Dagblaðið Vísir - DV - 11.12.1986, Blaðsíða 2

2
FIMMTUDAGUR 11. DESEMBER 1986.
Fréttir
Virðisauki hlýtur
dræmar undirtektir
Ekki virðist ætla að blása byrlega
fyrir stjómarfrumvarpi fjármálaróð-
herra um virðisaukaskatt. I umræð-
um á Alþingi í gær lýstu fulltrúar
stjómarandstöðuflokkanna þriggja
allir yfir andstöðu við frumvarpið í
þeirri mynd sem það er lagt fram.
Formaður þingflokks Framsóknar-
flokksins sagði að sníða þyrfti af því
vankanta áður en hægt yrði að lög-
festa það.
Svavar Gestsson, formaður Al-
þýðubandalagsins, sagði að með
virðisaukaskattinum væri verið að
flytja til skattbyrði í landinu. Verið
væri að leggja nýja skatta á þá sem
allra lægstu og lélegustu kjörin
hefðu. Verið væri að íþyngja ein-
staklingum en létta byrðar af fyrir-
tækjum. Einkaneyslan væri
skattlógð um 2,4 milljarða í viðbót
með virðisaukaskatti en skattar af
atvinnurekstri lækkuðu um 2,1
milljarð.
„Slík skattkerfisbreyting kemur
ekki til greina af hálfu þeirra sem
raunverulega bera hag láglauna-
fólks fyrir brjósti,“ sagði Svavar.
Stórkostleg aukning á skrif-
finnsku
Hann sagði að það þýddi stórkost-
lega aukningu á skriffinnsku að taka
upp virðisaukaskattinn. Gagnrýndi
hann að engar upplýsingar hefðu
komið fram um hvað þetta kerfi
kostaði.
Hann sagði að ríkisumsvif myndu
aukast um 2,1 milljarð króna, eða
um 1,4% af þjóðarframleiðslu.
Kvaðst hann engin rök hafa heyrt
sem sannfærðu hann um að virðis-
aukaskatturinn skilaði sér betur en
endurbætt söluskattskerfi.
Svavar sagði ekki í frumvarpinu
neitt ákvæði um millifærsluráðstaf-
anir eins og niðurgreiðslur. Því væri
ekki hægt að ganga út frá neinu
öðru, ef menn samþykktu þetta
frumvarp, en að búvörur hækkuðu
um 24%.
Upplýsingar vantar
Kvaðst hann ekki hafa séð neinar
tillögur um hvemig endurgreiðslu-
kerfi til húsbyggjenda ætti að vera.
Óttaðist hann að það gæti orðið
klúður. Hann sagði alveg vanta upp-
lýsingar um hvemig 450 milljóna
króna niðurgreiðsla á húshitunar-
kostnaði væri hugsuð. Spurði hann
hvaða hugmyndir væm um útfærsl-
ur á bamabótum. Ekki væru
tæmandi upplýsingar um hvað yrði
um Jöfnunarsjóð sveitarfélaga.
Eðlilegast taldi Svavar að ríkis-
stjómin fengi frumvarpið aftur. Sett
yrði á fót nefnd allra flokka til að
endurskoða allt tekjuöflunarkerfi
ríkisins. Loks kvaðst hann gagnrýna
það sérstaklega hvemig ríkisstjóm-
in hefði sniðgengið stjómarandstöð-
una í sambandi við þetta frumvarp.
Jón Baldvin Hannibalsson kvaðst
sérstaklega taka fram að þingflokk-
ur Alþýðuflokksins styddi ekki þetta
frumvarp. Sagði hann ástæðu til að
ætla að ekki væri einhugur um það
innan Framsóknarflokks og Sjálf-
stæðisflokks. Véfengdi hann að slík
„framsóknarmoðsuða" ætti upp á
pallborðið í þingflokki Framsóknar-
flokks.
Allt of há prósenta
Jón Baldvin sagði Alþýðuflokkinn
andvígan frumvarpinu einkum
vegna þess að prósentuálagningin
væri allt of há. Taldi hann það geta
haft mikil verðhækkunaráhrif. Hlið-
arráðstafanir, sem gert væri ráð
fyrir, væm einnig með öllu óað-
gengilegar.
Alþýðuflokksmenn myndu undir
engum kringumstæðum fallast á
niðurgreiðslur sem yrðu til að
skekkja neysluval og stýra þannig
fjármunum á milli atvinnugreina.
Taldi hann frumvarpið byggja á
vanmati á þeim tekjuauka sem leiddi
af hertu eftirliti, útvíkkun skattsviðs
og afnámi undanþága. Gagnrýndi
hann að ekki skyldu lagðar fram
meiri tölulegar upplýsingar með
frumvarpinu.
Páll Pétursson, Framsóknarflokki,
sagði marga kosti en einnig marga
galla við frumvarpið. Lagði hann
áherslu á að þingmenn skoðuðu það
með opnum huga. Söluskattskerfið
væri orðið ónýtt. Vildi hann lögfesta
-frumvarpið ef næðist að sníða af því
vankanta.
Guðrún Agnarsdóttir, Kvenna-
lista, sagði enga sönnun fyrir því að
erfiðara yrði að svíkja undan virðis-
aukaskatti en söluskatti. Stærsta
gallann við virðisaukaskattinn sagði
hún að hann legðist á ýmsar neyslu-
vörur sem áður hefðu verið undan-
þegnar söluskatti.
Hliðarráðstafanir
ekki tryggðar
Hún taldi málið þurfa verulega
umfjöllun og ítarlegan tíma.
Kvennalistinn gæti ekki stutt þetta
frumvarp í núverandi mynd. Um
væri að ræða aukinn skatt á lág-
launafólk og einstaklinga. Hliðar-
ráðstafanir væru engan veginn
tryggðar. Taldi hún fjölgun um 35
menn í skattheimtu fullvel geta nýst
til að endurbæta söluskattskerfið.
Þorsteinn Pálsson fjármálaráð-
herra taldi afstöðu Alþýðuflokksins
í skattamálum orðna hina kynleg-
ustu. Á flokksþingi í haust hefði
Alþýðuflokkurinn ályktað að taka
bæri upp virðisaukaskatt en nú í
desember væri mælt með söluskatti.
Hann sagði að í stjómarsáttmála
ríkisstjómar Gunnars Thoroddsen,
sem Alþýðubandalagið hefði átt að-
ild að, hefði verið sagt að athugað
verði að taka upp skatt með virðis-
aukasniði. Fjármálaráðherrann
Ragnar Amalds hefði hafið starfið
með því að fela sérstakri nefnd að
semja frumvarp um virðisaukaskatt.
Fjögurra manna fjölskylda
betur sett
Um hliðarráðstafanir kvaðst Þor-
steinn vilja ná sem víðtækastri
samstöðu, þar á meðal með viðræð-
um við stjómarandstöðuna. Sagði
hann unnt með hliðarráðstöfunum
að haga málum þannig að fjögurra
manna fyilskylda yrði heldur betur
sett en í núverandi kerfi. Því yrði
ekki sagt að þessi skattkerfisbreyt-
ing væri gegn fólkinu í landinu.
Kvaðst Þorsteinn fus til að láta á
það reyna hvort um þetta mál gæti
náðst víðtæk samstaða. Menn ættu
að takast á við þetta verkefhi af
fullri alvöm ó þessu þingi.
-KMU
Hafskipsmálið eftir áramót;
„Ekki
ki
- segir ríkissaksóknari
Ríkissaksóknaraembættið rnvrn
ekki afgreiða Hafskipsmálið frá sér
fyrr en eftir áramótin en búist er
við að upp úr því verði málið af-
greitt fljótlega.
„Þetta er alls ekki óeðlilegur
dráttur á málinu hjá okkur miðað
við umfang þess, aðrar annir hjó
embættinu og þann mannafla sem
við höfum yfir að ráða,“ sagði
Hallvarður Einvarðsson ríkissak-
sóknari í samtali við DV er við
inntum hann frétta af málinu.
Eins og kunnugt er af fréttum
lauk rannsókn Hafekipsmálsins
hjá RLR í haust og er nú liðið
hátt á þriðja mánuð síðan máls-
gögn voru send embætti ríkis-
saksóknara.
-FRI
Listi Alþyðu-
á Vesturiandi
Kjördæmisráð Alþýðubanda-
lagsins í Vesturlandskjördæmi
hefúr samþykkt framboðslista
flokksins til alþingiskosninganna
á næsta vori. Listinn verður þann-
ig skipaður:
1. Skúli Alexandersson alþingis-
maður, Hellissandi.
2. Gunnlaugur Haraldsson for-
stöðumaður, Akranesi.
3. Ólöf Hildur Jónsdóttir banka-
maður, Grundarfirði.
4. Ríkharð Brynjólfeson kennari,
Hvanneyri.
5. Þorbjörg Skúladóttir háskóla-
nemi, Akranesi.
-KMU
Tónlistarmennirnir Megas, Ragnhildur Gísladóttir og Bubbi Morthens voru meðal þeirra sem skemmtu á
útifundi Amnesty-samtakanna á Lækjartorgi í gær, á mannréttindadegi Sameinuðu þjóöanna. Þar var vakin
athygli á baráttu Amnesty fyrir verndun mannréttinda. -KMU/DV-mynd GVA
Neytendasamtökin
hyggjast kæra
Framleiðnisjóð
Neytendasamtökin eru með það til
athugunar að kæra Framleiðnisjóð
landbúnaðarins fyrir misnotkun á op-
inberu fé. Hér er um það að ræða að
meðal fimm skilyrða sem Framleiðni-
sjóður setti íseggsmönnum fyrir því
að gangast í ábyrgð fyrir 50 milljón
króna láni eru tvö skilyrði sem fela í
sér grófa tilraun til að þvinga eggja-
og kjúklingaffamleiðendur til að óska
eftir ffamleiðslustjómun (kvóta).
Neytendasamtökin segjast mótmæla
því harðlega að opinbert fé sé notað
í þessu skyni og telja að sjóðurinn
hafi farið út fyrir þann lagaramma sem
honum ber að starfa innan, með því
að setja þessi skilyrði. Telja samtökin
að sjóðurinn hafi ekkert vald til að
knýja á um þetta mól.
Þá munu Neytendasamtökin vera
að endurskoða þá afstöðu sína að vera
andvíg innflutningi á landbúnaðar-
vörum, sem þau hafa verið andvíg til
þessa ef einokunarsjónarmiðin verða
ofan á.
-S.dór
Akureyringar stilla á nýja stöð
Sýnt verður efni ffá Stöð 2. Eftir
ávarpið verður þátturinn Allt er þá
þrennt er, þá íslenski þátturinn Sviðs-
ljós, síðan sakamálaþátturinn Miami
Wise og loks kvikmyndin Diner.
Útsending verður ótrufluð. Þeir sem
ætla að horfa á stöðina verða að stilla
á rás 12 á sjónvarpstækjum sínum.
lón G. Hauksson, DV, Akureyri:
Akureyringar munu í kvöld stilla ó
nýja stöð á sjónvarpstækjum sínum.
Eyfirska sjónvarpsfélagið hefur út-
sendingar kl. 20.00 með ávarpi sjón-
varpsstjórans Bjama Hafþórs
Helgasonar.
Mikil krapaflóð í Hrafnkelsdal:
Fjölskylda flúði út í vörubfl
Fjölskyldan á Aðalbóli í Hrafii-
kelsdal flúði úr bænum í gærdag
vegna miklla krapaflóða í fjallinu
fyrir ofan bæinn. Hafðist fjölskyldan
við í vörubíl skammt frá bænum
meðan á mestu flóðunum stóð.
Einn ábúendanna á • bænum,
Kristrún Pálsdóttir, sagði í samtali
við DV að krapaflóðin hefðu hafist
í framhaldi af mikilli úrkomu á þess-
um slóðum. Allir lækir úr fjallinu,
sem bærinn stendur við, stífluðust
og er stíflumar bmstu komu spýjur
úr þeim hver á fætur annarri. Ein
þeirra hreif með sér dróttarvél og
heyvinnslutæki og skemmdi þau og
önnur gerði gat á hlöðu fjárhússins
við bæinn.
„Móðir mín og tveir synir ákváðu
að koma sér af bænum meðan á þess-
um ósköpum stóð enda voru þessi
krapaflóð líkust snjóflóðum að sjá,“
sagði Kristrún.
I máli hennar kom fram að undir
kvöldið hefði dregið úr flóðunum og
þá hefði fjölskyldan farið aftur inn
í bæinn. Svona krapaflóð vom einn-
ig í nágrenni næsta bæjar, Vað-
brekku, en þar slapp fólk betur og
þurfti ekki að flýja hús sín. -FRI