Morgunblaðið - 17.07.1997, Blaðsíða 20

20 FIMMTUDAGUR 17. JÚLÍ 1997
ERLEIMT
MORGUNBLAÐIÐ
Hun Sen
lofar kosn-
ingum
Phnom Penh, Peking. Reuter.
FORSÆTISRÁÐHERRANN Hun
Sen hefur lofað að kosningar verði
haldnar í Kambódíu í maí á næsta
ári. Klofningsfylking úr FUNC-
INPEC-flokknum tilnefndi í gær
nýjan forsætisráðherra í stað
Ranariddhs prins, sem Hun Sen
steypti af stóli í byijun mánaðar-
ins.
Tilnefning Ung Huots, núver-
andi utanríkisráðherra, í embætti
forsætisráðherra verður borin und-
ir þing Kambódíu þegar það kemur
saman að nýju 28. júlí næstkom-
andi. Ung Huot er þekktur fyrir
lipurð í samskiptum við önnur ríki,
og telja erlendir stjórnarerindrekar
að val hans eigi að þjóna þeim til-
gangi að fegra ímynd Huns Sens
á alþjóðavettvangi.
Sihanouk sakar Hun Sen
um ofbeldisverk
Sihanouk konungur sakaði í gær
lögreglu og herlið Huns Sens um
að pynta og myrða stjórnarand-
stæðinga. Hann hvatti stjórnvöld
til að láta af ofbeldisverkum, og
minnti á að bæði pyntingar og
morð brytu í bága við löggjöf og
stjórnarskrá landsins.
Talið er að um 40 manns hafi.
verið myrtir af pólitískum ástæð-
um síðan Hun Sen tók völdin í
Kambódíu. Yfirvöld hafa viður-
kennt að tveir stuðningsmenn
Ranariddhs hafi verið teknir af lífi,
innanríkisráðherrann Ho Sok og
Chao Sambath, háttsettur meðlim-
ur í FUNCINPEC.
Sihanouk dvelur nú í Peking,
þar sem hann hefur leitað sér
lækninga. Hann átti í gær fund
með fulltrúum Samtaka Suðaust-
ur-Asíuríkja um ástandið í
Kambódíu, en ákveðið var í síðustu
viku að ekki yrði af inngöngu
landsins í samtökin, eins og áform-
að hafði verið. Sihanouk hefur lýst
yfir hlutleysi sínu í deilu forsæt-
isráðherranna Huns Sens og Rana-
riddhs prins, sonar síns.
Herlið stjórnarinnar
styrkir stöðu sína
Herlið Huns Sens samdi í gær
við sveitir hliðhollar Ranariddh
prinsi um að deila yfirráðum yfir
borginni Poipet, við landamæri
Kambódíu og Tælands, án þess að
til átaka kæmi. Hersveitir kon-
ungssinr.a höfðu safnast þar sam-
an til að undirbúa uppreisn gegn
Hun Sen, en gengu til samninga
þegar lið hans virtist ætla að leggja
svæðið undir sig.
Ríkisstjórn Frakklands, fyrrum
nýlenduveldis í Kambódíu, hefur
beint þeim tilmælum til beggja
fylkinga að koma á vopnahléi og
virða mannréttindi.
Kabila í viðtali
Rúandar
stjórnuðu
ekkiupp-
reisninni
Kinshasa. Reuter.
LAURENT Kabila, forseti Lýðveld-
isins Kongó, sem hét áður Zaire,
neitaði á þriðjudag staðhæfingum
Pauls Kagame,
varaforseta og
vamarmálaráð-
herra Rúanda, um
að rúandískir her-
foringjar hefðu
stjómað sjö mán-
aða uppreisn sem
kom honum til
valda.
Kabila sagði í fyrsta viðtali sínu
við erlendan fjölmiðil frá því hann
komst ti! valda í maí að Kagame
hefði neitað því að hafa sagt í við-
tali við Washington Post fyrir
tveimur vikum að rúandískir herfor-
ingjar hefðu farið fyrir uppreisnar-
mönnunum.
„Kagame hringdi í mig og sagð-
ist ekki hafa sagt það, sem birt var
í Washington Post, þannig að ég
veit ekki hvað hann sagði og hann
verður að koma til að útskýra það
fyrir mér,“ sagði Kabila. „En Wash-
ington Post er stundum þekkt fyrir
að hafa rangt eftir fólki.“
Kabila bætti við að nokkrir rú-
andískir hemaðarsérfræðingar
hefðu aðstoðað við að þjálfa upp-
reisnarmennina og veitt tæknilega
aðstoð en ekki stjórnað uppreisn-
inni.
Sendiherra-
hjón í Hvíta
húsinu
SENDIHERRA íslands í Wash-
ington, Einar Benediktsson, og
eiginkona hans, Elsa Pétursdótt-
ir, þáðu árdegisboð bandarísku
forsetafrúarinnar, HiIIary Rod-
ham Clinton, í Hvíta húsinu fyrir
skemmstu. Að sögn Einars var
um að ræða boð fyrir þá sem sjá
um skreytingar í sendiráðum
Bandaríkjanna, svo og sendi-
herra nokkurra erlendra ríkja í
Washington. í lok boðsins ræddu
íslensku sendiherrahjónin stutt-
lega við forsetafrúna og var
Hvíta húsið myndin tekin við það tækifæri.
Umfangsmikil
leit að meintum
raðmorðingja
Miami Beach. Reuter.
LÖGREGLA á Miami og bandaríska
alríkislögreglan, FBI, stóð í gær að
umfangsmikilli leit að 27 ára meint-
um raðmorðingja og vændiskarli
sem grunaður er um morðið á tísku-
hönnuðinum Gianni
Versace fyrir utan
heimili Versaces í
Miami á Flórída í fyrra-
dag. Hann var skotinn
tvisvar í höfuðið.
Fulltrúi FBI, Paul
Philip, sagði að hinn
meinti morðingi,
Andrew Cunanan, hefði
verið margeftirlýstur í
Bandaríkjunum áður en
hann framdi morðið á
Versace, og teldu yfir-
völd að hann gæti énn
verið staddur á Miami-
svæðinu. „Við ætlum
að einbeita okkur að
leit héma,“ sagði
Philip. „Það er ekki víst
að hann hafí getað flúið
vegna þess að þetta kom í fréttum
um leið. Það gæti vel verið að hann
sé hérna einhverstaðar í felum."
Cunanan var eftirlýstur vegna
fjögurra fyrri morða, þar á meðal
morðs á fyrrverandi ástmanni sínum,
á hálfs mánaðar morðferð um land-
ið, sem hófst í Minniapolis í apríl.
Lögregla hefur fengið rúmlega 100
ábendingar og um 400 FBI-fulltrú-
ar, ásamt lögreglu Miami-borgar og
Flórídaríkis, taka þátt í leitinni að
Cunanan. Philip kvaðst ekki vita
hvort Versace, sem var samkyn-
hneigður, hafi þekkt Cunanan.
Lögreglustjóri í Miami Beach,
Richard Barreto, sagði í gær að
Cunanan hefði fyrst sést þar í borg
fyrir hálfum mánuði, og hefði „setið
fyrir [Versace] ... mér virðist sem
þarna hafi verið lögð á ráðin ... líkt
og aftaka færi fram,“ var haft eftir
honurn."
Snemma í gærmorgun var fólk
farið að safnast saman
við tröppurnar framan
við hús Versaces í
Miami, þar sem hann
var myrtur. Mikið af
blómum barst frá syrgj-
endum og safnaðist á
tröppurnar.
„Viðbrögð mín eru
uppreisn gegn svo
óeðlilegum og ofbeldis-
fullum dauðdaga, og
djúpstæð sorg,“ sagði
tískuhönnuðuinn Gi-
orgio Armani í Róm, en
ásamt Versace er hann
fremsti tískuhönnuður
Ítalíu. Haft var eftir
Díönu prinsessu, sem
hefur klæðst fötum
hönnuðum af Versace,
að hún væri harmi slegin. „Það ná
engin orð að lýsa því hvernig mér
líður,“ sagði tískuhönnuðurinn
Gianfranco Ferre. „Þessi atburður
er fáránlegur, óútskýranlegur,
hræðilegur ... ég fmn ekkert nema
endalausa kvöl.“
Versace var ímynd ítalskrar tísku
í heiminum og hannaði klæði á
marga heimsþekkta einstaklinga.
Auk Díönu prinsessu má nefna
söngvarana Madonnu, Sting og El-
ton John, og leikkonurnar Liz Hurley
og Demi Moore. í tískuheiminum á
Ítalíu er þess nú vænst að Santo
Versace, bróðir Giannis, og Donat-
ella, systir hans, haldi uppi merki
fjölskyldunnar. Að ítölskum hætti
er Versace fjölskyldufyrirtæki og
EIN af myndunum
af Andrew Cunanan
sem lögregla í Miaml
hefur sent út.
Reuter
URHELLI gerði í Miami að kvöldi miðvikudags, og verðir stóðu á
tröppunum við hús Versaces, þar sem hann var myrtur þá um daginn.
systkinin þijú höfðu þar tögl og
hagldir.
Santo var sá sem leit eftir fjármál-
unum og hélt viðskiptunum gang-
andi á bak við sýningartjöldin.
„Hann sér um allar fjárfestingar og
aðföng," sagði Paola Berti, sem
skrifar um tísku á Ítalíu. Segja
fréttaskýrendur að þótt Gianni hafi
búið að mikilli sköpunargáfu hafi
Santo átt stóran þátt í því að gera
Versace merkið svo frægt sem raun
ber vitni.
Donatella hefur látið að sér kveða
í tískuheiminum og hefur að undan-
förnu séð um Versus-línu tískuhúss-
ins, sem er hönnuð með tilliti til
ungs fólks.
Peking. Reuter.
Starfsmaður hjálparstofnunar kannar ástandið í N-Kóreu
80.000 börn talin
alvarlega vannærð
RUMLEGA 80.000 norður-kór-
esk börn undir sex ára aldri eru
alvarlega vannærð og mörg
dæmi eru um að böm hafi þegar
dáið úr sulti, að sögn starfs-
manns hjálparstofnunar, sem
kannaði ástandið í landinu.
„Þeir viðurkenna allir að böm-
in eru að deyja úr sulti,“ sagði
Kathi Zellweger, yfirmaður
deildar alþjóðlegu hjálparstofn-
unarinnar Caritas í Hong Kong.
„Ástandið hefur versnað veru-
lega frá síðustu heimsókn minni
í apríl. Það er orðið mjög alvar-
legt.“
Zellweger bætti við að korn-
geymslur hefðu tæmst, sjúkra-
hús hefðu ekki lengur matvæli
handa sjúklingunum og vannær-
ingin væri mest meðal bama og
gamalmenna. Engum matvælum
væri dreift nema birgðir bærust
frá útlöndum og matvælaskort-
urinn hefði orðið til þess að
stjómvöld hefðu þurft að falla frá
því fyrirkomulagi að dreifa mat-
vælaskömmtum tvisvar í mánuði.
Embættismaður í Anbyon-
sýslu í vesturhluta landsins sagði
Zellweger að stjórnin hefði gefið
fyrirmæli um að matvæladreif-
ingunni yrði frestað eins lengi
og kostur væri þar sem óvíst
væri hvenær næsta matvæla-
sending bærist.
Zellweger lýsti ástandinu á
ríkisreknum dagheimilum þar
sem horuð og máttvana börn
störðu með líflausum augum á
gestina. Hún sagði að sum bam-
anna hefðu verið svo veikburða
að þau hefðu ekki getað staðið.
„Þetta minnir á myndir sem ég
er vön að sjá frá Afríku en ekki
frá Asíu,“ sagði hún.
Stjórnvöld í Norður-Kóreu
áætla að af 2,6 milljónum barna
séu 80.000 mjög illa haldin vegna
næringarskorts. Zellweger sagði
að sú tala væri rúmlega helmingi
hærri en í apríl og rúmlega
700.000 böm séu nú með fyrstu
einkenni vannæringar.
Þurrkar gætu valdið
uppskerubresti
Matvæla- og landbúnaðar-
stofnun Sameinuðu þjóðanna
(FAO) hefur varað við því korn-
uppskeran í Norður-Kóreu í
haust kunni að verða of lítil til
að Norður-Kóreumenn verði
sjálfum sér nógir um matvæli.
Zellweger sagði að Norður-
Kóreumenn óttuðust nú að
þurrkar gætu valdið uppskeru-
bresti þar sem sumarregninu
hefði þegar seinkað.
„Fólkið borðar allt sem það
telur ætt,“ sagði hún. „Ég tel
að haldi ástandið áfram að versna
verði fólkið of veikburða til að
■slá kornið og færa það í hlöðu.“
l

\
I
I
i
i
I
L