Goðasteinn - 01.06.1976, Qupperneq 76

Börn byggja hús
Um 1890 voru tvö börn að byggja sér hús í Eystri-Skógum
undir Eyjafjöllum. Þau hétu Elín Þorsteinsdóttir og Sigurjón Jóns-
son. Húsið sitt byggðu þau fyrir ofan Kinn, beint upp af bænum
í Eystri-Skógum. Grjót var nærtækt í veggi, en málið vandaðist
þegar kom að þakinu, spýtur lágu ekki á lausu í þann tíð.
Skammt ofar var klöppin, sem gengið var upp á, þegar skyggnst
var út á sjóinn til að huga að róðrarbátum. Þessi klöpp var ekki
óáþekk húsburst að framan. Upp við hana reis stór, flöt hella.
Börnin stóðu stundarkorn í ráðaleysi við tóttina sína, en allt í
einu datt Elínu í hug hellan góða, hún myndi tilvalin í þak, og
þetta varð að ráði. Þeim börnunum tókst að losa helluna frá
berginu og bisa henni n.iður að tóttinni, þar sem hún kom að
tilætluðum notum.
Nóttina eftir dreymdi Elínu, að hún stóð hjá nýja húsinu og
litaðist um. Hún sá þá, að niður fjallshlíðina kom kona, létt í
spori og stefndi til hennar. Hún var lág vexti og þrekleg, hörku-
leg ál.itum. Hún ávarpaði Elínu með nafni og kvaðst komin til að
klekkja á henni fyrir að hafa tekið hurðina frá húsinu sínu. Elín
vissi á sig sökina, þar sem hellan var, en kvaðst hafa gert þetta
í grandaleysi og bað gott fyrir. Það var að berja höfði við stein,
konan þusaði sem fyrr, og sagði, að Elínu skyldi einhvern tíma á
ævinni vanta þak yfir höfuðið. Sneri hún svo undan til húsa sinna
og rausaði. Elín fylgdi eftir og hélt áfram að biðja af sér réiði.
Lciðin lá að litlu húsi, scm stóð opið. Gekk konan þar inn
og að bragði niður stiga. Elín gekk þar eftir í öngum sínum. Dyr
voru til vinstri handar við stigann, þegar niður kom. Konan opnaði
þar hurðina og skellti henni aftur á eftir sér. Heyrði Elín áfram
74
Goðasteinn