Helgarpósturinn - 23.07.1987, Blaðsíða 16

eftir Önnu Kristine Magnúsdóttur mynd Loftur Atli
Ágústa Guðmundsdóttir var kjörin Fegurðar-
drottning Islands árið 1956. Frá þeim tíma
hefur margt á daga hennar drifio. Hún tók
mormónatrú — en vinnur nú gegn útbreiðslu
mormónisma. Ágústa er komin heim til
Islands með kvikmyndina sem segir sann-
leikann um mormónakirkjuna. Hún talar
opinskátt í HP viðtalinu í dag.
FIMM BORN
í FJÓRUM RÍKJUM
„Hvað er þetta! Þú ert bara stelpa!" sagði Jón Nikulásson fæðingarlæknir
sem var mœttur á heimili í Sogamýrinni fyrir 31 ári til aö taka á móti fyrsta
harni Ágústu Guðmundsdóttur. Hann horföi á hana um stund og bœtti viö:
„Þú átt ekki aö vera hér og eiga barn, þá átt heldur aö vera suöur í Tívólí
í feguröarsamkeppni." Þá var veriö aö kjósa Guölaugu Guömundsdóttur
sem fulltrúa íslands í Miss Universe keppnina á Langasandi. Þremur mán-
uöum síöar var Ágústa mœtt í Tívolíiö þar sem hún var kjörin Ungfrú Island
1956.
ÓVILJANDI YFIRLIÐ
„Þú ætlar þó ekki að láta konu sem er að kom-
ast á sextugsaldurinn rifja þetta upp," segir
Ágústa skellihlæjandi. „Þetta kom reyndar til
vegna þess að foreldrar mínir, Áslaug Sigurðar-
dóttir og Guðmundur Árnason, létu skrá mig í
keppnina án minnar vitundar. Ég hef sjálfsagt
bara verið svona hlýðin! Á þessum tíma var ég
gift og með þriggja mánaða gamalt barn á
brjósti, enda var það leyfilegt hér á landi á þess-
um árum. Hins vegar mátti enginn frétta af
þessu í Miss World keppninni í London, þangað
sem ég var send fyrir Islands hönd og það var
ætlast til að ég færi með það eins og manns-
morð að ég ætti barn. En ég var nú ekki aldeilis
á því, gekk um með myndir af syninum manna
á milli og sagði hverjum sem heyra vildi að þetta
væri sonur minn. Eiginmaður minn þáverandi
var með í ferðinni og undir lokin nennti ég ekki
þessum látalátum og sagði hikstalaust að ég
væri bæði gift og orðin móðir! Skemmtilegasta
upprifjunin mín frá þessari keppni er þegar mér
tókst að leiðrétta lávarð í kvöldverðarboði sem
haldið var fyrir keppendur. Hann var að upplýsa
okkur um eitt og annað viðvíkjandi Bretlandi og
sagði að enska þingið væri það elsta í heimi. Ég
var nú ekki aldeilis á því og sagði upp yfir alla
að þetta væri nú ekki rétt, íslenska þingið væri
það elsta, stofnað 930. — Þetta var næstum það
eina sem ég vissi úr íslandssögunni og mátti til
með að brillera á því," bætir hún við og hlær.
— En þú lentir í heimspressunni, ekki rétt?
„Jú, og það var sko alveg óvart! Ég var á Ijós-
myndarafundi klukkan sjö að morgni og sat uppi
á flygli, heldur framlág, enda hefur morgunninn
aldrei verið minn tími. Þá var kallað í mig úr öll-
um áttum og ég ætlaði að renna mér glæsilega
niður af flyglinum, en tókst ekki betur til en svo
að ég fékk algjöra brauðfætur og féll í yfirlið.
Ljósmyndararnir þutu auðvitað til mín og dag-
inn eftir mátti lesa í blöðum um víða veröld að
„Miss Iceland" hefði fallið í yfirlið!
En — þetta var ekki með ráðum gert eins og
sumir hér hafa strítt mér á“ segir hún brosandi.
„Ég hef aldrei verið fyrir Jeikaraskap. Hins vegar
fékk ég mörg viðtöl við mig í bresku blöðunum
eins og „Woman’s Own“ og fleirum vegna þess
að ég var með stúlkunni frá Suður Afríku í her-
bergi og við vorum kallaðar „Hot and Cold" og
það fannst blaðamönaum nokkuð spennandi.
Er ekki komið nóg með þessa fegurðarsam-
keppni annars?!"
Snemma ársins 1957 flutti Ágústa með manni
sínum til Bandaríkjanna þar sem hún hefur ver-
ið búsett síðan. Þau skildu og Ágústa hefur nú í
28 ár verið gift Daniei Harting. Hún á með hon-
um fjögur börn, Lance, Sherry, Kim og Heather,
en áður átti hún soninn Earl. „Já, ég eignaðist
fimm börn í fjórum ríkjum Bandaríkjanna og
eitt barnið fæddist á íslandi," segir hún. Barna-
börnin eru þrjú og „sem betur fer búa fjögur af
mínum börnum í sama ríki og ég. Annars sæi ég
lítið af þeim.“
„MÁ ÉG RÆÐA VIÐ YÐUR
UNDIR FJÖGUR AUGU?"
Þess má geta hér i framhjáhlaupi að Ágústa
steig sín fyrstu og einu spor á kvikmyndabraut-
inni árið 1954 þegar hún lék bóndakonuna í Gili-
trutt. Hún segist ekki hafa séð frumsýningu
myndarinnar hér á landi, enda hafi hún verið
svo lengi í vinnslu að hún hafi verið flutt til
Bandaríkjanna þegar að því kom: „Ég sá því
„Gilitrutt" bara á litlu sýningartjaldi í sal sam-
komuhúss í Bandaríkjunum," segir hún. Hún
segir tildrög þess að hún lék í kvikmyndinni hafa
verið þau að maður hafi stöðvað sig niðri á
Lækjartorgi, tekið ofan hatt sinn og spurt hvort
þau gætu ekki talað saman undir fjögur augu:
„Og við vorum niðri á Lækjartorgi," segir hún.
„Maðurinn með hattinn" var Valgarð Runólfs-
son, sem lék bóndann í Gilitrutt og hann átti
greinilega auðvelt með að sannfæra Ágústu um
að taka að sér hlutverkið.
MORMONATRU ER VILLUTRÚ
1 Bandaríkjunum kynntist Ágústa mormóna-
trú. Hún segir það í rauninni ekki undarlegt því
hún hafi ekki þekkt kristna trú að neinu ráði á
æskuárunum, verið fermd eins og önnur börn,
en ekkert lesið sér til um trúmál: „Þegar maður
býr erlendis fer ekki hjá því að maður verður
einmana og haldinn heimþrá," segir hún. „Ég
tók því fegins hendi á móti mormónunum sem
heimsóttu mig og horfðu á mig með sínum
stóru, sakleysislegu augum og töldu mér trú um
að mormónatrú væri eina rétta trúin. Ég lifði og
hrærðist í þessu í fimmtán ár og var mjög virk
í mormónakirkjunni síðustu átta árin. En sem
betur fer opnuðust augu mín,“ segir hún en und-
anfarin ár hefur Ágústa barist hart gegn
mormónum og starfar með „Ex Mormons for
Jesus Christ", samtökum sem berjast gegn út-
breiðslu mormónismans. Um það segir hún: „Ég
er oft spurð að því hvað ég sé að fetta fingur út
í hverju fólk trúir. Það er mjög eðlileg spurning
— frá fólki sem ekki trúir á neitt. Því finnst óeðli-
legt að maður sé að fetta fingur út í annarra trú-
arbrögð. En þetta hjá mér er auðvitað gert út frá
kristilegu sjónarmiði vegna þess að fyrst og
fremst boðar Kristur okkur að fetta fingur út í
trúarbrögð, hann boðar okkur að boða kristna
trú. Það er staðreynd úr Biblíunni. Þegar hins
vegar fólk kemur og boðar trú, sem er ekki
kristni, eins og mormónar gera, þá ber manni
skylda sem kristinni manneskju að vara fólk við
og vera til staðar þegar fólk vill komast út úr
villutrúnni. Það er ekkert grín að lenda í villu-
trúarflokki vegna þess að þar fremur fólk sjálfs-
morð í hrönnum, verður geðveikt og á óskap-
lega bágt árum saman. Þetta fólk býr í ótta í
mörg ár áður en það finnur leið út úr þessu, það
hefur engan til að tala við og þess vegna eru
samtökin nauðsynleg. Það er hringt til mín
nærri því daglega og í mörg ár hef ég fengið bréf
daglega frá fólki sem er að leita sér hjálpar.
Meira að segja mormónatrúboðar hafa stolist til
mín til að fá ýmis rit sem skráð hafa verið gegn
mormónisma. Mormónatrúin er ein útbreidd-
asta trúin í heiminum í dag og hún breiðist ört
út.“
MORMÓNAKIRKJAN VELTIR 5
MILLJÖNUM DOLLARA Á DAG
— Huers vegna breidist hún svona ört út?
„Mormónar eiga billjónafyrirtæki og þeir
hafa fjárráð til að auglýsa sig, enda greiða með-
limir kirkjunnar 10% af eignum sínum til henn-
ar. Við greiddum nálægt 20% vegna þess að það
var alltaf verið að láta mann greiða aukalega.
Mormónakirkjan er ríkasta stofnun Bandaríkj-
anna vestan Mississippifljóts, hún veltir 5 millj-
ónum dollara á dag, og það er fyrir utan gjafirn-
ar sem fólk gefur henni... Að auki hafa þeir trú-
boðahóp á sínum snærum sem samanstendur af
30.000 manns og það er full vinna fyrir þetta
fólk að ganga hús úr húsi og boða mormóna-
trú. Þetta fólk þykist vera að boða kristni. Svo
þegar fólk er orðið mormónar þá fer maður að
komast að undarlegum hlutum sem eiga ekkert
skylt við kristni."
UNDIRFÖT MEÐ
GALDRATAKNUM
„Þá ferðu til dæmis að komast að því að þú
þarft að ganga í undarlegum nærfötum með
galdratáknum á brjósti, nafla og hné og þessi
nærföt þarftu að bera næst þér innan klæða allt
þitt líf. Þú verður líka að trúa því að það sé einn
guð fyrir þessa veröld en svo séu aðrir guðir fyr-
ir aðrar veraldir og að þú getir sjálf orðið guð.
Þeirra guð er kvæntur og hann lifir í fjölkvæni...
Fyrst þegar ég heyrði af þessu fannst mér
þetta vera kristin trú. Þeir sýndu mér hluta af
Biblíunni og spurðu meðal annars hvers vegna
ég héldi að það væru svo margar kristnar kirkj-
ur til. Hvort þær gætu allar verið frá Guði úr því
þær kenndu svona mismunandi kenningar.
Meðan maður áttar sig ekki trúir maður þeim,
en þegar ég komst út úr villutrúnni og kynnti
mér kristnar kirkjur komst ég að því að þær
byggja allar á sama grunni. Þær kenna það sama
varðandi Guð, Jesú Krist og frelsun. Ef þær
kenna ekki þær kenningar eru þær taldar vera
villutrú. Ef fólk frelsast fyrir eitthvað annað en
náð Guðs vegna blóðs Jesú Krists á krossinum,
þá ertu ekki lengur kristin. Og þá er alveg sama
hvað það fólk notar oft nafn Jesú Krists, það
gæti allt eins kallað hann Jón Jónsson bakara í
Austurstræti. Moonistarnir kalla Kóreumanninn
séra Moon Krist og segja að hann sé Kristur
endurfæddur. En Biblían talar líka um að það
komi falsspámenn, og það er það sem við bend-
um á. Joseph Smith, forsprakki mormónismans
spáði 54 fölskum spádómum sem við höfum á
skýrslu, en Biblían bendir á að sé aðeins einn
falskur spádómur, þá þurfi maður ekki að óttast
þann mann, því hann sé ekki spámaður Guðs.
Þannig að Joseph Smith er búinn að spá sig út
í horn blessaður, hann kemst ekki út úr því
vegna þess að hann tímasetti atburðina."
ÆTLA AÐ YFIRTAKA
BANDARÍKIN
Ágústa segir að mormónakirkjan hafi verið
stofnsett árið 1830: „Síðan hefur hún margfald-
ast og nú tvöfaldast hún á hverjum tíu árum. Það
eru núna um sex milljónir mormóna í heiminum
og eftir tíu ár ættu þeir að vera orðnir 12—20
milljónir ef þeim gengur eins vel að ná fólki til
sín og þeim hefur tekist á undanförnum árum.
Þetta fer því hratt vaxandi. Það liggur fyrir þeim
að eigin sögn að taka að sér stjórn Bandaríkj-
anna og þeir ota sínum mönnum mikið að í
stjórnmálum. Þeir þykjast vera hægrisinnaðir
og berjast fyrir lýðveldi, en það sem vakir fyrir
þeim í raun og veru er að spádómur Josephs
Smiths rætist um að stjórnarskrá Bandaríkjanna
muni hanga á bláþræði og verða bjargað af
prestsdæmi mormóna. Mormónaspámaðurinn
myndi þá yfirtaka Bandaríkin og „postularnir
tólf", mormónapostularnir, myndu stjórna
Bandaríkjunum og síðar heiminum. Þetta er
það sem þeir eru að vinna að. Mormónar eru
mikið í CIA og FBI og þar er í rauninni óeðlilega
há tala af mormónum."
HLUTABREF í COCA-COLA
Þótt Ágústa berjist nú gegn mormónum segist
hún hafa lifað sig algjörlega inn í þeirra „trú“ í
tæp fimmtán ár: „Ég var auðvitað í leynimust-
erunum þeirra, sór þess eið að það mætti skera
mig á háls ef ég óhlýðnaðist þessum boðorðum
þeirra, gifti mig í eilífa giftingu og þar fram eftir
götunum. Ég drakk ekki einu sinni Coca Cola,
þótt það mætti eftir að Guð skipti um skoðun.
Mormónatrúin bannaði nefnilega neyslu Coca
Cola drykkja, en þegar mormónar keyptu hluta-
bréf í Coca Cola fyrirtækinu skipti Guð um skoð-
un og boðaði að nú mætti fólk ráða hvort það
drykki kók! Hann bannaði þó ennþá að við
drykkjum kaffi, en ef mormónar hefðu keypt
hlutabréf í O. Johnson og Kaaber, efa ég ekki að
Guð hefði líka skipt um skoðun í þeim efnum.
Það var nú ekki í fyrsta skipti sem Guð skipti um
skpðun, enda er þetta ekki eilífur Guð hjá þeim.
Ég var að útskýra þetta fyrir pabba mínum
áðan og þá sagði hann: „Nú já, svo Guð er svona
nokkurs konar hreppstjóri hérna í þeirra aug-
um! Þetta er bara hreppstjóravald hjá honum.“
Þetta fannst mér gott hjá þeim gamla! Nú, en ég
hélt að þetta væri hin eina sanna kirkja í heim-
inum. Okkar forsprakkar töluðu líka mikið á
móti öðrum kirkjum eins og John Taylor sem
var þriðji forseti mormónakirkjunnar sem sagði:
„Við tölum um kristni. Hún er tóm vitleysa. Hún
er ein klingjandi bjalla og hringiða og er eins