Úrval - 01.01.1979, Side 28

26
ÚRVAL
dálítil rykský þyrluðust upp. Hann
skálmaði að hásæti til hliðar á sviðinu
og settist. Nú beið hann, ásamt
okkur, eftir hinni konunglegu
skemmtun.
Nú breyttist tónlistin í þá tónlist
sem litlar mýs dansa eftir, eða að
minnsta kosti löng röð af litlu fólki,
þriggja til fjögurra ára, sem var klætt
eins og mýs í gráan galla með stórum
eyrum og dálitlum skottum. Þessar
mýs komu dansandi upp á sviðið og
hélt hver um mittið á þeirri á undan.
Tónlistin varð draugaleg og litlu
mýsnar lituðust flóttaleg um.
Allt í einu kom stór og illúðlegur
köttur utan úr horni og gerði sig
illskulegan; sendi blóðþyrst vígtanna-
glott fram í salinn. Sum barnanna
minna púuðu. Þegar kattarskrattinn
fór svo að æsast innan um mýsnar og
hlaupa smáspöl á eftir einni eftir
aðra, fór ein pínulítil mús allt í einu
að hljóða ótrúlega raunverulegum
hljóðum og hentist niður þrepin af
sviðinu 'og gangveginn milli
áhorfendanna. Miðja vega upp með
þessum gangi stökk fram kona — sem
síðar reyndist móðir músarinnar —
og greip mýslu í fangið til að
hugga hana og róa. En mýsla litla hélt
áfram að hljóða og gráta, og ljóti,
stóri kötturinn stóð grafkyrr fremst á
sviðinu og horfði hryggur og
dolfallinn fram í salinn. Svo var
tjaldið látið falla og viðstaddir
klöppuðu einhver ósköp.
Þegar dregið var frá aftur, höfðu
leikfimismottur verið lagðar á sviðið,
og plöturspilarinn gaf frá sér tónlist af
því tagi, sem feitar, hálfstálpaða
stelpur iðka leikfimi eftir. Feit
leikfimisstelpa kom fram og fór
nokkur höfuðstökk og sýndi
handahlaup. Loks hljóðnaði tónlistin
og stelpan kjagaði fram á sviðsbrún,
kraup á annað hnéð og lyfti upp
höndunum til að taka á móti
fagnaðarlátunum.
En rétt sem fagnaðarlætin hófust,
hófst músíkin aftur. Sá sem átti að
passa plöturspilarann hafði víst vikið
sér frá og líka sá, sem átti að passa
tjaldið. En stelpan var sannur
stríðsmaður og nú spratt hún á fætur
og stökk og veltist um allt svið.
Tónlistin hélt áfram og áfram og hún
velti sér og velti og sendi biðjandi
augnaráð út af sviðinu, þangað sem
músíkinni var stjórnað. Allt í einu
snögghljóðnaði músíkin í miðjum
tóni og tjaldið sveiflaðist fyrir.
Viðstaddir fögnuðu ákaft.
Nú kom þess konar músík sem
rússneskir kotungar dansa eftir.