Goðasteinn - 01.09.2005, Qupperneq 125

Goðasteinn 2005
Sveitarfélög 2004
gagnast okkar samfélagi. Mikil aukning hefur verið í ferðaþjónustunni undanfarið og eru
þar miklir möguleikar í framtíðinni.
Héraðsvaka Rangæinga í umsjá Rangárþings eystra
Héraðsvaka Rangæinga var haldin dagana 22. - 24. október 2004. Hátíðin hófst kl.
19:00 föstudag í Kaffi Langbrók með yfirlitssýningu listakonunnar Martu Jónsdóttur frá
Kirkjulæk. Sama kvöld voru tónleikar nýstofnaðs Kammerkórs Rangæinga í Breiðaból-
staðarkirkju. Á laugardag var hátíðardagskrá í Goðalandi með ýmsum uppákomum s.s.
upplestri, íþróttamenn sýslunnar heiðraðir, söngur og hljóðfæraleikur fram eftir degi.
Samhliða þessari dagskrá var sýning á munum frá Helgu Hansdóttir frá Hvolsvelli og
listsýning leikskólabarna úr sveitarfélaginu. Á sunnudag hófst dagskráin með messu í
Akureyjarkirkju og síðan var haldið í Njálsbúð þar sem Félag eldri borgara var með opið
hús og kynntu þeir starfsemi sína sem og boccia sem er leikur sem allir geta tekið þátt í.
Að endingu var efnt til fjölteflis þar sem Helgi Áss Grétarsson stórmeistari atti kappi við
16 skákmenn á öllum aldri, sá yngsti var 12 ára og sá elsti var 87 ára. Þátttaka í hátíða-
höldunum í heild sinni var mjög góð.
„Gamla búðin“ á Hvolsvelli
Unnið hefur verið að endurbótum á „Gömlu búðinni“, þ.e. gamla kaupfélagshúsinu á
Hvolsvelli og var opnuð þar verslun 26. nóvember. Það eru systumar Ásta Halla Olafs-
dóttir og Ingibjörg Yr Ólafsdóttir sem eiga og reka verslunina sem hlaut nafnið „Gamla
búðin“. Ánægjulegt er að sjá hve eigendumir hafa látið vinna þetta á myndarlegan hátt
þar sem m.a. gluggar hússins eru færðir í upprunalega mynd sem gefur húsinu mikinn
svip.
-123-