Bókatíðindi - 01.11.2024, Síða 24

RAF HLB
Brúðumeistarinn
Höf: Óskar Guðmundsson
Les: Daníel Ágúst Haraldsson
Tveir drengir finnast látnir í Reykjavíkurhöfn árið
1975 . Átta árum síðar fá fimm ólíkir einstaklingar
dularfull bréf þar sem þeim er hótað dauða segi
þau ekki sannleikann . Brátt finnst sá fyrsti látinn, í
dauðanum stillt upp sem strengjabrúðu . Lögreglan
etur kappi við tímann og eltir slóð morðingja .
Daníel Ágúst les af skuggalegri innlifun .
Storytel
KIL
Dauðaþögn
Höf: Anna Rún Frímannsdóttir
Hrefna hefur starfað á lögmannsstofunni Skildi frá
útskrift en þar sinnir hún aðallega þinglýsingum,
skilnaðarpappírum og annarri skriffinnsku . Þegar
morðmál dettur óvænt inn á borð hennar teygja
þræðir málsins sig í ófyrirséðar áttir og Hrefna
þarf að leggja allt í sölurnar til að fóta sig í nýju
hlutverki . Er hún að storka örlögunum?
314 bls .
Salka
IB
Dauðinn einn var vitni
Höf: Stefán Máni
Hörður Grímsson á ekki sjö dagana sæla . Hann er
að rannsaka ólöglegt verðsamráð stórfyrirtækja en
saknar þess að rannsaka alvöru glæpi . Einn daginn
heyrir hann undarlega yfirlýsingu óþekkts manns í
lokuðu talstöðvarkerfi lögreglunnar . „Eftir þrjá daga
mun ég hlaupa af stað . Eftir að ég hleyp af stað hafið
þið þrjár klukkustundir til að stöðva mig .“
286 bls .
Sögur útgáfa
SVK
Dimma Drungi Mistur
Höf: Ragnar Jónasson
Bækurnar um lögreglukonuna Huldu hafa borið
hróður Ragnars Jónassonar um allan heim . Dimma,
Drungi og Mistur voru í einni og sömu vikunni á
meðal tíu mest seldu bóka Þýskalands . Þær hlutu
Palle Rosenkrantz-verðlaunin sem besta þýdda
glæpasagan í Danmörku og Dimma var valin
besta þýdda glæpasagan á Spáni árið 2023 .
524 bls .
Veröld
RAF HLB
Dætur regnbogans
Höf: Birgitta H. Halldórsdóttir
Dásamleg saga sem segir af ævintýralegri lífsbaráttu
og örlögum ótrúlegra persóna sem lifað hafa lengi
í hugum lesenda . Birgitta H . Halldórsdóttir hefur
löngum verið meðal fremstu skáldsagnahöfunda
Íslands og með tímanum verður höfundarverk hennar
loks aðgengilegt nýjum lesendum í hljóð- og rafbók .
330 bls .
Storytel
IB
Eldri konur
Höf: Eva Rún Snorradóttir
Ung kona gefur rapport af þráhyggju sinni fyrir eldri
konum og rekur líf sitt frá barnæsku til fullorðinsára
gegnum frásagnir af konum sem hafa heltekið hana .
Eldri konur er röntgenmynd af ástandi . Við kynnumst
konunni með ólíkum brotum af sögu hennar,
uppvexti í flóknum heimilisaðstæðum, mismunandi
vinnustöðum, vináttu, ástum, sigrum og ósigrum .
160 bls .
Benedikt bókaútgáfa
KIL RAF HLB
Eyja
Höf: Ragnhildur Þrastardóttir
Af hverju vill fyrrverandi stjúpmóðir Eyju að
þær hittist öllum þessum árum síðar; hvað er
ósagt? Eyja er saga um flókin fjölskyldutengsl,
brengluð samskipti og sár sem ekki gróa . Þetta
er fyrsta bók Ragnhildar Þrastardóttur en
sagan bar sigur úr býtum í handritasamkeppni
Forlagsins, Nýjum röddum, árið 2024 .
122 bls .
Forlagið
KIL
Eyjar
Höf: Gróa Finnsdóttir
Mæðgurnar Katrín og Magdalena hafa orðið
til skiptis í sögu fjölskyldu þar sem allt virðist
ósköp slétt og fellt . En brátt verður ljóst að innan
fjölskyldunnar krauma leyndarmál! Þessi hrífandi
saga er römmuð inn af stórbrotnu sögusviði
Breiðafjarðar . Þetta er önnur bók höfundar en fyrri
bók, Hylurinn (2021), hlaut afar góðar viðtökur .
236 bls .
Bókaútgáfan Sæmundur
B Ó K A T Í Ð I N D I 2 0 2 4 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa24
Skáldverk ÍSLENSK