Goðasteinn - 01.06.1976, Qupperneq 19

úr íslensku vaðmáli, scm Ingunn föðursystir hennar á Reynivöll-
um hafði efnt til og gefið henni.
Guðrún kom til mín daginn eftir að mér fæddist Bjarni minn
til að óska mér til hamingju og sagði mér þá að hann ætti sama
mánaðardag og Vilhjálmur Þýskalandskeisari; þær fóru ekki for-
görðum hjá henni útlcndu fréttirnar fremur en annað, sem hún
las. Ég man að cinu sinni var hún að lesa í blaði og sýna mér
mynd af forseta Frakklands og sagði þá: „Mikið fádæmi er hann
Joffrey fallegur.“ Þetta var svipmikill maður, með loðnar brýr,
hátt enni og mikið hár, sem lá í bylgjum niður á herðar.
Guðrún kunni ósköpin öll af kvæðum og oft söng hún utan-
bókar Friðþjófskvæðin. Hún kunni allan Vinaspegil og allan
Himnastigann, kvæði um það, cr Jakob flúði fyrir Esaú bróður
sínum. Hún kunni öll þjóðkvæði og fór í gegnum allar íslendinga
sögur. Passíusálmana kunni hún eins og Faðirvorið og söng með
á föstunni. Fólkið var gott við hana en kunni ekki að meta hæfi-
leika hennar. Hún var ein með sínar hugsanir. Hún var aldrei
sctt á skólabekk en skrifaði þó góða réttritun. Tvisvar skrifaði
hún mér frá Ólafsvöllum. Undir það síðasta bað hún Guðríði á
Ólafsvöllum að brenna ekki sparikjólinn sinn, heldur senda henni
Ingunni hann. Guðríður sendi mér kjólinn.
Áður fyrr var alltaf nefndur vikudagur en ekki mánaðardagur
fyrir fæðingardag. Þetta breyttist í tíð séra Péturs Jónssonar á
Kálfafellsstað, sem leitaði þá til Guðrúnar Sigurðardóttur um
fæðingardaga fólks, þar sem kirkjubækur þraut. Hún reiknaði út
fæðingardag Guðrúnar Hallsdóttur, háaldraðrar konu, sem fædd
var fyrsta sunnudag í góu.
Eitt sinn var haldin samkoma í fundahúsinu hér. Margt var
skrafað og ræður haldnar. Steinþór var þar framámaður eins og
vcnjulega. Fleiri töluðu, þar á meðai Þorsteinn Guðmundsson
frændi minn, kátur og léttlyndur. Hann vék að því að sunnsend-
ingar hefðu ver.ið betur upplýstir en aðrir í svcitinni, þeir hefðu
stofnað lestrarfélag og Oddný á Gerði og synir hennar hefðu veitt
þeirn svo mikla fræðslu. Mér þótti dálítið hart að hlusta á þetta.
Seinna lét ég þá heyra að Merkurmenn hefðu haft konu á við
Oddnýju á Gerði til upplýsingar, þar sem Guðrún Bjarnadóttir
Goðasteinn
17