Skógræktarritið - 15.10.2014, Qupperneq 60

SKÓGRÆKTARRITIÐ 201458
Á fyrri hluta síðustu aldar tóku tveir menn upp á því að skera hús úr stofni risarauðviðartrés og tók verkið þá átta mánuði.
Þegar húsið var tilbúið var því ekið um öll Bandaríkin til að kynna almenningi risarauðviðina. Nú á dögum er þetta fræga
einsbols hús (One-Log House) staðsett í Garberville í Norður-Kaliforníu og er vinsæll áningarstaður ferðamanna.
Grandfather Tree er einkum þekkt fyrir sérstakt útlit sitt og
lögun sem heillað hefur margan ljósmyndarann í gegnum
tíðina. Tréð er um 80 metrar á hæð, 7,3 metrar í þvermál og
talið er að það sé um 1800 ára gamalt.
Í Big Sur er syðsti hluti útbreiðslusvæðis risarauðviðar-
trjánna. Tréð á myndinni er af strandafbrigðinu (Sequoia
sempervirens) en það er sú tegund sem nær mestri hæð allra
trjáa. Fyrir 1850, áður en skógarhögg hófst að ráði, þöktu
rauðviðarskógarnir um 8.500 ferkílómetra svæði í Kaliforníu
en nú hefur um 95% af þessum skógum verið eytt vegna
þess hve eftirsóttur viðurinn er.