Mímir - 01.06.1998, Page 84

SAMRÆÐUR VIÐ SÖGUÖLD
Frásagnarlist íslendinga og fortíðarmynd
eftir dr. Véstein Ólason prófessor
Samræður eru viðfangsefni bókarinnar í tvennum skilningi. í fyrsta lagi er
því haldið fram að íslendingasögur séu samræður höfundanna við fortíð sína,
samræður miðalda við söguöld eða víkingaöld, leit sagnamannanna að skilningi
á heimi fyrri tíma og þar með sjálfum sér. í öðru lagi er fjallað um
samræður nútímalesenda við fortíðina og tilraunir þeirra til að taka þátt í
orðaskiptum þeirra eldri frá sínu eigin sjónarmiði. Bókin kemur einnig út á
ensku undir titlinum Dialogues with the viking age.
HETJAN OG HÖFUNDURINN
eftir Jón Karl Helgason
í þessari bók er fjallað um viðhorf íslensku þjóðarinnar til íslendingasagna,
einkum vaxandi áhuga fólks á Njáls sögu sem listaverki mikilhæfs en
óþekkts höfundar. Höfundurinn tengir hér saman menningarsögulega þætti úr
mörgum og gjörólíkum áttum og lítur þá frá nýju og jafnframt bráðskemmtilegu
sjónarhorni.Að baki býr löngun til að skilja betur glímu okkar íslendinga,
fyrr og nú, við brothætta sjálfsmynd okkar.