Goðasteinn - 01.09.2022, Page 151

149
Goðasteinn 2022
í stækkandi lóninu og aðeins hægt að nálgast með bát. Þegar byrjað var að taka
mælingarnar var hægt að ganga þurrum fótum að jökulsporðinum svo þessi
breyting sýnir vel hversu mikið jökullinn hefur hopað. Að þessu sinni mældist
hop jökulsins milli ára 11 metrar og hefur Sólheimajökull hopað um 408 metra
frá því að mælingarnar hófust haustið 2010.
Björgunarsveitin Dagrenning hjálpar til við jökulmælingar.
Dagur íslenskrar tungu var haldinn hátíðlegur í Hvolsskóla en þó ekki með
hefðbundnum hætti þar sem ekki var hægt að bjóða gestum að koma til að
fylgjast með dagskránni. Upplestrinum var streymt beint þar sem 10. bekkur
las Brennu-Njálssögu frá upphafi til enda. Dagskráin var reglulega brotin upp
með atriðum frá öðrum bekkjum í skólanum og þar með tóku allir þátt.
Í byrjun febrúar 2022 voru þemadagar á elsta stigi í Hvolsskóla. Að þessu
sinni var kynjafræði þemað sem endaði á opnu húsi þar sem afraksturinn var
kynntur. Þar stóð hver hópur á sínum kynningarbás og lagði góður fjöldi leið
sína í skólann ásamt öðrum nemendum og kennurum. Nemendurnir stóðu sig
einstaklega vel og básarnir voru listilega settir upp. Nemendur héldu einnig
þemadaga á miðstigi, fóru í fjallgöngur, tóku þátt í Öðruvísi öskudegi í skól-
anum og margt fleira.