Goðasteinn - 01.09.2005, Blaðsíða 15

Goðasteinn 2005
Matthías sýndi okkur Kaupfélagsminjasafnið sem mér fannst alveg stórfróðlegt
og skemmtilega uppfært. Þama má sjá í hnotskurn hvað kaupfélögin höfðu miklu
hlutverki að gegna við uppbyggingu og þjónustu í sunnlenskum sveitum eins og
víðar um land á þessum tfma.
Þegar við vorum búin að dvelja í fortíðinni langa stund fannst Kristínu
söngstjóra vera kominn tími til að fara yfir lögin sem við ætluðum að syngja.
Hólmfríður undirleikari var mætt og þá finnst okkur við vera fær í flestan sjó.
Klukkan fjögur var komið að tónleikum í Hvolnum, því þar sem kórar hittast
þar er söngur. Við sungum ásamt gestgjöfum okkar, kvennakórnum Ljósbrá, og
Glæðunum úr Reykjavík. Eldri borgarar úr Rangárþingi voru sérstakir heiðurs-
gestir og fjölmenntu ásamt fleira fólki. Það var gaman að syngja fyrir svo líflega
og jákvæða áheyrendur.
Nú var svolítill tími laus þar til kvöldverður átti að hefjast. Þá var ekið að
Stórólfshvolskirkju undir leiðsögn Pálma Eyjólfssonar sem sagði sögu kirkjunnar.
Að lokum var sunginn sálmur. Ég var svo heppin að hitta skólabróður minn og
kunningja, Magnús Finnbogason fyrrum bónda á Lágafelli, sem bauð mér heim til
að sýna mér hvað hann hefðist að síðan hann varð þorpari. Það er gaman að sjá
hvað afþreyingarþjónusta við eldri borgara kemur að miklum notum þeim sem
það kjósa. Magnús sýndi mér marga fallega hluti sem hann hafði unnið og það var
ekki nema lítið brot af því sem hann hafði gert. „Mér hefur ekki leiðst eina mín-
útu síðan ég kom hingað“, sagði þessi ofvirki athafnamaður en Auður kona hans
er enn á vinnumarkaðinum.
Við fórum aftur í Hvolinn og þar var sameiginlegur kvöldverður kóranna
þriggja og félags eldri borgara. Þetta var skemmtilegt samsæti, afar góð lamba-
steik sem kokkurinn sneiddi á diskana hjá okkur. Líflegur fjöldasöngur eins og
við var að búast þegar svona söngglatt fólk kemur saman. Glæðurnar voru með
listdanspar á sínum snærum sem steig tangó og vals með tilþrifum. Anna Júlía las
söguþátt eftir Flosa Ólafsson af sinni alkunnu snilld. Konurnar í Ljósbrá sungu og
Ólafur formaður eldri borgara á staðnum sagði frá starfsemi félagsins og sló á
létta strengi. Árni formaður okkar þakkaði gestgjöfum og sagði frá kórnum okkar
í nokkrum orðum. Svo var bara eftir að kveðja og þakka fyrir góðar móttökur og
sannkallaða gleðistund.
Við komum til Reykjavíkur klukkan 23 svo þetta var búinn að vera langur og
góður dagur. Ég hugsa að fleirum hafi farið eins og mér að þessi fallega fjallasýn í
bjartviðrinu hafi svifið fyrir augunum þegar við lögðumst á koddann. Þetta var
mjög vel skipulögð og góð ferð og þeir sem að unnu eiga þakkir og heiður skilið
fyrir að koma í framkvæmd.
-13-