Goðasteinn - 01.09.2005, Síða 160

Látnir 2004
Goðasteinn 2005
geymdi ætíð sér nærri, skrifað með hennar fallegu rithönd, var: „Líttu fram, en
ekki aftur - örugg von sé lífs þíns kraftur - von sem byggð á bjargi er. - Líttu upp
en ekki niður - eilíf gleði, drottins friður - búi æ í brjósti þér.“ Þetta var undir-
staða gleði hennar, kærleika og trúar.
Hún andaðist á hjúkrunarheimilinu Lundi 31. maí. 2004. Útför hennar fór fram
frá Hlíðarendakirkju 12. júní 2004.
Sr. Halldór Gunnarsson
Ingvar Loftsson frá Holtsmúla
Ingvar var fæddur á Neðraseli þann 3. nóvember
1914, sonur hjónanna Lofts Jakobssonar og Önnu
Þorsteinsdóttur sem þar bjuggu í áratugi. Heimilið var
mótað af starfsháttum þeirrar kynslóðar sem stundaði
búskapinn af eljusemi og dugnaði því mörg voru
handtökin og verkefnin ærin við sveitastörfin. Ungur
lærði Ingvar til ýmissa verka og var alla tíð ákveðinn
og fylginn sér; vildi drífa verkin áfram og leysa
verkefnin af samviskusemi og heiðarleika.
Barnahópurinn var stór á heimilinu. Elst systkin-
anna var Margrét, síðar húsfreyja í Snjallsteinshöfðahjáleigu, næstur var Jakob,
síðar búsettur í Reykjavík, þá Agúst Guðlaugur, síðar bóndi í Arabæjarhjáleigu.
Sigríður varð húsfreyja í Grindavík, þá Þorsteinn, síðar bílstjóri í Reykjavík;
Elías, síðar sjómaður, fórst í seinni heimsstyrjöldinni. Lára dó ung, Sigurbjartur,
síðar búsettur í Hafnarfirði. Þrír yngstu bræðurnir voru Guðmundur, tók við búi í
Neðraseli, Ingvar bóndi í Holtsmúla og Einar sem um tíma bjó í Neðraseli en
seinna á Vegamótum og í Reykjavík.
Öll voru systkinin mannvænlegt atgervisfólk og er margt afkomenda sem nú
eiga ættir að rekja til þeirra ágætishjóna, Lofts og Önnu í Neðraseli.
Ingvar vann við ýmis störf til lands og sjávar á sínum yngri árum, var á vertíð-
um á vetrum en heima í héraði á sumrin. Þáttaskil urðu í lífi hans er hann festi ráð
sitt, hann kvæntist þann 30. júní 1945 Sigríði Jónsdóttur í Holtsmúla, og ein-
kenndist hjónaband þeirra alla tíð af dugnaði, umhyggju og kærleika. Þau Ingvar
og Sigríður þekktust frá því þau voru komung, voru nágrannar og skólafélagar, þó
ekki væru þau fermd sama árið.
Það þótti eðlilegt að hjónin tækju við búinu í Holtsmúla, og bjuggu þau þar til
ársins 1973, að þau fluttust suður og bjuggu síðan í Reykjavík og í Kópavogi
allmörg síðustu árin.
í Holtsmúla var tvíbýli og raunar þrjár fjölskyldur samtímis og því mannmargt
á köflum. Börn komu til sveitardvalar og hjálpaðist fólkið að við öll þau margvís-
-158-