Goðasteinn - 01.09.2005, Side 65

Goðasteinn 2005
Sigríður Hjartar Múlakoti:
Hótelið í Múlakoti
/ /
A undanförnum áratugum hefur ferðaþjónusta farið stöðugt vaxandi á Islandi,
allar aðstæður til að veita gestum beina hafa stórbatnað og samgöngur orðið
margfalt betri og ferðalög öðruvísi en áður var.
Það er erfitt fyrir nútímamenn að gera sér í hugarlund hvernig var að ferðast
um Island á fyrri öldum. Alþýða manna var lengstum kyrr í sinni heimabyggð.
Skemmtiferðir þekktust varla. Menn fóru í kaupstað, í verið, í kaupamennsku eða
til náms. Þetta voru ferðir farnar af brýnni nauðsyn.
A 19. öld voru skemmtiferðamenn stöku sinnum á leið um landið, einkum
erlendir auð- og fræðimenn. Fyrsti enski leiðangurinn til íslands var farinn á 18.
öld en það var vísindaleiðangur sir Joseph Banks. Líklega hafa flestir erlendir
ferðamenn farið um Þingvelli og skoðað Gullfoss og Geysi eins og enn þykir
sjálfsagt, en menn fóru víðar. Skotinn sir Mackenzie og félagar hans Holland og
Blight ferðuðust um Fljótshlíðina 1810. Þeir gistu á Hlíðarenda og hlýddu á
messu í Eyvindarmúla svo þeir hljóta að hafa riðið um hlað í Múlakoti. Eins má
geta leiðangurs Frakkans Paul Gaimard aldarfjórðungi síðan. Með honum var
landslagsmálarinn Mayer sem málaði nokkrar myndir úr Fljótshlíðinni og mynd
af þeim félögum þar sem þeir eru að líkindum að ríða Markarfljót.
Vegir og vötn
Það voru mikil tækniafrek þegar vatnsföllin miklu voru brúuð á Suðurlandi.
Olfusárbrúin var vígð 1891 að viðstöddum hátt í 2000 gestum og Þjórsárbrúin
1895. Ytri Rangá var brúuð 1912 og sú eystri skömmu síðar. Þessar framkvæmdir
allar voru mikið afrek ekki síst vegna þess hve erfiðir aðdrættir voru. Engir bflar
voru til sem voru nothæfir til flutninga. Tveir fyrstu áratugir tuttugustu aldar voru
blómatími kerruflutninga. Notaðar voru tvíhjóla kerrur, dregnar af einum hesti og
þannig var unnt að flytja um þrjá hestburði í einu.
Múlakot
-63-