Skírnir - 01.04.1910, Qupperneq 39

Daði Nielsson _fróði“.
135
Daða, þótt fátækur væri og umkomulaus, en hinna auð-
ugu manna Níelsar kaupmanns Havsteins og Jóns hins
auðga í Gröf á Höfðaströnd1). Sýnir þetta bezt álit hans
og vinsældir hjá þessum mönnum.
Á jólaföstu 1856 fór Daði í bókasöluferð vestur um
sýslur. Fór hann um Skagafjörð og vestur í Húnaþing
og ætlaði að fara alt út í Spákonufellshöfða. Gekk hann
út Langadal og gisti um nótt á Breiðavaði hjá Jónasi
fyrrum hreppstjóra. Lagði hann upp þaðan að morgni
8. des. í hægviðri, en með því að veður var ótryggilegt,
bauð Jónas honum að vera aðra nótt, en hann taldist
undan og kvaðst verða að flýta sér. Jónas kallaði veður
ískyggilegt. Þá svaraði Daði: »Varla mun eg úti verða,
en komi það upp á, mun ei þurfa að leita mín, því ganga
mun eg það sem fætur toga, en ei setjast að í villu til
að missa limi mína«. Eftir það spurðist eigi til Daða
fyr en á miðju næsta sumri, að lík hans fanst við Laxár-
ós í Refasveit og eigi annað með honum en bréfaveski
hans. Eru það tilgátur manna, að hann hafi gengið fram
á snjóhengju i hríðinni og hrapað ofan fyrir2).
Þegar lát Daða spurðist var þetta kveðið (af Gísla
Konráðssyni?):
Daði fórst inn fróði
frægr at minni gnægu
áttar Islands þátta
ærin skil at færa.
Fóstrjarðar flestu
fann ártöl at sanna
Jingar geymd i haga;
hver mun slíkur vera?
Daði var meðalmaður á hæð, grannlimaður, herða-
*) Árhók Grisla Konráðssonar, Lhs. 1121, 4to, hls. 336—7.
2) Árbók Gísla Konr. bls. 336 og æfiágr. Daða eftir Jón Borgf. í
Isafold VIII, 2. Ber þeim saman að öðru en því, að Jón Borgf. segir
að lík Daða hafi fundist eftir 3 daga, en það hlýtur að vera rangminni,
því Ministerialbók Höskuldsstaðakirkju her það með sér, að Daði var
eigi jarðsettur fyr en 4. júli 1857.