Goðasteinn - 01.09.2005, Side 126

Sveitarfélög 2004
Goðasteinn 2005
Viðbygging grunnskólans á Hvolsvelli
Framkvæmdir við viðbyggingu Hvolsskóla hófust á árinu. Að undangengnu útboði
samþykkti sveitarstjórn samhljóða að taka lægsta tilboði frá JÁ-verktökum á Selfossi að
upphæð rúmar 203 milljónir kr. Verkið hófst í júlibyrjun en þó ekki af fullum krafti fyrr
en í ágúst. Samkvæmt verkáætlun er ráðgert að vinna fyrir um 120 milljónir kr. á árinu
sem var umtalsvert hærri upphæð en gert var ráð fyrir í upphaflegri áætlun. Verkinu
miðaði vel áfram á árinu en áætlað er að hefja kennslu í nýju húsnæði haustið 2005.
Mikið byggt af íbúðarhúsnæði í sveitarfélaginu
Á árinu var mikil aukning í byggingu nýrra íbúða í sveitarfélaginu og þá sérstaklega á
Hvolsvelli. Ekkert lát virðist á áhuganum á því að byggja ný íbúðarhús og fyrirhugað er
að byggja margar fbúðir í sveitarfélaginu á næsta ári, bæði á Hvolsvelli og í dreifbýlinu.
Fráveituframkvæmdir - skólphreinsistöð á Hvolsvelli
Unnið var að umfangsmiklum fráveituframkvæmdum á Hvolsvelli. Um er að ræða
byggingu skólphreinsistöðvar sem er tveggja þrepa hreinsistöð með lífrænni hreinsun.
Hreinsistöðin samanstendur af tveimur setþróm sem eru samtals 990 m3 að stærð, yfir-
fallsmannvirki, yfirbyggðum dælubrunni, hripsíu (lífrænt þrep), seyrudælubrunni og
öðrum smærri búnaði sem tekin var í notkun haustið 2004. Endanlegum frágangi er ekki
lokið. Utreiknuð hreinsivirkni þessa mannvirkis er um 80%.
Leikskólinn Hulduland
Ný leikskóladeild var tekin í notkun á árinu við Stóragerði la og hlaut hún nafnið
Hulduland. Þessi deild er viðbót við leikskólann Örk sem er fullsetinn.
Framkvæmdir við Nýbýlaveg á Hvolsvelli.
Á fundi sveitarstjómar Rangárþings eystra 22. júlí 2004 voru lögð fram tilboð í gatna-
gerð við Nýbýlaveg á Hvolsvelli. Þrjú tilboð bárust og samþykkt var að taka tilboði Jóns
& Tryggva ehf. á Hvolsvelli.
-124-