Bændablaðið - 27.06.2024, Page 57

57Líf & starfBændablaðið | Fimmtudagur 27. júní 2024
Setja skal inn tölur frá 1-9, í eyðurn ar. Sama talan má ekki koma fyrir tvisvar í línu lárétt og lóð rétt og heldur ekki innan hvers reits sem afmarkaður er af sverari lín um.
Erfinginn:
Bóndi
framtíðar
Þú átt einn hund í spaða, tíuna þriðju í
hjarta, ás, gosa fjórðu í tígli og ásinn fimmta
í laufi.
Þú þarft að spila út í vörn
gegn fjórum spöðum.
Þú situr í vestur og veist
að suður á 10-12 punkta
jafnskipt eftir opnun hans
á veiku grandi. Norður
yfirfærði í spaða og stökk
svo í 3 grönd sem suður
breytti í 4 spaða.
Hverju viltu spila út?
Rifjum aftur upp spilin
þín: x-Txx, ÁGxx-Áxxxx
Spilið kom upp í Sumarbridge fyrir
skemmstu í Síðumúlanum og þannig voru
hendurnar:
Við sem sjáum allar hendur vitum að
spaðinn liggur svo illa fyrir suðri að fjórir
spaðar hljóta að fara niður þótt reyndar væru
þeir gefnir á einu borði. Algeng niðurstaða
var að sagnhafi fengi 8 slagi og vörnin fimm.
En við borð umsjónarmanns fékk sagnhafi
bara 7 slagi í geiminu. Hvernig atvikaðist
það?
Vestur, Guðjón Sigurjónsson, átti allan
heiður af því. Hann var svo sannarlega á
skotskónum þegar hann valdi leiftursnöggt
að spila út undan laufásnum. Eftir það hlaut
sagnhafi að gefa tvo slagi á tromp, tvo á tígul
og tvo á lauf, því engum dettur í hug að rjúka
upp með kónginn í fyrsta slag. Hreinn toppur
fyrir Guðjón.
„Jú, sjáðu, ég vissi að ég þyrfti að reyna að
þyrla upp ryki,“ sagði Guðjón og sér vart enn
milli veggja í Síðumúlanum eftir bólstrana
alla sem hann skildi eftir sig ...
Ég man aldrei eftir að hafa tekið upp
ellefu spil í sömu sort í bridds. En svoleiðis
skiptingarundur átti sér stað austur á landi í
bikarkeppni BSÍ þar sem sveit Grant Thornton
tókst á við austfirska sveit.
Eyþór Stefánsson, einn Austfirðinganna
sem spiluðu bikarleikinn, sá andstæðing á
undan sér opna á einu laufi og tók upp spilin.
Kóng og gosa í spaða og kóng og gosa elleftu
í tígli!
Hann ákvað að melda strax fimm tígla en
fékk ekki að spila þá þar sem andstæðingur á
undan honnum meldaði sex lauf. Þá hækkaði
Eyþór í 6 tígla sem voru doblaðir og út kom
lítill spaði.
Hönd makkers Eyþórs var ekkert slor og
viðurkennir hann í samtali við umsjónarmann
briddsdálksins að hann hafi heldur betur kæst
þegar upp kom í blindum: ÁDx, KDxxxx,
eyða og ÁDxx.
Fátt gat komið í veg fyrir 12 slagi nema
einu tromp andstöðunnar væru á sömu hendi.
Svo var ekki en samt stóð samningurinn ekki.
Hvernig gat það gerst?
Spaðaútspilið var trompað með blankri
tíguldrottningu!
Það var Gunnar Björn Helgason, sem
var, líkt og Guðjón í spilinu á undan, alveg
funheitur í útspilsputtanum enda sjá lesendur
að slemman vinnst með öllum öðrum
útspilum.
Umsjón: Björn Þorláksson,
bjornthorlaksson@gmail.com
Eitruð útspil rústuðu geimum og slemmum
Björn
Þorláksson.
Jón Aðalsteinn Hermannsson frá Lyng-
brekku í Reykjadal tefldi skák fyrir 10
árum síðan á Íslandsmóti skákfélaga fyrir
Skákfélagið Goðann, þar sem hann bauð
andstæðingi sínum úr Fjölni drottninguna
sína á silfurfati.
Andstæðingur Jóns þáði hana og þar með
átti Jón þvingað mát í tveim leikjum, sem hann
nýtti sér. Andstæðingur Jóns hefði sennilega ekki
sloppið við mát ef hann hefði sleppt því að taka
drottninguna, sem kom til greina.
Hann hefði sennilega
tapað skákinni nokkrum
leikjum síðar að því gefnu
að svartur hefði alltaf valið
réttu leikina. Biskup svarts,
sem er reyndar staðsettur
á óvenjulegum stað fyrir
biskup (a8), gegnir hér
lykilhlutverki í stöðunni
fyrir svartan.
Síðasti leikur hvíts (Rg6) setur gaffal á hrók
og drottingu svarts og í fljótu bragði virðist
staðan unnin á hvítt en svo var ekki. Jón fann
réttu leiðina og knúði fram mát í 35 leik.
Ef lesendur Bændablaðsins luma á
áhugaverðum skákum geta þeir haft samband.

Umsjón: Hermann Aðalsteinsson,
lyngbrekku@simnet.isSvartur á leik. 34….De1+! 35. Hxe1 - Hxe1+ 36.
Kh2 - Hh1 mát.
Drottingarfórn fyrir mát ... aftur
Hermann
Aðalsteinsson.
Hann Eiður er hress og kátur fimm ára
strákur sem veit ekkert betra en að brasa
í vélum og við bústörfin.
Nafn: Eiður Örn Hansson.
Aldur: 5 ára.
Stjörnumerki: Naut.
Búseta: Hvolsvelli.
Skóli: Leikskólinn Aldan.
Skemmtilegast í skólanum: Að fara í
bóndaleik.
Áhugamál: Brasa í hesthúsinu og á vélum.
Tómstundaiðkun: Hestbak og fjórhjólið.
Uppáhaldsdýrið: Loðfíllinn hans Jóns
(loðinn hestur).
Uppáhaldsmatur: Eggjabrauð.
Uppáhaldslag: Vinn við það með Árna
Páli og Bíómynd (VÆB).
Uppáhaldsmynd: Ofurhvolparnir og
Klaufabárðarnir.
Hvað er það skemmtilegasta sem þú
hefur gert: Farið til útlanda.
Hvað langar þig að verða þegar þú
verður stór: Bóndamaður að vinna í
Dufþekjunni (Dufþaksholt).
Létt Miðlungs Þung Þyngst
Viltu taka þátt? Hafðu samband.
sigrunpeturs@bondi.is
Jón Aðalsteinn Hermannsson (fyrir miðju) varð Héraðsmeistari HSÞ í skák árið 2014.
SUDOKUÞRAUTIR
HUGARÍÞRÓTTIR
Norður
AKJ53
QJ
93
K976
Vestur
6
1097
AJ42
A8542
Austur
Q1087
8542
K87
Q3
Suður
942
AK63
Q1065
J10
Eyþór Stefánsson tv. og Guðjón Sigurjónsson.