Skírnir - 01.01.1929, Blaðsíða 165
Skírnir]
Úlfljótur.
159
ur og stórvitur er það, að honum er öðrum mönnum fram-
ar falið svo merkilegt starf og vandasamt sem undirbún-
ingur hinna fyrstu laga landsins var.
III.
Ekki er þess getið, hvað rekið hafi Úlfljót til íslands-
ferðar. Sennilega hefur hann átt ættareignir í Noregi. Slík-
ur maður sem hann er ekki líklegur til þess að hafa þurft
að flýja ættjörð sína fyrir víga sakir eða ofríkisverka. Og
víst er það, að frændur hans, niðjar Hörða-Kára, héldust
við í Noregi og sátu þar í miklum virðingum. Þorleifur
spaki er ráðgjafi Noregskonungs um lagasmíð þar í landi.
Á dögum Gunnhildarsona eru niðjar Hörða-Kára mestir
menn á Hörðalandi, og á dögum Ólafanna, Tryggvasonar
og Haraldssonar, eru sumir þeirra algöfgastir menn í Nor-
egi næst konungaættinni. En sumir ágætir menn réðust til
íslandsferðar úr Noregi, þó að þeir væri í sátt við konung,
eins og Ingimundur gamli og Hrollaugur Rögnvaldsson.
Hefur þá ævintýraþrá rekið suma til íslandsferðar og Vest-
ureyja. Og ef til vill hafa sumir ekki þótzt hafa nægilegt
alnbogarúm heima í Noregi sakir landþrengsla. Má vera,
að einhverjar þessara orsaka hafi valdið íslandsför Úlfljóts.
Heimildarritunum ber saman um það, að Úlfljótur hafi
komið út í Lóni »í Austfjörðum« (Landnáma F. J., bls. 9,
95, 209; Melabók 1921, bls. 134; Hauksbók F. J., bls. 503).
Eftir því, sem ráða má af orðalagi þessara heimilda, hefur
Þórður skeggi landnámsmaður verið áður kominn út og
numið Lónlönd öll milli Jökulsár og Lónsheiðar. Segir, að
Þórður byggi í Bæ 10 vetur, áður hann frægi til öndvegis-
súlna sinna í Leiruvogi fyrir neðan Mosfellsheiði. Hyggur
Guðbrandur Vigfússon, að Þórður skeggi hafi komið út til
íslands um 890 (Safn I, 273). En óvíst er, að það hafi verið
svo snemma. Suður er Þórður kominn um 910, svo framar-
lega sem Ketilbjörn gamli, tengdasonur hans, hefur komið
út um þær mundir. Úlfljótur kaupir lönd af Þórði skeggja
í Lóni austur. Þessi kaup gerðust áður en Þórður fluttist
suður. Þau ætti því að hafa gerzt i síðasta lagi um 910.