Tímarit lögfræðinga - 01.10.1984, Blaðsíða 4
segja að úr því sem komið var hafi verið erfitt um vik. Nokkrar smávægilegar
breytingar eru í hinni nýju útgáfu, flestar til bóta. Nefna má gleggri skil milli
lagagreina og málsgreina með sérstökum auðkennum, aðgengilegri og ná-
kvæmari tilvísanir ( lög og almenn stjórnvaldsfyrirmæli og ítarlegri atriðis-
orðaskrá en verið hefur í eldri söfnum. Þá hefur tekist vel til um val á pappir
og leturgerð. í formála lagasafns eru tilgreindar ástæður þess að sleppt var
tilvísunum í dóma að þessu sinni. Þótti sýnt að það tefði mjög útgáfu safns-
ins ef ráðist yrði í það verk. Er það nokkur skaði þótt takmarkað gagn hafi
kannski verið að dómatilvísunum í fyrri lagasöfnum.
Aðalatriðið nú er að hyggja vel að framhaldinu svo að útgáfumálin drabb-
ist ekki niður aftur. Stefna ber að sívinnslu safnsins, heppilegri tilhögun á
útgáfustjórn og fastráðningu starfsmanns. Brýn nauðsyn er á því að safnið
komi út með styttra millibili og viðaukar þess á milli. Það er einnig æskilegt
að lagasafn hafi meiri upplýsingar að geyma, t.d. tilvísanir í dóma og fræði-
ritgerðir. Það er aftur meira álitamál hvort rétt sé að setja markið svo hátt
að birta skýringar með lagagreinum. Með hjálp tölvutækninnar gefst tæki-
færi til að gefa út sérlagasöfn, dómaskrár o.fl. Það iofar vonandi góðu að
samþykkt var á Alþingi hinn 22. maí sl. þingsályktun þar sem ríkisstjórninni
er falið að leita eftir samstarfi við Lagastofnun Háskóla íslands um framhalds-
vinnslu lagasafns, með það m.a. í huga að ávallt sé tiltækur réttur texti gild-
andi laga í landinu. Jafnframt verði lögð á ráðin um framtíðarskipun útgáf-
unnar og alhliða upplýsingamiðlun um réttarreglur, enda verði tölvutækni
hagnýtt svo sem kostur er. Ennfremur var ríkisstjórninni falið með ályktun
þessari að sjá til þess að maður verði ráðinn til að framkvæma þessi verk-
efni svo og að komið verði á laggirnar níu manna þingkjörinni nefnd til ráðu-
neytis. Þingsályktunin fjallar einnig um lagahreinsun og samræmingu gild-
andi laga. Raunar er þessa eina atriðis getið i yfirskrift ályktunarinnar. Á því
leikur mikill vafi svo að ekki sé meira sagt hvort heppilegt sé og eðlilegt
að blanda þessu máli saman við framhaldsvinnslu lagasafns, eins og gert er
í ályktuninni, en það er efni í aðra forystugrein síðar.
Jónatan Þórmundsson
GERBREYTING GERÐARDÓMSMEÐFERÐAR
Athugunarefni er hvort sú leið sé fær til úrbóta í réttarfarsmálefnum að
styrkja stöðu gerðardómsmeðferðar verulega. Unnt er að koma á mun betra
skipulagi en nú tíðkast innan ramma núgildandi laga. Æskilegt er þó að
gerðardómum, sem standast vissar gæðakröfur, verði veitt aðfararhæfi. Verð-
ur vikið að því síðar. Markmiðið með þeim hugmyndum að nýbreytni sem hér
verður rædd er að veita gerðardómsmeðferð meira gildi en hún hefur nú
og að gera hana eftirsóknarverðari með þeim hætti að mun fleiri sækist eftir
því að leita gerðardómsúrlausnar I málum sínum. Aðilar fengju þar með að
jafnaði skjóta úrlausn mála sinna. Hitt er þó ekki sfður mikilvægt að álagi
verði létt af dómstólum og þeim jafnframt veitt nokkur samkeppni og nauð-
synlegt aðhald. Bæði kostir og ókostir fylgja gerðardómsmeðferð eins og