Fróðskaparrit - 01.01.1960, Side 27

Nýggir tilburðir við tuberklasjúkum í Eiðis læknadømi 33
Sum vit síggja á 11. talvu, doyðu hesi 32 árini í Eiðis
læknadømi tilsamans 47 av tuberklasjúkum, og av teimum
37 av lungnatuberklum. Vit kenna manntølini1) frá 1. februar
1921 og frá 5. november 1925, 1930, 1935 og 1950. íbúgva*
talið var í hesum árunum frá 2124 hitt fyrsta árið til 2326
hitt seinasta. Yvirhøvur fyri árið verða tað 2226. Vit fara
neyvan stórvegis skeivir, tá ið vit nýta hetta talið á íbúgvum
fyri hvørt einstakt av hesum 32 árum. Tað verða tá 6,6
andlát av tuberklum fyri hvørjar 10.000 íbúgvar í øllum
Iæknadøminum og 5,2 andlát av lungnatuberklum.
Joensen (7) hevur tølini á tuberklaandlátum av øllum
tuberklasjúkum, roknað fyri hvørjar 10.000 íbúgvar um
allar Føroyar í hesi 30 árini frá 1921 til 1950, skift sundur
í fimmáraskeið. Tølini eru 15,8, 12,6, 10,3, 9,2, 7,7 og 6,1.
Talið fyri Eiðis læknadømi 6,6 fyri at kalla sama tíðar»
skeið (27/6 1920—26/6 1952) er so heldur lægri enn før*
oyska miðaltalið.
Tuberklarnir eru minni enn so líka tættir í teimum 18
bygdunum, ið leitaðu til lækna á Eiði. 1 bygdini M. við
íbúgvaratalinum 231 (roknað út sum talið omanfyri) vita
vit um 19 andlát av tuberklum, og av teimum 16 av lungna*
tuberklum. Hetta verður av øllum tuberklasjúkum 25,7 and*
lát fyri hvørjar 10.000 íbúgvar, og av lungnatuberklum
21,6. Bygdin B víð 247 íbúgvum hevði næststørstu tølini
— ávikavist 13,9 og 11,4.
Fjølbygdasta sóknin hevði 15. juni 1945 629 íbúgvar.
Hon hevur 2 heilt smáar bygdir og hina størstu bygdina,
L. av øllum, sum við eru í hesari rannsókn. í hesi bygd*=
ini vóru tætt uppi undir 600 íbúgvum. 1 hesi sókn vóru
8 andlát av tuberklum, 6 teirra av lungnatuberklum, og
áttu øll heim í teirri stóru bygdini. Siga vit 629 (óvist
um tað er heilt beint) at vera miðaltalið í hesari sókn fyri
øll hesi árini, verður tuberklatali 4,0 av 10.000 og viðvíkj*
andi lungnatuberklum 3,0.
0 Eg veiti Statistisk Departement tøkk fyri manntølini í hesi ritgerð.
3