Morgunblaðið - 01.04.1984, Blaðsíða 2

MORGUNBLAÐIÐ, SUNNUDAGUR 1. APRÍL 1984
Eldur á Bárugötu:
Fjórir fluttir
á slysadeild
ELDUR var laus á Bárugötunni í
kjallaraíbúö í gærmorgun. Slökkvi-
liðið var kvatt á staðinn upp úr kl. 11
af nágrönnum, scm sáu reyk leggja
út um glugga. Kviknað hafði í
plasthengi á baðherbergi og af því
orðið mikill reykur.
Mikill reykur var er slökkviliðið
kom á staðinn, en fljótt gekk að
slökkva eldinn. Skemmdir urðu
litiar nema af reyk.
Fjórir voru fluttir á slysadeild
vegna gruns um reykeitrun, en
eftir skoðun var þeim leyft að fara
heim.
Stöður fréttamanna á útvarpinu:
Útvarpsráð mælir með
Albert og Gissuri
ÚTVARPSRÁÐ hefur ákveðið að
mæla með þeim Albert Jónssyni og
Gissuri Sigurðssyni í stöður tveggja
fréttamanna við útvarpið, sem aug-
lýstar voru til umsóknar fyrir
nokkru. Fjórtán umsækjendur voru
um stöðurnar. Útvarpsstjóri tekur
endanlega ákvörðun um ráðningu.

í Kerlingarskarði
Ljósm.: Snorri Snorrason.
Gissur Sigurðsson er 35 ára
og hefur um árabil unnið við
blaðamennsku. Hann er nú
blaðamaður á DV. Albert er 32
ára og hefur lokið háskólaprófi í
sagn- og stjórnmálafræði. Hann
hefur ekki unnið við fjölmiðla til
þessa.
Morgunblað-
ið hefur nú
undir hönd-
um áróð-
ursbækling
MÍR „Sov-
étríkin:
Spurningar
og svör“,
sem dreift
var í 8. og 9.
bekk skólans
á Hvolsvelli
og Morgun-
blaðið sagði
frá í
baksíðufrétt
í gær. Bækl-
ingurinn er
151 blaðsíða.
SOVETRIKIX
SPURN/NGAR OG SVÖR
Albert setti fram kröfu á hendur Flugleiðum:
Fulltrúi ríkis verði
stjórnarformaður
Vildi ráða vali forstjóra er þeirri kröfu var hafnað
ALBERT Guðmundsson, fjármála-
ráðherra, gerði kröfu til þess,
nokkru fyrir aðalfund Flugleiða, að
annar fulltrúi rikisins í stjórn félags-
ins yrði kjörinn formaður stjórnar
þess. Fjármálaráðherra setti fram
þessa kröfu er Ijóst var orðið, að
formannsskipti yrðu í stjórn Flug-
leiða á þessum aðalfundi vegna veik-
inda fráfarandi stjórnarformanns.
Albert Guðmundsson mun hafa
rökstutt kröfu sína með því, ann-
ars vegar, að ríkið væri stór hlut-
hafi í Flugleiðum og hins vegar að
ríkið legði félaginu til mikið fjár-
magn í formi beinna styrkja og
niðurfellingar lendingargjalda.
Forsvarsmenn Flugleiða höfn-
uðu kröfu Alberts Guðmundsson-
ar og tók fjármálaráðherra það
óstinnt upp og krafðist þess, að
hann réði því, hver yrði nýr for-
stjóri Flugleiða eða að ráðnir yrðu
tveir forstjórar og hann réði
öðrum.
Þessi afstaða fjármálaráðherra
hefur vakið athygli, ekki sízt inn-
an Sjálfstæðisflokksins. Fyrir því
eru tvær ástæður: annars vegar
hefur fjármálaráðherra lýst því
yfir, að hann vilji selja hlut ríkis-
ins í Flugleiðum og öðrum fyrir-
tækjum, sem ríkið á aðild að. Hins
vegar þykir áhrifamönnum innan
Sjálfstæðisflokksins miður, að
fjármálaráðherra úr röðum
sjálfstæðismanna setji fram slíka
kröfu á hendur fyrirtæki, sem að
miklum meirihluta er í einkaeign.
Flugfélag Norðurlands:
3,5 milljóna kr. hagn-
aður á árinu 1983
HAGNAÐUR varð af flugrekstri
Flugfélags Norðurlands á árinu 1983
og nam hann 3,5 milljónum króna,
en velta félagsins á árinu var um 40
milljónir króna.
Á árinu voru fluttir liðlega 19
þúsund farþegar, sem er 3% aukn-
Tel ekki ástæðu til að ríkið
eigi meira í Flugleiðum en nú
— segir Matthías Bjarnason samgönguráðherra
Á nýafstöðnum aðalfundi Flug-
leiða kom f Ijós stórbatnandi
rekstur félagsins í flestum grein-
um og er það mikið ánægjuefni,
þegar litið er aftur til þess tíma,
þegar félagið var rekið með gífur-
legum halla og þurfti að leita að-
stoðar ríkisvaldsins. Sá halli og
erfiðleikar í rekstrinum stöfuðu
fyrst og fremst af þeirri gífurlegu
samkeppni, sem var á flugleiðum
yfir Atlantshafið, á milli megin-
lands Evrópu og Bandaríkjanna.
Flugleiðir var lítill og fjárvana aðili
í þeirri miklu samkeppni," sagði
Matthías Bjarnason, samgöngu-
ráðherra, í samtali við blm. Morg-
unblaðsins.
„Það tókust þá samningar um
aðstoð ríkisins við Flugleiðir,
það voru sett þar tiltekin skil-
yrði því ríkisvaldið lagði mikla
áherzlu á það, að reglubundnum
flugferðum milli íslands og
Bandaríkjanna yrði haldið uppi,
sem var eðlilegt út af fyrir sig og
nauðsynlegt fyrir þjóðina. Sú að-
stoð, sem þá var veitt, varð til
þess að Flugleiðir héldu rekstri
sínum gangandi og ríkisvaldið
setti skilyrði um það að eiga full-
trúa í stjóm. Það voru skiptar
skoðanir um það, en vitaskuld
réð afstaða og vilji þeirra, sem
þá fóru með stjórn landsins. Þeir
sýndu það, að þeir vildu ekki að
þessi rekstur legðist niður því
menn sáu það jafnt, bæði þáver-
andi stjórnarsinnar sem stjórn-
arandstæðingar, að gerðist það,
væri ekki þar með sagt að flug-
félög hér á landi kæmust aftur
inn á þessar leiðir og gætu unnið
sig þar upp aftur. Þetta hefur
tekizt vonum framar en sjáan-
legt er, að ennþá er verulegur
halli á þessari leið og þvi er eðli-
legt að það sé komið til móts við
Flugleiðir og því er ég því
hlynntur að lendingargjöld á
Keflavíkurflugvelli verði felld
niður á meðan þessi halli er og
þó alveg sérstaklega vegna þess
að ríkisstjórn Luxemborgar hef-
ur boðið að fella niður lend-
ingargjöld þar, en þó með þvi
skilyrði að Islendingar geri slikt
hið sama. Það er að vissu leyti
mikill aukakostnaður að hafa
hér lendingar á Atlantshafsleið-
inni, þar sem leiðir flestra far-
þeganna liggja ekki hingað, en
það hlýtur að vera krafa og vilji
að það verði flogið um ísland og
það hafa Flugleiðir fúslega gert
því við verðum sem eyþjóð að
halda uppi reglubundnum og ör-
uggum samgöngum við umheim-
inn.
Á innanlandsfluginu var lengi
verulegur halli, sem var fyrir
það, að ríkisvaldið skammtaði
fargjöldin án tillits til þess hver
þau þurftu að vera á hverjum
tíma. Það olli félaginu miklum
erfiðleikum en á þessu hefur
orðið breyting í seinni tíð, þann-
ig að fjárhagsleg afkoma innan-
landsflugsins er mun skárri. Ég
tel að það sé eðlilegt að ríkis-
valdið komi til aðstoðar þegar
illa árar og erfiðleikar steðja að,
en ég tel ekki ástæðu til þess að
ríkið eigi meira í þessu félagi og
það er miklu affarasælla fyrir
alia að nota þar dugnað og gáfur
einstaklingsins, sem vinnur að
þessum málum. Allir þeir menn,
sem hafa starfað að flugmálum
á undanförnum árum og áratug-
um, hafa sýnt það, að þeir hafa
borið hróður landsins mjög víða
og ég dreg það mjög í efa að það
hefði náðst jafngóður árangur ef
hið opinbera hefði átt að ráða
ferðinni í einu og öllu. Ég held að
við íslendingar höfum verið
mjög lánsamir með frammá-
menn á sviði flugmála. Það er
um fleiri félög að ræða en Flug-
leiðir, öll miklu minni og þau
eiga við sína erfiðleika að stríða,
einkum á seinni árum í sam-
bandi við óstöðugt gengi, sem
hefur valdið þeim miklum erfið-
leikum. Ríkisvaldið hefur að
sumu leyti komið til móts við
suma þessara aðila, sem ég tel
ekki nema eðlilegt að fái fyrir-
greiðslu. Það er mikið í húfi að
þessi starfsemi geti gengið með
eðlilegum hætti því samdráttur
getur valdið ákaflega miklum
erfiðleikum fyrir þjóðfélagið.
Það er margt ógert í flugmálum,
sem brýnt er, ekki sízt á sviði
innanlandsflugsins því vellir eru
víða ákaflega lélegir og nauðsyn
á að bæta þá, en þegar á heildina
er litið verður maður að lýsa því
yfir, að maður er ánægður með
þann árangur, sem Flugleiðir
hafa náð, sérstaklega núna, þó á
engan hátt verði gert lítið úr
þeim árangri, sem náðist þegar
mest blés á móti," sagði Matthí-
as Bjarnason.
ing frá árinu áður. Þá voru flutt
403 tonn af vörum og pósti. Flogið
er til 11 ákvörðunarstaða frá Ak-
ureyri. Þeir eru: ísafjörður, Siglu-
fjörður, Grímsey, Húsavík, Kópa-
sker, Raufarhöfn, Þórshöfn,
Vopnafjörður, Egilsstaðir og um
ólafsfjörð til Reykjavíkur. Til
þessara staða er flogið í tengslum
við áætlunarflug Flugleiða til Ak-
ureyrar.
Hjá Flugfélagi Norðurlands
starfa 20 manns og þar af eru 8
flugmenn og 4 flugvirkjar. Stjórn
félagsins skipa: Einar Helgason,
stjórnarformaður, Jóhannes
Fossdal og Torfi Gunnlaugsson.
Framkvæmdastjóri er Sigurður
Aðalsteinsson.
Leiðrétting
FYRIRSÖGN fréttar varðandi rán-
ið frá ÁTVR á Laugaveginum var
röng í Morgunblaðinu á fimmtu-
dag. Þar var sagt að krafist væri
allt að 12 ára fangelsisvistar, en
hið rétta er að sú lagagrein sem
krafist er refsingar eftir leggur það
í vald dómsins eftir eðli brotsins
hver refsingin skuli vera.
Þá er einnig rangt farið með að
ákæruvaldið krefjist hámarksrefs-
ingar. Hið rétta er að ákaéruvaldið
krefst þess að sakborningar séu
dæmdir til refsingar og til greiðslu
skaðabóta og alls sakarkostnaðar.
Einnig er það rangt að dómurinn sé
fjölskipaður að kröfu ákæruvalds-
ins. Það er í valdi yfirsakadómara
eða dómsmálaráðherra að ákveða
það, hvort dómur skuli fjölskipað-
ur.
Þá var í frétt Mbl. í gær af
Hæstaréttardómi í Skaftafellsmál-
inu svonefnda ranglega sagt, að
dómurinn hljóðaði upp á ævilangt
fangelsi. Dómurinn hljóðaði upp á
16 ára fangelsi.
Morgunblaðið biðst afsökunar á
þessum mistökum.