Goðasteinn - 01.09.2005, Qupperneq 133

Goðasteinn 2005
Sveitarfélög 2004
Lokið var við smíði nýrra Landrétta í Áfangagili og voru þær vígðar þegar réttað var
eftirfyrstu leit á Landmannaafrétti. A myndinni eru f.h. Kristinn Guðnason fjallkóngur,
Geir Ófeigsson í Nœfurholti og Ingvar Pétur Guðbjörnsson formaður hreppsráðs.
Landsmót hestamanna haldið á Hellu 2004 með miklum glæsibrag
Eitt glæsilegasta Landsmót íslenska hestsins frá upphafi var haldið á Gaddstaðaflötum
við Hellu á árinu 2004. Er það samdóma álit manna að mótið hafi heppnast frábærlega,
aðstaðan hafi verið frábær og hestakostur glæsilegur. Á Gaddstaðaflötum var mikið um
að vera síðustu misserin fyrir mótið og allir lögðust á eitt um að hafa svæðið klárt til að
taka á móti þessari stóru samkomu en gestir voru á þrettánda þúsund. Nú þegar hefur
verið ákveðið að ganga til samninga við eigendur svæðisins um LM 2008 og því ljóst að
Gaddstaðaflatir munu áfram gegna stóru hluverki fyrir hestamenn og ljóst að möguleikar
eru nú fyrir hendi til að gera svæðið enn betra.
Umhverfísnefnd stuðlar að bættri umgengni og snyrtilegu umhverfí
Starf umhverfisnefndar var samkvæmt hefð. Staðið var fyrir hreinsunarviku og í lok
júlí voru veittar umhverfisviðurkenningar. Staðirnir voru svo til sýnis helgina eftir
verslunarmannahelgi. Þeir sem hlutu viðurkenningar voru Margrét Þórðardóttir og Guðni
Guðmundsson á Þverlæk í Holtum fyrir lóð við hús, Þórdís Ingólfsdóttir og Gunnar Örn
Gunnarsson í Kambi í Holtum fyrir lögbýli, Pálína Magnúsdóttir og Hallgrímur Óskars-
son fyrir sumarhús og umhverfi þess í Hjallanesi í Landsveit og Þykkvabæjar hf. í
Þykkvabæ fyrir lóð við atvinnufyrirtæki.
Á degi umhverfisins þ. 25. apríl 2004 var haldið í Þykkvabæ undir leiðsögn Sveins
Runólfssonar landgræðslustjóra og var mæting ágæt og dagurinn góður.
Áfram var haldið að móta stefnu sveitarfélagsins í Staðardagskrá 21.
-131-