Mímir - 01.06.1998, Side 71

71
Mér sýnist nefnilega margt benda til þess
að á þessum sviðum liggi mestu atvinnumögu-
leikarnir á næstunni. Hin svokallaða upplýs-
ingabylting hefur nefnilega aukið vægi tungu-
málsins á ýmsum sviðum. Nú byggist allt á því
að afla upplýsinga fljótt og vel, og rniðla þeim
þangað sem þarf; og þessar upplýsingar eru yf-
irleitt á einhverju tungumáli. Aukið alþjóðlegt
samstarf hefur líka leitt til stóraukinna sam-
skipta fólks sem ekki talar sama tungumál; og
tölvutæknin gegnir stóru hlutverki í því að
draga úr þeim erfíðleikum sem þessu eru sam-
fara. Þess vegna eru líkur á að á næstunni auk-
ist eftirspurn eftir fólki með menntun í ís-
lenskri málfræði, sem hefur fengið þjálfun í því
að beita tölvutækni við greiningu málsins eða
búa málfræðileg gögn til vinnslu í tölvurn. Ef
við sjáum fólki ekki fyrir slíkri menntun er
hætta á að nemendum í íslensku fækki, og þá
fer auðvitað að hitna undir okkur kennurun-
um.
Námskeiðið Tölvur, tölur og texti (http://
www.hi.is/~eirikur/ttt.html) sem kennt var á
BA-stigi í íslensku vorið 1998 var tilraun til að
klóra ofurlítið í bakkann á þessu sviði (og
bjarga eigin skinni í leiðinni).
Markmið þess var „að benda nemendum á
hvernig nýta má tölvutæka texta til ýmiss kon-
ar málfræðilegra og bókmenntalegra rann-
sókna“, auk þess sem skoðuð voru „ýmis forrit
til textarannsókna og nemendur þjálfaðir í
notkun þeirra“. Þetta var því fyrst og fremst
kynning, en eiginleg kennsla í máltölvun fór
ekki fram á námskeiðinu. Það er hins vegar
mikilvægt að mínu mati að unnt verði að koma
slíkri kennslu á og byggja hana upp á næstu
árum. Nauðsynlegt er að fólk með góða undir-
stöðuþekkingu á íslensku máli og málkerfi fá-
ist til að sinna þeim verkefnum sem vonandi
verður unnið að á sviði tungutækni í framtíð-
inni.
Sterkur
leikur
á öllum
sviðum
mM
ÞJOÐLEIKHUSIÐ