Goðasteinn - 01.09.2005, Síða 85

Goðasteinn 2005
hversu hollt Ólafi hefur verið að líta bæinn sinn skapast með þessari stemmningu
á léreftinu hjá Brynjólfi. Listaverk þetta prýðir nú vegg Landsbankans á Hvols-
velli.
Þegar Ólafur var ungur dvaldi Jón Stefánsson listmálari einnig sumarlangt í
Múlakoti og málaði.
Árið 1927 kom danski málarinn Johannes Larsen til íslands. Hann teiknaði
myndir í íslendingasögur sem Gyldendal gaf út. Ólafur var ráðinn sem fylgdar-
maður og túlkur Larsen. Fór Ólafur víða um land með honum, bæði sumarið 1927
og 1930. Ferðalögin með Larsen voru Ólafi mikils virði. Hann málaði og lærði
mikið þessi tvö sumur sem hann var samferða þessum fræga fjónska teiknara og
málara. Það gefur auga leið að allir þessir listamenn hafa haft jákvæð og lyftandi
áhrif á unga bóndasoninn í Múlakoti.
Það var ekki síst fyrir áeggjan Larsens að Ólafur réðist til utanfarar árið 1928.
Stundaði hann nám í Konunglega Listaháskólanum í Kaupnrannahöfn veturna
1928 - 1929 og 1930- 1931. °
Ólafur fór ungur í Iðnskólann í Reykjavík. Lærði hann húsamálun hjá Einari
Jónssyni málara og lauk prófi þaðan árið 1917.
Þó Ólafur færi til náms bæði til Reykjavrkur og Kaupmannahafnar þá stefndi
hugur hans alltaf heim í fögru fæðingarsveitina.
/
Myndlistarsýningar Olafs Túbals
Ólafur mun hafa haldið sína fyrstu einkasýningu árið 1922 og á tólf ára tíma-
bili 1922-1934 hélt Ólafur oft sýningar bæði í Reykjavík og einnig norður á
Akureyri. Ekki hefur greinarhöfundur fundið heimildir um allar sýningar Ólafs en
hér á eftir verður getið um þær sem fundist hafa og drepið á umsagnir samtíma-
manna um listamanninn:
„Alltfrá því að Ólafur Túbals héltfyrstu sýninguna á verkum sínum, hefur
listunnendum verið Ijóst að hér er áferð mikill hœfileikamaður. Einar skáld
Benediktsson mun hafa verið fyrstur til að vekja athygli á verkum Olafs. Gerði
hann það í dómi um allsherjarsýningu sem Olafur og margir fremstu listamenn
okkar tóku þátt í. Minntist Ólafur þess með hlýrri ánægju að Einar hafifarið
mjög vinsamlegum orðum um sýninguna.“5
-83-