Goðasteinn - 01.03.1973, Page 29

þinghá, til hjónanna Péturs Þorlákssonar og Sigríðar Árnadóttur.
Þar andaðist frú Margrét kona hans, en síra Jón lézt á Klepp-
járnsstöðum í Hróarstungu, hjá Snorra Rafnssyni, fóstursyni sínum.
Þegar síra Jakob hafði lokið barnaferming vorið 1857, fór
hann suður á Rangárvöllu og kvæntist þar Sigríði, dóttur Jóns
prófasts á Breiðabólsstað í Fljótshlíð, Halldórssonar, Magnússonar
Gíslasonar biskups á Hólum, Magnússonar. Móðir Sigríðar var
Kristín, dóttir Vigfúsar sýslumanns Þórarinssonar, systir Bjarna
amtmanns Thorarensens, skáldsins. Frú Sigríður var há kona á
vöxt, alvarleg á svip, var heyrnarsljó og naut sín ekki fyrir það
að öllu leyti. Þeim varð 5 barna auðið, af þeim eru á lífi: Jón,
vörður fornminjasafnsins í Reykjavík, fæddur 1860, Kristín,
kona Einars prófasts Jónssonar á Hofi í Vopnafirði, fædd 1859.
Síra Jakob kenndi Einari undir skóla, og reyndist honum vel á
námsárum hans. - Ingibjörg, önnur dóttir síra Jakobs, býr á
Hallfreðarstöðum í Hróarstungu, ógift.
Þegar síra Jakob flutti að Hjaltastað, var hann fátækur, hver
bóndi í sveitinni iét hann hafa tvær ær. Eftir fá ár var hann
orðinn fjárríkasti maður í sveitinni. Hann byggði beitarhús fyrir
fénað sinn víða úti um landið, og voru þau á 5 stöðum þegar
hann fór frá Hjaltastað. Það var vani hans, þegar sauðamenn
hans komu heim á vetrarkveldum, að gefa sig á tal við þá og
spyrja um fjárhöld. Hann byggði upp allan bæinn að nýju til, og
sneri honum í suður.
Það var haldið, að eftir því sem síra Jakob var búinn að búa
um sig á Hjaltastað, að hann myndi ekki fara þaðan, þó varð
það nú. Heilsubilun sem hann kenndi, höfuðveiki, sem lagði.
hann stundum í rúmið, þó ekki lengi í senn, olli því, að hann
sótti um prestsembætti suður á landi, nærri átthögum konu hans,
svo hún, ef hans missti við, gæti verið nálægt skyldfólki sínu.
Hann taldi það svo víst að hann fengi það umdæmi, að hann
sagði lausum Hjaltastað um leið og hann byrjaði á umsókninni.
En hann fékk ekki það umdæmi, sem hann sótti um, cn var
veittur Miklibær í Blönduhlíð í Skagafirði. En þangað vildi hann
ckki fara. Þá bjó síra Hjálmar Þorsteinsson á Kirkjubæ. Þeim
kom ásamt, prestunum, að síra Hjálmar skyldi sækja um Hjalta-
Goðasteinn
27