Tímarit lögfræðinga - 01.10.1984, Blaðsíða 60
Eins og oftast áður fór mikill hluti af starfstíma stjórnarinnar í afgreiðslu
kæru- og ágreiningsmála, er fyrir hana hafa verið lögð. Alls bárust 39 slík
mál frá aðalfundi 1983, en það er umtalsverð fjölgun frá því sem verið hefur
undanfarin ár. Árið 1982 bárust 24 mál, 1981 28 mál og 22 mál árið 1980.
Málafjöldi hjá stjórninni hefur aðeins einu sinni áður verið meiri eða 1974,
en þá bárust alls 44 mál. Ekki kann félagið neinar sérstakar skýringar á þess-
ari fjölgun, og má vera að tilviljun ráði. Þó er e.t.v. hægt að hugsa sér sam-
band á milli þessarar fjölgunar og mikillar fjölgunar skriflega fluttra mála á
síðastliðnu ári. Þessi kæru- og ágreiningsmál voru misjafnlega umfangsmikil,
en afgreiðsla þeirra var með þeim hætti, að úrskurðir voru kveðnir upp í 8
málum, 7 mál voru afgreidd með álitsgerðum, 4 mál voru afturkölluð, 13 felld
niður og 7 málum var ólokið. Þeir úrskurðir og álitsgerðir, sem markverðastir
hafa talist, hafa birst í Fréttabréfi félagsins, þar á meðal allir agaúrskurðir.
Enginn af úrskurðum stjórnarinnar var kærður til Hæstaréttar.
Dagana 22. og 23. september á síðastliðnu hausti héldu stjórnir lögmanna-
félaga á Norðurlöndum fund I Kaupmannahöfn, en slíkir fundir eru haldnir
annað hvert ár í löndunum fimm. Verður næsti fundur í Reykjavlk á næsta
ári. L.M.F.Í. hefur tekið þátt í þessu norræna samstarfi lögmannafélaga frá
1959. Af hálfu L.M.F.Í sóttu fundinn í Kaupmannahöfn Jón Steinar Gunnlaugs-
son, formaður, Skúli J. Pálmason, varaformaður, Gísli Baldur Garðarsson,
meðstjórnandi, og Hafþór Ingi Jónsson, framkvæmdastjóri. Fyrst á dagskrá
voru umræður um skýrslur félaganna um starfið frá því að síðasti fundur var
haldinn. Kom þar margt forvitnilegt fram. Eftirtektarverðar voru breytingar í
Svíþjóð og þó einkum í Danmörku á skipan aga- og þóknunarnefnda innan
félaganna. Þessar nefndir skipuðu áður einungis lögmenn, en nú er um að
ræða blandaða skipan lögmanna, leikmanna og dómara. Þá voru á dagskrá
3 málefni, þ.e.:
1. Lögmenn sem stjórnarmenn í hlutafélögum.
2. Þóknunarmál. Er um þróun að ræða frá útreikningi eftir hagsmunum til
tímataxta?
3. Hin siðræðna skylda lögmanna og skerðing á þagnarskyldu þeirra gagn-
vart yfirvöldum.
Fréttabréf félagsins kom út 5 sinnum á starfsárinu. Eins og áður greinir,
birtast þar m.a. úrskurðir og álitsgerðir stjórnarinnar, sem talið er að hafi
eitthvert almennt gildi fyrir lögmenn. Fréttabréfið ( núverandi mynd þjónar
vel þeim tilgangi að láta félagsmenn fylgjast með starfi stjórnar og fram-
kvæmdastjóra.
Norska lögmannafélagið varð 75 ára á síðastliðnu ári, og var þess
minnst m.a. með hátíðardagskrá í Osló í júní. Fulltrúi L.M.F.Í. við hátíðar-
höldin var Þórður S. Gunnarsson hrl. og stjórnarmaður. Færði hann norska
lögmannafélaginu Skarðsbók að gjöf frá L.M.FÍ.
Þessi tímamót norska lögmannafélagsins leiða hugann að því, að nú stytt-
ist ( sams konar afmæli L.M.F.Í., en félagið verður 75 ára 11. desember 1986.
Á fundi stjórnar 7. mars s.l. var samþykkt að skipa 4 manna nefnd til að
undirbúa útgáfu afmælisrits af þessu tilefni og gera tillögur til stjórnar um,
hvernig best yrði staðið að slíkri útgáfu.
Almenn félagsstarfsemi var með svipuðum hætti og árið á undan. Áður
hefur verið minnst á félagsfundina, og í vetur voru haldin skák- og bridge-
114