Fróðskaparrit - 01.01.1963, Blaðsíða 13

Nevtollur og nýggjari føroysk lóggáva
19
eller Dødsfald udgaar, og hvor mange af den unge Mandkiøn igien
have naaet dend Alder, at de bør svare N*bbetold.«
Nyskipanin við nevtollinum skilti seg frá tí, sum fyri
1741 hevði verið galdandi, í hesum, 1) at nú vóru onnur
fuglanev enn ravnsnev tikin við, 2) bert Havnarmenn sluppu
undan nevtollinum, 3) nevtollssektirnar skuldu nýtast til
umvøling av løgtingshúsinum. Seinri í hesi grein skal meira
verða skrivað um teir fuglar, sum komu aftrat undir nev*
tollin, og hvønn skaða teir gera, og skal tí nú verða sagt
eitt sindur um broytingarnar 2) og 3).
Um teir, ið nevtoliurin skuldi galda fyri, stendur í fyrb
skipanini frá 21. novembur 1741:
»Sysselmændene skulle aarligen forfatte rigtige Mandtaller over Mand*
skabet fra 15 til 50 Aar inclusive, og fra Enhver af den Alder ved
Olabtider indkræve Næbbetolden, dog at derfra exiperes Thorshavns
Indbyggere, som ej har Jorder og Grunder at skylde af.«
Tey fyrstu árini aftaná nýskipanina vóru nevtollsskyldugir:
930 í 1743 og 947 í 1744*); hetta svarar soleiðis toluliga
væl saman við tí tali — umleið 1000 — sum nevnt var í
áðurnevnda skrivi 14. juni 1741 frá løgmanni og landfúta.
Nú vóru bert Havnarfólk sloppin undan nevtollinum.
Aður høvdu prestarnir og húski teirra ikki latið nevtoll,
og í áður nevnda skrivi frá 19. septembur 1740 mæltu
løgmaður og landfúti til, at prestarnir og sýslumenninir og
prestasynirnir, sum búðu heima, sluppu undan nevtollinum,
men ikki sæst at vera gjørt eftir hesi tilráðing, og undan*
takið, sum gjørt var fyri Havnarfólk, varð seinri avgjørt
skuldi skiljast beinleiðis, sum tað stóð í fyriskipanini. I
einum løgtingsáliti frá 10. august 1854 verður sagt, at »da
kun Thorshavns Indbyggere udtrykkelig ere fritagne, antage
vi ikke, at nogen Anden, selv om han maatte være i samtne
Tilfælde som Indbyggerne i Thorshavn, kan paastaa sig
*) Smbr. Svabo bls. 95.