Morgunblaðið - 12.05.2000, Blaðsíða 65

MORGUNBLAÐIÐ
FRETTIR
FÖSTUDAGUR 12. MAÍ 2000 65
Póstganga
Islands-
pósts
HIN árvissa póstganga Is-
landspósts verður farin laugar-
daginn 13. maí. I fyrra voru
Suðurnesin gengin í fimm
áföngum og mættu þá alls um
600 manns. Þar var fetað í fót-
spor fyrsta fastráðna land-
póstsins, Sigvalda Sæmunds-
sonar. Nú er komið að því að
taka aftur upp gönguskóna og
taka þátt í sjálfstæðu fram-
haldi af fyrri póstgöngum.
Fyrirkomulag göngunnar í
ár verður með svipuðu sniði og
áður. Lagt verður af stað frá
ýmsum stöðum á höfuðborgar-
svæðinu. Ekið verður í rútum
til Borgarness og þaðan í átt að
Langavatni. Gengið verður síð-
an í um 2-3 tíma meðfram
Langá. Rútur munu þá taka
göngumenn og aka niður í
Borgarnes. Þar verður boðið
upp á grillaðar pylsur og
ávaxtasafa. Póstkort með póst-
göngustimpli ásamt göngubol-
um verða afhent þeim sem
mæta í gönguna.
Um er að ræða gamla póst-
gönguleið sem farin var af
Mýrum norður í Hvammsfjörð.
Með í för verður leiðsögumað-
urinn Árni Guðmundsson, sem
er vel kunnugur á þessum slóð-
um.
Tvær rútur koma við á póst-
húsum og sækja göngumenn.
Önnur rútan leggur af stað frá
Pósthússtræti 5 kl. 9 og kemur
síðan við á pósthúsinu við
Grensásveg og síðan í Póstmið-
stöðinni á Stórhöfða (Jörfa).
Hin rútan leggur af stað frá
pósthúsinu í Hafnarfirði kl. 9
og kemur við á pósthúsunum í
Garðabæ, Kópavogi og Mjódd
(um kl. 9:30). Einnig verður
komið við í Mosfellsbæ og
Borgarnesi. Aætlaður komu-
tími til Reykjavíkur er kl. 17.
Allir velkomnir.
Fuglaskoðun á
Reykjanesi
FERÐAFÉLAG íslands og Hið ís-
lenska náttúrufræðifélag bjóða fólki
að koma í fuglaskoðunarferð að
skoða vorðboðana. Leiðin liggur um
helstu fuglaslóðir á Reykjanesi en
fuglalíf er þar gríðarlega fjölbreytt.
„Þessar ferðir hafa átt miklum
vinsældum að fagna enda margt að
sjá og skoða og sérfróðir menn að-
stoða við að sjá og þekkja fuglana.
Meðal skemmtilegra fugla sem sáust
í síðustu ferð má nefna lóm og
himbrima, rjúpu og urtönd, stutt-
nefju og landsvölu," segir í fréttatil-
kynningu.
Gott er að hafa góða sjónauka með
í för og skjólfatnaður, góðir skór og
nesti eru nauðsyn. Ferðin kostar
1.800 kr. fyrir fullorðna en ekkert
fyrir börn í fylgd með forráðamönn-
um. Brottför er frá BSÍ og Mörkinni
6 kl. 9 á laugardagsmorgun.
Löggild próf
hjá Alliance
Fran^aise
HALDIÐ verður DELF-próf í maí
hjá Alliance Frangaise í Reykjavík,
Austurstræti 3, sjötta árið í röð.
Þetta er alþjóðlegt próf í frönsku
sem franska menntamálaráðuneytið
hefur yfirumsjón með. Skírteinið
DELF er alþjóðlega viðurkennt sem
vitnisburður um frönskukunnáttu.
Alliance Frangaise sér um að
skipuleggja, undirbúa og veita allar
upplýsingar sem fólk óskar eftir í
sambandi við þetta próf.
DELF 1 mun fara fram í Alliance
Frangaise helgina 22., 23. og 24. maí
nk. og DELF 2 verður haldið dagana
5. og 6. júní nk. Innritun fer fram
virka daga frá kl. 11 til 18.
Málþing Mál-
ræktarsjóðs
MÁLRÆKTARSJÓÐUR stendur
íyrir málþingi til kynningar á þeim
verkum sem Lýðveldissjóður styrkti
árin 1995-1999 til eflingar íslenskri
tungu. Þingið verður haldið í Þjóðar-
bókhlöðunni laugardaginn 13. maí og
hefst kl. 10.
Jón G. Friðjónsson setur þingið og
þvi næst verða eftirfarandi erindi
flutt: Verkefnisstjórn í íslensku: Eir-
íkur Rögnvaldsson, Hugleiðingar
um handbækur: Guðrún Kvaran,
Gagnasafn Orðabókar Háskólans:
Ásta Svavarsdóttir, Málfarsbanki og
orðabanki íslenskrar málstöðvar:
Ari Páll Kristinsson og Dóra Haf-
steinsdóttir og Stafræn útgáfa á rit-
verkum Árna Magnússonar. Farar-
tálmar og framtíðarsýn: Már
Jónsson.
Eftir hádegishlé kl.13 heldur mál-
þingið áfram: íslensk hugtakaorða-
bók: Jón Hilmar Jónsson, Fornnor-
ræni orðalistinn: Jóhannes Bjarni
Sigtryggsson, Rannsókn á íslensku
nútímamáli: Kristján Ámason pró-
fessor, Stflfræði 20. aldar: Þorleifur
Hauksson, Orð ^ í mynd: Jóhanna
Þráinsdóttir og Ólöf Kr. Pétursdótt-
ir, Hljóð- og málvitund 5-6 ára
barna. Tengsl við síðari lestrarerfið-
leika: Ingibjörg Símonardóttir og
Jóhanna Einarsdóttir, Aukafalls-
frumlög í íslensku: Jóhannes Gísli
Jónsson og Margmiðlunardiskur um
íslenska tungu: Þórunn Blöndal og
Heimir Pálsson.
Hússtjórnar-
skólinn á Hall-
ormsstað 70 ára
HAUSTIÐ 1930 tók til starfa hús-
stjórnarskóli á Hallormsstað undir
stjóm Sigrúnar Blöndal. Skólinn
hefur starfað nær óslitið síðan og er
nú orðinn 70 ára gamall.
„Dagana 13. og 14. maí verður af-
mælisveisla skólans. Þá verður opn-
uð sýning á handavinnu nýnema og
yfirlitssýning á verkum eldri nem-
enda. Síðamefnda sýningin verður
einnig opin í júní. Velunnarar skól-
ans, eldri nemendur og aðrir gestir
em boðnir velkomnir afmælisdagana
til að skoða sýningamar og húsið.
Boðið er upp á kaffihlaðborð á vægu
verði. Húsið er opið frá kl. 14-18
báða dagana.
Á afmælisárinu verður margt gert
til hátíðabrigða, t.d. verða uppákom-
ur sem verða auglýstar síðar. Sem
dæmi má nefna að Safnastofnun
Austurlands á Egilsstöðum mun
setja upp sýningu um Hússtjómar-
skólann á Hallormsstað jafnframt
því að í anddyri stofunarinnar verð-
ur sett upp ljósmyndasýning um
sögu skólans. Tímaritið Glettingur
mun helga hluta af haustblaði sínu
afmæli og sögu skólans og fleira
mætti telja,“ segir í fréttatilkynn-
ingu frá skólanum.
Opið hús hjá
leikskólum
Seltjarnarness
LEIKSKÓLARNIR Mánabrekka
og Sólbrekka við Suðurströnd auk
Lerkilundar/við Vallarbraut sem er
deild rekin í tengslum leikskólann
Sólbrekku bjóða upp á opið hús laug-
ardaginn 6. maí frá kl. 12 til 13.30 og
kynna starfsemi leikskólanna.
Auk þess gefst foreldrum og öðr-
um gestum kostur á að sjá hluta
þeirra verkefna sem unnin hafa verið
í leikskólunum í vetur.
Kajakhátíð í
Nauthólsvík
KAJAKHÁTÍÐ verður haldin í fé-
lagsaðstöðu Kajakklúbbsins við yl-
ströndina í Nauthólsvík laugardag-
inn 13. maí kl. 11 til 17.
Klúbburinn verður með kynningu
á starfsemi sinni, bátar og búnaður
verða til sýnis ásamt myndasýning-
um og að hægt verður að prófa kaj-
akróður. Einnig verður kynning frá
söluaðilum og aðilum í ferðaþjónustu.
Frá versluninni Aloe Vera.
Nýr rekstraraðili
að Aloe Vera
HEILDVERSLUN HAB ehf. hefur
tekið við rekstri verslunarinnar
Aloe Vera, Ármúla 32, Reykjavík.
Verslunin verður áfram með sömu
vörur og áður.
Jafnframt verða í versluninni all-
ar þær vörur sem áður voru í Húsi
andanna (Heilsuvali), Bardnsstíg.
Um innkaup og stjórn verslunar-
innar sér Hulda Haraldsdóttir.
Verslunin er opin mánudaga til
föstudaga kl. 12-18 og laugardaga
11-14. Sent er í póstkröfu hvert á
land sem er.
Nýr Hyund-
ai Accent ^
kynntur
B&L bjóða til kynningar á nýj-
um Hyundai Accent um helg-
ina í húsnæði sínu að Grjót-
hálsi 1. Opið er á frá kl. 10 til
16 á laugardag og frá kl. 12 til
16 á sunnudag og eru allir vel-
komnir meðan húsrúm leyfir.
„Nýju Hyundai bifreiðarnar
eru mun betur búnar þrátt
fyrir að litlar verðbreytingar
hafi orðið frá eldri gerðum
Hyundai," segir í fréttatil-
kynningu.
„Hyundai Accent er með ör-
yggisbúnað eins og hann ger-
ist bestur í dag, ABS hemla-
læsivörn, loftpúða fyrir
ökumann og farþega, styrktar-
bitum í hurðum, sérstyrktum
toppi og botni auk ýmissa ann-
arra eiginleika. Nýi Accentinn
endurspeglar því vel þarfir
neytenda þar sem kröfur um
notagildi eru ekki síður í fyrir-
rúmi en kröfur um gæði, gott
verð, hönnun og öryggi," segir
í fréttatilkynningu.
Hluthafafundur
Frjálsa fjárfestingarbankans (áður Samviryiusjóður Istonds hf.)
Stjórn Frjálsa Ijárfestingarbankans hf. boðar til hluthafafundar í
félaginu þriðjudaginn 23. maí 2000 kl. 15 á Grand Hótel Reykjavík,
við Sigtún.
DAGSKRÁ
1. Tillaga stjórnar félagsins um samruna Fjárvangs hf.við Frjálsa fjárfestingarbankann hf.
(áður Samvinnusjóð Islands hf.) skv. fyrirliggjandi samrunaáætlun félaganna
2. Stjórnarkgör
3. Breytingar á samþykktum félagsins
3. önnur mál löglega upp borin
Verði tillagan samþykkt, þá félst jafnframt í henni breyting á samþykktum Frjálsa fjárfestingarbankans
hf. um hækkun hlutafjár úr 840.832595 kr. 11218597.964 kr. Hækkuninni verður varið til að
skipta á hlutum hluthafa I yfirrekna félaginu I hlutabré I Fijálsa fjárfestingarbankanum hf.
Hluthöfum er bent á að skjöl viðkomandi fyrirhuguðum samruna. skv. 5. mgr. 124. gr.
hlutafélagalaga. hafe legið ffammi til skoðunar á skrilstofu félagsins ffá 3. aprll 2000. Þar er um
að ræða sjálfa samrunaáætlunina. ársreikninga slðustu þriggja ára. stofnefhahagsreikning
sameinaðs félags. sameiginlega greinargerð stjórna samrunafélaganna og skýrslu matsmanna.
Ef af verður miðast samruni félaganna við 1. janúar 2000.
Hluthafer geta fengið ffamangreind gögn send fyrir fendinn eða nálgast þau á skrifetofú félagsins
Sigtúni 42. Gögnin liggja einnig frammi til skoðunar á hluthafefúndinum.
Stjórn Frjálsa fjárfestingarbankans hf.
FRJÁLSI
FJÁRFESTINGARBANKINN