Morgunblaðið - 08.09.2010, Blaðsíða 4
FRÉTTASKÝRING
Andri Karl
andri@mbl.is
Þrátt fyrir að Alþingi hafi í júní sl.
veitt heimild til gerðar fjárfesting-
arsamnings við Verne Holding,
vegna gagnavers á Suðurnesjum,
hefur fátt gerst síðan. Í gær tilkynnti
Ragnheiður Elín Árnadóttir, þing-
maður Sjálfstæðisflokks, það svo á
Alþingi, að alþjóðleg fyrirtæki – hún
nefndi tölvurisann IBM – væru hætt
við að hefja starfsemi í gagnaverinu.
Ástæðan, að sögn Ragnheiðar, er
tafir í íslenskri stjórnsýslu.
Í svari við fyrirspurn Morg-
unblaðsins segist Lisa Rhodes,
fulltrúi Verne Holding, ekki geta
tjáð sig um einstök fyrirtæki sem
Verne hefur átt í samningaviðræðum
við. Aðeins að enn séu viðræður í
gangi við þónokkra hugsanlega við-
skiptavini fyrir gagnaverið í Reykja-
nesbæ. Hins vegar, segir hún, að
ljóst sé ljóst að tafir stjórnvalda í
málinu hafi án vafa haft áhrif á
ákvarðanatöku og áhuga fyrirtækja
sem höfðu Ísland í huga.
Viðskiptamódel Verne Holding er
á þá leið að leigja fyrirtækjum, m.a.
alþjóðlegum, aðstöðu í gagnaverinu.
Fyrirtækin flytja þar af leiðandi inn
til landsins sinn eigin búnað til að
setja upp, s.s. netþjóna og kælikerfi
svo fátt eitt sé nefnt.
Vandamálið sem Verne Holding –
og önnur íslensk gagnaver – glímir
við er, með orðum Skúla Helgasonar,
formanns iðnaðarmálanefndar Al-
þingis, að „[þ]egar búnaðurinn, til
notkunar í gagnaverinu, er fluttur
frá einu ESB landi til annars er ekki
lagður virðisaukaskattur á þann
flutning þar sem ekki er um að ræða
innflutning heldur frjálst flæði vöru.
Þegar sami búnaður er fluttur í
gagnaver á Íslandi er lagður á fullur
virðisaukaskattur sem ekki fæst
endurgreiddur ef eigandi búnaðarins
er ekki með fasta starfsstöð eða virð-
isaukaskattskyldur hér á landi.“
Raunar tiltók Skúli einnig, að ís-
lensk gagnaver stæðu ekki að jöfnu
við gagnaver innan Evrópusam-
bandsins varðandi sölu á gagnavers-
þjónustunni heldur.
Ekki öll módel eins
Um er að ræða vandamál sem
stjórnvöld ætla sér að leysa og
standa yfir viðræður milli fjár-
málaráðuneytis, iðnaðarráðuneytis
og nýlegra Samtaka íslenskra
gagnaversfyrirtækja. Samtökin hafa
til að mynda lýst yfir, að um sé að
ræða mál sem þurfi að leysa eigi iðn-
aðurinn yfirleitt að komast á legg á
Íslandi.
Viðskiptamódel gagnaveranna ís-
lensku eru þó ekki öll eins. Í Hafn-
arfirði er í rekstri gagnaver Thor
Data Center, sem ekki aðeins býður
upp á aðstöðu en fulla þjónustu og
þar af leiðandi búnað fyrir við-
skiptavini sína. Þar af leiðandi fær
fyrirtækið sinn virðisaukaskatt til
baka.
Stærsti samningur Thors er við
norska hugbúnaðarfyrirtækið Opera
og hefur fyrirtækið þjónustuna í
þessum eða næsta mánuði. Jón
Viggó Gunnarsson, forstjóri Thors,
segir fleiri samninga hafa verið
gerða en þeir séu smærri í sniðum.
Þá séu fleiri stórir samningar í far-
vatninu.
En þrátt fyrir aðra þjónustu segir
Jón Viggó að íslensku virðis-
aukaskattsreglurnar séu fyrirtækinu
þrándur í götu. „Það væri afar gott
ef menn myndu skýra þessar reglur
og færa þær til sama horfs og í Evr-
ópu,“ segir Jón Viggó en hann situr í
stjórn Samtaka íslenskra gagnavers-
fyrirtækja. „Við höfum reynt að
stilla okkar starfsemi af miðað við
það umhverfi sem við búum við, með-
al annars skattaumhverfið, og höfum
gert það í samstarfi við ríkisvaldið og
skattasérfræðinga.“
„Atvinnusköðun“
ríkisstjórnar
Úr ræðustóli í gær sagði Ragn-
heiður Elín að á Suðurnesjum ótt-
uðust íbúar að hjá Verne mundu
framkvæmdir brátt stöðvast, sem
yrði enn eitt áfallið hvað varðar at-
vinnuástandið þar. Hún sagði einnig
að ekki væri um að ræða atvinnu-
sköpun ríkisstjórnarinnar en frekar
„atvinnusköðun“.
Skúli Helgason segir að virð-
isaukaskattsmálin séu verkefni sem
hafi tekið of langan tíma að leysa „og
ég skora á fjármálaráðuneytið að
leysa þetta sem fyrst svo þessi grein
fái tilvist í landinu“.
Í svari Verne vonast Lisa einnig til
þess málið verði leyst sem fyrst. Þar
á bæ séu menn enn ákveðnir í að
hefja rekstur gagnavers, eða svo
lengi sem hægt verður að komast að
ásættanlegri niðurstöðu hvað varðar
þau mál sem standa út af borðinu.
Tafir í stjórnsýslunni skaða
Alþjóðleg fyrirtæki eru hætt við að hefja starfsemi í gagnaveri Verne holding
Formaður iðnaðarmálanefndar skorar á fjármálaráðuneyti að leysa lausa hnúta
Gagnaver Athafnasvæði Verne Holding eins og það leit út á síðasta ári.
[É]g skora á fjár-
málaráðuneytið að
leysa þetta sem fyrst
svo þessi grein fái til-
vist í landinu.
Skúli Helgason
4 FréttirINNLENT
MORGUNBLAÐIÐ MIÐVIKUDAGUR 8. SEPTEMBER 2010
Zzzzzzzúúúúmmmm …
E
N
N
E
M
M
/
S
ÍA
/
N
M
4
3
0
18
Nýtt langtíma-
meðferðarheimili
fyrir unglinga á
aldrinum 14-17
ára var opnað nú
í lok ágústmán-
aðar á Lækj-
arbakka á Rang-
árvöllum. Í
byrjun ágúst var
samningi við
Götusmiðjuna í
Brúarholti slitið
en þar hafði verið boðið upp á
meðferð fyrir unga fíkniefnaneyt-
endur.
Bragi Guðbrandsson, forstjóri
Barnaverndarstofu, segir að
Lækjarbakki sé töluvert frábrugð-
inn Götusmiðjunni að því leyti að
unglingarnir þar séu ekki ein-
göngu fíkniefnaneytendur og nálg-
unin á Lækjarbakka sé fjölþætt-
ari. Þar séu nú þrír unglingar en
heimilið geti tekið á móti sex til
sjö ungmennum á hverjum tíma.
Að sögn Braga eru nú um tutt-
ugu rými til langtímameðferðar
fyrir unglinga og Barnaverndar-
stofa ráði vel við eftirspurn eftir
plássum. „Dregið hefur úr óskum
um langtímameðferðir utan heim-
ilis og nú er reynt að sinna með-
ferð á heimili og nærumhverfi
unglinganna í auknum mæli,“ seg-
ir Bragi.
Meðferðar-
heimili fyrir
unglinga
opnað á
Lækjarbakka
Töluvert frábrugðið
Götusmiðjunni
Bragi
Guðbrandsson