Morgunblaðið - 01.04.1984, Blaðsíða 23

MORGUNBLAÐIÐ, SUNNUDAGUR 1. APRÍL 1984
23
Hjólaleikhúsið hans Charlot
nýtur mikilla vinsælda í Frakk-
landi um þessar mundir.
Charlot skapaði sitt eigið leik-
hús og býr sjálfur til alla leik-
þætti sem hann sýnir, auk þess
sem hann hannar öll leiktjöld.
Ástæðan fyrir því að hann fór út
í sitt eigið fyrirtæki eftir leik-
listarnám var einfaidlega sú að
honum fannst hlutverkin sem
hann fékk leiðinleg. Honum
fannst hann aldrei segja neitt af
viti í þeim.
Hann tók sig þá til og smíðaði
sitt eigið leikhús. Hjólið fann
hann í Englandi og kerruna í
Frakklandi. Síðan settist hann
niður og tók að semja leikþætti
og það virtist honum einkar lag-
ið. Hann var ekki í vandræðum
með að semja. Hann er með
verk, sem höfða jafnt til barna
og fullorðinna. Börnin dást
gjarnan að húsinu hans og brúð-
unum, enda er hann sjálfur tölu-
verður sprellikarl, og hlæja
börnin gjarnan að háttalagi
hans. En hinir fullorðnu leggja
hlustir við því sem hann segir.
Vinsælasta verkið sem hann hef-
ur samið er sagan af krókó-
dílnum. Charlot hefur sýnt í
Hollandi og Englandi við góðar
undirtektir, en núna er hann á
ferðalagi um Frakkland. Þegar
hann hefur tíma situr hann við
skriftir á litla sveitabænum sem
hann á ekki langt frá París, en
það er víst lítið um skriftir þessa
dagana hjá honum þar sem hann
er fullbókaður fram í tímann.
Reiðhjólaleikhúsið hans Charlots
Endurskoðun hf.:
Raunverð hlutabréfa
getur verið annað
en bókfært verð
Morgunblaðinu hefur borizt eftir-
farandi frá Endurskoðun hf., Guðna
S. Gústafssyni og Ólafi Nilssyni,
löggiltum cndurskoðendum:
„Vegna frásagnar í fjölmiðlum
af meðferð hlutabréfaeignar
Flugleiða í Arnarflugi í ársreikn-
ingi félagsins, viljum við endur-
skoðendur félagsins taka þetta
fram:
Hjá Flugleiðum hefur hluta-
bréfaeign í hlutdeildarfélögum
verið færð í ársreikninga félagsins
með sama hætti allt frá árinu
1980. Hér er stuðst við alþjóðlega
reikningsskilaaðferð, sem nefnd
hefur verið hlutdeildaraðferð og
er ætlast til að félagið noti þessa
aðferð í ársreikningum sínum,
sem notuð er af erlendum lána-
stofnunum og í öðrum alþjóðavið-
skiptum. Þessi reikningsskilaað-
ferð er ekki algeng í íslenskum
fyrirtækjum.
Samkvæmt þessari aðferð
breytist bókfært verð slíkrar
hlutabréfaeignar í samræmi við
afkomu hlutdeildarfélags og
breytinga á bókfærðri eiginfjár-
stöðu þess. Þannig hefur bókfært
verð hlutabréfaeignar í Arnar-
flugi áður verið hækkað vegna
jákvæðrar afkomu en er nú lækk-
að vegna neikvæðrar afkomu á ár-
inu 1983. Hlutabréfaeignin er ekki
færð úr bókum Flugleiða, heldur
breytist bókfært verð hennar í
samræmi við bókfært eigið fé
hlutdeildarfélagsins. Þetta er
tímabundin ráðstöfun og getur
breyst þegar á næsta reikningsári.
Flugleiðir eiga nú um 40%
hlutafjár í Arnarflugi og hafa tvo
af fimm stjórnarmönnum. Þeir
höfðu upplýsingar um afkomu og
eiginfjárstöðu Arnarflugs á árinu
1983 og á þeim er byggð sú
ákvörðun stjórnenda Flugleiða að
færa niður bókfært verð hluta-
bréfaeignar í Arnarflugi í sam-
ræmi við þá reikningsskilaaðferð,
sem áður er lýst.
Ljóst er að raunverð hlutabréfa-
eignar getur verið annað en bók-
fært verð hennar. Raunverðið
ræðst meðal annars af markaðs-
verði eigna viðkomandi félags á
hverjum tíma og framtíðarhorfum
í rekstri þess. Með framangreindri
reikningsskilaaðferð hefur ekki
verið lagt mat á raunverðmæti
hlutabréfa í Arnarflugi."
Siguröur Eyþórsson
sýnir í Ásmundarsal
SÍDASTA sýningarhelgi á sýningu
Sigurðar Eyþórssonar listmálara
stendur nú yfir í Ásmundarsal við
Freyjugötu, en sýningunni lýkur 3.
apríl næstkomandi. Meðal verka
Sigurðar eru bæði teikningar og
málverk, nokkur málverk máluð
með egg-tempera aðferðinní, en
það er 16. aldar tækni sem Sigurð-
ur einn málara hérlendis hefur
sérhæft sig í.
Að loknu námi í Myndlista- og
handíðaskólanum 1971 hefur
Sigurður numið við Listaaka-
demínuna í Stokkhólmi og í
Austurríki.
Sigurður sagði í samtali við
Morgunblaðið að það sérstæða
við egg-tempera aðferðina væri
birtan og skerpan sem þessi að-
ferð skilaði.
Meðfylgjandi mynd er af Sig-
urði Eyþórssyni við ófullgert
málverk.
Hagnýt og falleg fermingargjöf
Message
skólarttvél
með eða án rafmagns
• Sterkar • Skýrt letur • Einfaldar • Léttar • Ódýrar
• í handhægum töskum
Söluaðilar:
Penninn, Hallarmúla
Bókval, Akureyri
Aöalbúðin, Siglufirði
Bókaversl.
Andrésar Níelss., Akranesi
wMI CHP
Bókaversl. Jónasar Tómassonar, ísafirði
Bókaversl. Sigurbjörns Brynjólfss., Hlöðum
Bókaversl. Þórarins Stefánss., Húsavík
Kjarni, Vestmannaeyjum
K.S., Sauðárkróki
Radíóver, Selfossi
Stapafell, Keflavík
Versl. Valberg, Ólafsfirði.
w Ife.
SKRII FSTI ofuvélar h.f.
^ : x ' Hverfisgótu 33 — Simi 20560