Íslenskt mál og almenn málfræði - 01.01.2023, Qupperneq 245

Frá Íslenska málfræðifélaginu

Skýrsla um starfsemi félagsins
frá 20. júní 2022 til 8. júní 2023

Aðalfundur Íslenska málfræðifélagsins var haldinn 20. júní í kennarastofu
Árnagarðs frá kl. 15–16. Á aðalfundinum var kosið í stjórn og embætti
innan félagsins. Þessi voru kosin: Heimir F. Viðarsson formaður, Dag -
björt Guðmundsdóttir gjaldkeri, Eiríkur Rögnvaldsson ritari, Kristín M.
Jóhanns dóttir meðstjórnandi, Ásta Svavarsdóttir, Einar Freyr Sigurðsson
og Þórhallur Eyþórs son ritstjórar, Hildur Hafsteinsdóttir og Nedelina
Ivanova varamenn, Ari Páll Kristins son og Sigríður Sigurjónsdóttir skoð -
unar menn reikninga, Ingibjörg Frímannsdóttir fulltrúi á aðalfundi Mál -
ræktarsjóðs.

Málvísindakaffi
Málvísindakaffi var haldið reglulega eins og verið hefur á föstudögum,
allajafna í Árnagarði (nema í prófatíð), þegar fyrirlesarar gáfu sig fram eða
fengust með öðru móti. Sendar voru út tilkynningar á póstlista félagsins
til þess að óska eftir fyrirlesurum með tengsl við félagið en jafnframt héldu
erindi nokkrir erlendir fræðimenn sem og aðrir eftir ábendingum og eftir -
grennslunum. Þá voru jafnframt sendar út tilkynningar í Facebook-hóp
félagsins.
Óskað var eftir að fyrirlestrar yrðu einnig aðgengilegir í streymi og við
þeirri beiðni var orðið. Fjarfundir voru þó almennt illa sóttir. Tækni að -
staða í stofum Árnagarðs hentaði fremur illa fyrir fjarfundi af þessum
toga og gestir sem þá sóttu kvörtuðu yfir að heyra illa í þátttakendum í
sal. Leita þyrfti leiða til þess að bæta úr tæknimálum ef þessu fyrir komu -
lagi verður framhaldið.
Eftirfarandi er yfirlit yfir dagskrá Málvísindakaffis frá síðasta aðal-
fundi:
• 14. október 2022 flutti Margrét Guðmundsdóttir (PhD, Há skóli
Íslands og verkefnisstjóri Hugvísindastofnunar) erindi sem nefnd-
ist „Þegar upp er staðið …“. Í erindinu var fjallað um valda þætti í