrði engu að síður aðeins til hlið-
argrein hinnar stóru keisaraættar.
Menelik dó 1913 og kom þá til
ríkis niðji hans seytján ára gamall.
Þessi unglingur var dálítið reikull í
ráði. Hann fékk upp á móti sér hina
kristnu yfirstétt landsins með því
að ganga að eiga múhameðskar
konur, hafa skyldleika sinn við
Salómon gamla í flimtingum og
halda því fram í staðinn að Mú-
hameð spámaður hefði verið forfað-
ir sinn. 1916 steyptu kristnir menn
því keisara þessum. Fyrirliði þeirra
í uppreisninni var enginn annar en
Tafari Makonnen, þá tuttugu og