Goðasteinn - 01.09.2005, Qupperneq 71

Goðasteinn 2005
Af tölum þeim, sem birtar eru í töflu 1 hér að framan, sést, að fjöldi erlendra
ferðamanna var óvenjulega mikill árið 1930 en það sumar var haldið hátíðlegt
þúsund ára afmæli Alþingis. Alls em skráðir 112 útlendingar; þetta eru ferðalang-
ar frá 11 mismunandi þjóðlöndum (Tafla 2).
Ekki kemur á óvart hversu margir koma frá Ameríku, sjálfsagt Vestur-íslend-
ingar að vitja ættjarðarinnar. Danir og Norðmenn eru einnig fjölmennir en engin
nýlunda var að ferðum þeirra hérlendis. Þjóðverjar voru áberandi fleiri en árin á
undan en Englendingar hafa ekki látið hátíðahöldin raska ró sinni.
Tafla 2
Erlendir ferðamenn í Múlakoti sumarið 1930
Kanada 31 England 3
Danmörk 21 Holland 3
Noregur 13 Frakkland 2
Þýskaland 13 Ítalía 1
Bandaríkin 10 Færeyjar 1
Svíþjóð 6 óvíst 8
Gestalistinn
Þegar athugaðar eru gestabækur Múlakots sumurin 1926-1931 kennir margra
grasa. Augljóst er að íslendingar eru teknir að ferðast sér til skemmtunar en
bílaeign ekki orðin almenn, menn tóku á leigu bíl og bflstjóra ef þeir ætluðu í
ferðalög. Múlakot var komið í þokkalegt vegasamband við þéttbýlið á suðvestur-
hominu, þótt Þverá hamlaði stundum akstri síðasta spölinn. Auðvelt var að halda í
dagsferð þangað frá Reykjavík, en lengra var ekki unnt að halda í austurátt fyrr en
Markarfljót var brúað. Til vesturs var aðeins unnt að fara upp í Kjós því enginn
vegur var um Hvalfjörð. Dagsferðir til Þingvalla og að Geysi og Gullfossi voru
enn vinsælar.
Það voru bæði háir og lágir sem komu í Múlakot og margir þjóðfrægir menn
þar á meðal. Freistandi er að nefna fáein nöfn.
Sumarið 1926 bauð Jón Helgason biskup norskum starfsbróður sínum í ferð til
Múlakots. Sama sumar var danski sendiherrann le Sage de Fontenay á ferðinni og
-69-