Goðasteinn - 01.03.1972, Síða 7

m
Rauðaliékjarskálinn. Að upphafi rjómabú og hér hóf Kf. Rang-
œinga slarf sitt 1930. Ljósm.: Guðm. Árnason.
ári hverju. Á aðalfundinum 1944 var samþykkt samhljóða að
greiða af tekjuafgangi eftirstöðvar af framlagi féiagsmanna tii
Kaupfélagsins við uppgjörið mikla 1937. Var það mál þar með
endanlega úr sögunni. Auk 10% hagnaðar í arð til félagsmanna og
ailra sjóðatillaga var einnig ákveðið á þessum fundi að leggja
kr. 60 þúsund í svo nefndan Brunasjóð, en forsaga hans var sú, að
Kaupfélagið varð fyrir verulegu tjóni í eldsvoða hinn 19. marz
1944. 1 eldsvoða þessum brunnu vörugeymsluhúsin, hið nýja og
einnig það gamla, sem á sínum tíma hafði verið flutt neðan frá
Hallgeirsev, og með húsunum brann mikið vörumagn. Einnig
brann frystihúsið ásamt vélum og þar á meðal ljósavél staðarins.
Tryggingar á húsum og vörum voru í góðu lagi, en engu að síður
var tjónið mikið og tilfinnanlegt. Til að bæta úr brýnustu vand-
ræðum var þaki komið yfir frystihústóftina og það notað sem
pakkhús, meðan verið var að reisa nýja vörugeymslu. Ljósavél
var og fljótlega fengin handa Kaupfélaginu, en hún var lítil, svo
að fyrst á eftir var ekki rafmagn aflögu fyrir aðra. Mátti á þess-
um árum sjá vindknúðar rafstöðvar ýmist við eða á húsum á
Hvolsvelli og reyndi fólk að notast við þær fremur en ekkert. En
Goðasteinn
5