Goðasteinn - 01.06.1976, Síða 78

Oddgeir Guðjónsson, Tungu:
Hjónin á Grjótá
Fijótshlíðin hefur löngum verið talin ein griisugasta og fegursta
sveit í Rangárþingi og hefur svo verið allt frá söguöld. Þar eru
kunnastir úr Njálssögu tveir bæir, Hlíðarendi og Grjótá. Á
Grjótá bjó einn af hinum glæstu köppum Njálu, Þráinn Sigfús-
son, Sighvatssonar hins rauða úr Bólstað undir Einhyrningi. Njála
lýsir Þráni sem fullhuga og glæsimenni. Alkunn er viðureign hans
við Hákon jarl, er Þráinn skaut Víga-Hrappi undan, er jarl leitaði
eftir og vildi drepa Hrapp, cn Þráinn leyndi honum um borð í
skipi sínu, Gamminum. Jarlinn var rciður mjög, er leitin bar ekki
árangur. Þegar jarlinn var farinn í land, án þess að finna Hrapp,
leysti Þráinn landfestar og hélt til íslands og kvað hann þá þetta
kunna stef: „Látum geysa Gamminn, gerrat Þráinn vægja“. Af
ofansögðu má sjá að Þráinn hefur verið eigi all lítill fyrir sér. Þá
má þcss að Hallgerður langbrók fór að Grjótá, eftir víg Gunnars
á Hlíðarenda, til Þorgerðar dóttur sinnar, sem Þráinn hafði tekið
sér fyrir konu. Tvö örnefni vitna enn um búsetu Þráins á Grjótá.
Ekki hef ég handbærar hcimildir um ábúendur á Grjótá frá
dögum Þráins og þar til manntöl taka við, enda var það ekki ætlan
mín að skrifa sögu þeirrar jarðar, heldur minnast með nokkrum
orðum þeirrar ættar, sem lengst hefur setið þá jörð og vík ég því
til síðustu aldar.
Á fyrri hluta 19. aldar bjuggu í Teigi í Fljótshlíð hjónin Ólafur
Jónsson, f. á Heylæk 1772, sonur Jóns Ólafssonar, Arngrímssonar
á Heylæk, Péturssonar, Gissurarsonar, prests í Vestmannaeyjum
og Ástríðar, f. 1774, Halldórsdóttur, Oddssonar prests Þórðarsonar
í Kcldnaþingum. Þau Ólafur og Ástríður höfðu áður búið í Val-
strýtu en eru komin að Teigi 1816 og búa þar í tvíbýli á móti
76
Goðasteinn