Skírnir - 01.01.1929, Blaðsíða 48

42
Daði Halldórsson og Ragnheiður Brynjólfsdóttir. [Skímir
samtimis þar nokkur ár. Daði hefur komið þangað 13 vetra
haustið 1649, samkvæmt skólaröðinni þaðan.
Eins og kunnugt er, vanta 6 fyrstu bindin framan af
Bréfabókum Brynjólfs biskups, eða til Alþingis 1652, en
þaðan af er nafn Daða oft i hverri Bréfabók, þangað til
hann fer úr Skálholti 1661. Af 8. Bréfabök (2. af þeim 14,
sem til eru — frumhandrit í Árnasafni: AM. 268—281 fol.)
má sjá, að Daði hefur byrjað biskupsþjónustu vorið 1655,
fyrsta ár sitt í efra bekk. Biskup fer oft á vorin um Borg-
arfjörð og Kjósarsýslu, og ríður þá jafnan um Skorradal til
að líta þar eftir nýbýli sínu, Vatnsenda-Grund, sem hann
lagði svo mikla rækt við. í þeirri för sést Daði með hon-
um fyrsta sinn þetta ár.
í biskupsþjónustu svonefndri voru sveinar og smá-
sveinar. Að hvorutveggja þótti mikil sæmd. Sá, sem næst
gekk biskupi að völdum á staðnum, ráðsmaður stólsins,
var einn af sveinum hans, eins og greinilega sést af mann-
talinu 1703, þegar Jón Vídalín er biskup. Og ráðsmenn voru
oft meðal hinna lærðustu manna, t. d. sumir ráðsmenn
Brynjólfs, Hákon Ormsson, Teitur Torfason o. fl. Smásvein-
ar biskups voru m. a. piltar úr efra bekk, eða stúdentar,
sem biðu embættis, einkum göfugra manna synir, t. d.
meðal margra synir Árna lögmanns, Hákonar og Vigfúsar
Gislasona. Betra uppeldi gat enginn kosið sonum sínum. Og
sama var um þjónustu hjá biskupsfrú. Ragnheiði Torfadótt-
ur frá Gaulverjabæ, sem þau biskupshjón gáfu stóreignir,
og síðar giftist syni Sigurðar lögmanns í Einarsnesi, veitti
biskup þann heiður, að gera hana að »þjónustupíku« í Skál-
holti. Sömuleiðis Guðrúnu systur Daða, þó að biskup kom-
ist svo hævesklega að orði við burtför hennar undir jól
1659, að hún hafi dvalizt þar sex ára tíma »að tillátsemi
sinna kæru foreldra«.
Nýjustu heimildir telja stúdentsár Daða 1658. Það er
naumast sannanlegt, en mjög líklegt. Einmitt þetta ár fer
að bera miklu meira á störfum Daða í biskupsþjónustu.
Þetta sama vor fer biskup enn um Borgarfjörð og
Akranes og með honum sonur hans og Daði Halldórsson.