Goðasteinn - 01.09.2022, Blaðsíða 7

5
Fylgt úr hlaði
Það er mér sönn ánægja og heiður að fá að ritstýra
fimmtugasta og áttunda árgangi Goðasteins. Blaðið
var upphaflega stofnað árið 1962 af þeim Þórði Tóm-
assyni safnstjóra í Skógum og Jóni R. Hjálmarssyni
sem þá var skólastjóri í Skógum. Ég minnist þess í sveitinni forðum að hafa
rýnt í skrif þeirra félaga og fannst mikið til koma. Systkinin í Næfurholti, þar
sem ég ól manninn nokkur sumur, fylgdust vel með sögulegu efni sem út kom í
Rangárþingi. Þau opnuðu mér glugga sem ég hef síðan notið þess að skyggnast
inn um. Undir Heklu var menningarlega nestið vel útílátið og það hef ég reynt
að treina mér vel.
Tilviljun varð til þess að ég tók að mér að ritstýra Goðasteini, ég var í náms-
leyfi frá kennslu og jólafríið nýttist vel. En allajafna sinni ég íslenskukennslu
við Menntaskólann í Reykjavík samhliða ritstörfum og þýðingum. Að máli var
komið við mig í lok október um að taka að mér ritstjórnina og hófst ég fljótlega
handa. Ég fann glögglega í samtölum mínum við Rangæinga að Goðasteinn
hefur getið sér góðan orðstír. Fólk telur mikilvægt að halda útgáfunni áfram og
varla nokkurt fyrirtæki hafnaði að kaupa auglýsingu. Útgáfan er líka sameig-
inlegt keppikefli allra sveitarfélaganna í sýslunni og á greinilega víða hauka í
horni. Margir lofuðu greinum að ári og það er mín sýn að mikilvægt sé að fá
unga fólkið til að skrifa í blaðið, hugboðið segir mér að í næsta blaði fáum við
nýja og ferska penna að borðinu.
Í þessu blaði er reynt að miðla menningarefni héraðsins. Fyrir mig, sem
ættaður er úr Rangárþingi og bjó þar um tíma, var ánægjulegt að sjá hversu
ríkulegu menningarlegu auðmagni héraðið býr yfir. Eins og sjá má í þessu blaði
kemur út fjöldi rangæskra bóka og tónlistarlífið er í miklum blóma. Það er
því viðeigandi að listamaður Goðasteins þetta árið kemur úr röðum tónlistar-
manna. Myndlistin stendur líka styrkum fótum í sýslunni og eðlilegt er að
henni verði gerð skil í næstu Goðasteinum.
Ég vona að þið njótið þess að lesa þetta blað. Ég tel mikilvægt að í sýslu
sem okkar sé gefið út rit sem miðlar menningu og sögu. Það er von mín að
innan tíðar verði opnuð vefsíða í nafni ritsins. Á henni mætti miðla efni úr eldri