Morgunblaðið - 08.09.2010, Blaðsíða 9

Kanna hug félagsmanna
» Framkvæmdastjórnin fer
með æðsta vald í málefnum
SGS á milli þinga.
» Sum aðildarfélög SGS eru
að láta vinna viðhorfskannanir
meðal félagsmanna sem lagð-
ar verða til grundvallar kröfu-
gerð félaganna í haust.
Ómar Friðriksson
omfr@mbl.is
„Það er gríðarlega mikil áhersla
lögð á atvinnumálin og kaupmátt-
inn,“ sagði Kristján Gunnarsson,
formaður Starfsgreinasambandsins
(SGS), en framkvæmdastjórn þess
fundaði í gær um undirbúning
kjaraviðræðna í haust. „Fólk vill sjá
launin hækka. Það eru afdráttar-
lausar og skýrar kröfur um það.“
Á fundinum í gær var farið yfir
skipulag og undirbúning fyrir kjara-
viðræðurnar í haust. Forystumenn
verkalýðsfélaganna í SGS bjuggu
sig m.a. undir gerð viðræðuáætlana
sem ganga þarf frá með viðsemj-
endum, atvinnurekendum og hinu
opinbera. Sú einstaka staða er uppi
að nánast öll launþegafélög og sam-
bönd launafólks á Íslandi verða með
lausa samninga í nóvember og des-
ember.
„Þetta var fyrst og fremst und-
irbúnings- og skipulagsvinna en að
sjálfsögðu hafa menn komið að
áherslum sínum um stöðuna. Menn
skynja það mjög vel í baklandinu
hverjar áherslur fólksins eru,“ segir
Kristján.
Óstöðugleiki og lítið traust
Formannafundur verður á Egils-
stöðum í næsta mánuði og kjararáð-
stefna en þá er reiknað með að skýr
mynd verði komin á kjaraáherslur
aðildarfélaganna. Aðstæður í at-
vinnulífinu eru með þeim hætti að
forysta verkalýðshreyfingarinnar
býr sig undir erfiða og flókna samn-
ingsgerð í haust og vetur.
„Það er ekki mikið traust á
stjórnvöldum og þeim yfirlýsingum
sem þaðan koma. Menn vilja fara
mjög varlega í þeim samskiptum.
Það er engin innistæða núna fyrir
einhverjum langtímasamningum.
Ég skynja það engan veginn. Það er
vegna óstöðugleikans í þjóðfélaginu
og lítils trausts,“ segir Kristján.
Hann tekur undir að andstæðurn-
ar séu mjög miklar þegar atvinnu-
greinar eru bornar saman, útflutn-
ingsgreinar gangi vel en aðrar
greinar berjist í bökkum. Nauðsyn-
legt sé að finna einhvern meðalveg.
„Það eru uppi þau sjónarmið að
þetta geti orðið flóknustu samning-
ar sem við höfum tekið þátt í. Það er
líka sérstakt að allir eru á sama
tímapunkti [með lausa samninga] en
í mjög ólíkri stöðu innbyrðis,“ segir
Kristján.
Fólk vill sjá launin hækka
 Það er engin innistæða fyrir langtímasamningum, segir formaður Starfsgreina-
sambandsins  Framundan eru „flóknustu samningar sem við höfum tekið þátt í“
Morgunblaðið/Ómar
Óstöðugt Kristján Gunnarsson, formaður SGS, segir óstöðugleika í þjóðfélaginu setja mark sitt á kjaraviðræður.
ÚR BÆJARLÍFINU
Jónas Erlendsson
Fagridalur
Fýlaveiði er enn stunduð í Mýr-
dalnum og er fýllinn í óvenjugóðu
ástandi hvað varðar holdafar, þetta
sumarið, mikið er um að hópar fólks
taki sig saman og verki fýlinn, tölu-
verð vinna er í að veiða, reyta, svíða
og salta fýlinn svo að verkunin verði
sem best, en margir telja það ómiss-
andi að fá að smakka fýl. Víkurskáli
hefur undanfarin ár boðið upp á
fýlaveislu og er fyrirhugað að halda
hana í haust, þessi veisla hefur
mælst vel fyrir verið afar vel sótt,
þarna gefst fólki sem hefur ef til vill
ekki tækifæri að verka og veiða fýl
sjálft kostur á að smakka hann.
  
Eftir mjög gott sumar með
blíðu veðri og góðum heyfeng byrj-
aði september með stöðugum rign-
ingum og þó að gott sé að hafa rign-
ingu öðru hvoru er mjög slæmt að
smala ef stöðugt ríkir þoka og rign-
ing og jafnvel rok. Þó tókst að smala
fremri hlutann af Dalheiði og Heið-
arheiði milli skúra um síðustu helgi.
Og um næstu helgi er stefnt að því
að fara í Höfðabrekkuafrétt, best er
að hægt sé að ljúka smala-
mennskum á skipulögðum dögum
því annars frestast bæði aðrar
smalamennskur og slátrun.
  
Slátrun fer seinna af stað hjá
Sláturfélagi Suðurlands en und-
anfarin ár, ekki var um neina sum-
arslátrun að ræða enda hefur gengið
illa að fá sláturlömb mjög snemma
og framkvæmdin hefur verið dýr,
vegna þess að gæðastýringarálag er
borgað á innlagt kíló í staðinn fyrir
á lamb og þar af leiðandi hagkvæm-
ara fyrir bóndan að láta lömbin
stækka fram eftir hausti, sláturleyf-
ishafar hafa því margir brugðið á
það ráð að yfirborga fyrstu vik-
urnar.
  
Menningarhátíð Mýrdælinga
Regnboginn List í fögru umhverfi
verður haldin helgina fyrsta til ann-
an október, þar verður meðal ann-
ars keppt um regnbogastjörnuna
2010 en það er söngkeppni þar sem
sönghópar keppa sín á milli, þema
keppninnar í ár er íslensk dægurlög.
Fýllinn með
vænsta móti
Morgunblaðið/Jónas Erlendsson
Réttir Einar Einarsson, bóndi á Völlum, í fyrirstöðu í réttum í haust.
Fréttir 9INNLENT
MORGUNBLAÐIÐ MIÐVIKUDAGUR 8. SEPTEMBER 2010
Opið virka daga frá kl. 10-18 laugardaga frá kl. 10-16
• Engjateigur 5
• Sími 581 2141
• www.hjahrafnhildi.is
fæst hjá okkur
„Það er gaman í skólanum, þar eru
svo margir krakkar með sama
áhugamál og margt sem maður get-
ur lært,“ segir Sina Scholz sem fékk
afhenta Morgunblaðsskeifuna við
brautskráningu nemenda frá Há-
skólanum á Hólum.
Alls útskrifuðust 27 nemendur
sem hestafræðingar og leiðbein-
endur af hestafræðibraut. Anna-
Lena Aldenhof hlaut viðurkenn-
ingar fyrir hæstu meðaleinkunn og
hæstu einkunn í kennslufræði á leið-
beinendastigi, auk þess sem hún
hlaut Eiðfaxabikarinn. Sina Scholz
fékk reiðmennskuverðlaun FT og
Morgunblaðsskeifuna sem veitt er
fyrir besta samanlagðan árangur í
reiðmennsku.
Nítján brautskráðust með dip-
lómu í tamningum og var Silvíu Sig-
urbjörnsdóttur veittur tamninga-
bikar FH. Þá útskrifuðust sjö
nemendur sem þjálfarar og reið-
kennarar. Sigvaldi Lárus Guð-
mundsson hlaut bæði Morgunblaðs-
hnakkinn og LH-styttuna.
Vegna hestapestarinnar var ekki
hægt að ljúka prófum í hesta-
fræðideildinni sl. vor og var braut-
skráningu frestað fram á haust. Sina
segir að vegna aðstæðnanna í vor
hafi nemendur ekki vitað hvort þeir
fengju verðlaunin. Það hafi því verið
óvænt að fá Morgunblaðsskeifuna.
Sina er frá Þýskalandi og hefur
búið hér á landi í þrjú ár. Það var ís-
lenski hesturinn sem dró hana hing-
að til lands. „Ég ætlaði að vera í eitt
ár en leist svo vel á að ég ákvað að
vera lengur og síðan stefndi ég að
því að fara í skólann,“ segir Sina
sem nú er að hefja sitt annað ár í
Hólaskóla. Hún er staðráðin í því að
gera hestamennskuna að ævistarfi
sínu. helgi@mbl.is
Ljósmynd/Guðrún Stefánsdóttir
Skeifuhafi Sina Scholz tók við viðurkenn-
ingum sínum í Hóladómkirkju.
Margir í skóla með
sama áhugamál
Útivist heldur upp á 35 ára afmæli
sitt í Básum á Goðalandi laugardag-
inn 18. september. Boðið verður
upp á kaffi, grill og skemmtun.
Helgarferðirnar Grill og gaman
og Laugavegur hraðferð eru helg-
aðar afmæli félagsins, að því er seg-
ir í tilkynningu frá félaginu. Í hrað-
ferðinni er Laugavegurinn, milli
Landmannalauga og Þórsmerkur,
genginn á tveimur dögum. Einnig
er í boði dagsferð á Goðaland við
Þórsmörk að morgni 18. sept-
ember. Í gönguferðunum verður að
öllum líkindum farið yfir nýju
göngubrýrnar til að fara yfir í
Stóraenda.
Nánari upplýsingar má nálgast á
www.utivist.is.
Útivist heldur
upp á 35 ára afmæli
Fagurt Básarnir svíkja engan.
Sigtryggur Sigtryggsson
sisi@mbl.is
Með skömmu millibili hafa tveir
mælar, sem staðsettir voru á Suður-
landi, orðið skemmdarvörgum að
bráð. Um er að ræða úrkomumæli í
Vestmannaeyjum og svifryksmæli í
Vík í Mýrdal.
Frá því í vor hefur Umhverfis-
stofnun rekið loftgæðamælistöð í Vík
í Mýrdal til að fylgjast með öskufalli
og síðan öskufoki vegna eldgossins í
Eyjafjallajökli. Um síðustu helgi var
stöðinni stolið og fannst hún úti á
golfvelli bæjarins í um það bil kíló-
metra fjarlægð frá þeim stað þar
sem hún stóð. Skemmdir urðu á
stöðinni við þetta og því var talið
nauðsynlegt að flytja hana til
Reykjavíkur til viðgerðar.
„Ljóst er að þeir sem þarna voru
að verki hafa þurft að leggja allnokk-
uð á sig, þar sem stöðin var fest við
staur og í 4 m hæð, auk þess sem hún
vegur 70 kg,“ segir á vef Umhverf-
isstofnunar.
Loftgæðamælistöðin, sem hefur
mælt svifryk við Raufarfell undir
Eyjafjöllum, er nú í Reykjavík vegna
viðhalds og kvörðunar og eru þar af
leiðandi engar svifryksmælingar á
Suðurlandi um þessar mundir. Kem-
ur það sér að sjálfsögðu illa. „Um-
hverfisstofnun þykir miður að mæli-
tæki sem eru m.a. til þjónustu og
upplýsinga fyrir almenning skuli
vera eyðilögð með þessum hætti,“
segir á vef Umhverfisstofnunar.
Þess er skemmst að minnast að
upp úr miðjum ágúst voru unnar
skemmdir á úrkomumæli Veðurstof-
unnar, sem stendur við Löngulág í
Vestmannaeyjum.
Ýmsir hafa fordæmt þessi
skemmdarverk. Á veðurvef sínum
spyr Einar Sveinbjörnsson, hverjir
gera svona? „Hitt er ómögulegt að
skilja, hvað ræður ásetningi sem
þessum og hver er svo lúalegur að
skemma og spilla mikilvægum og
„saklausum“ mælitækjum eins og
þessum,“ segir Einar.
Mælarnir fá ekki
að vera í friði
 Svifryk ekki mælt á Suðurlandi
Ljósmynd/Umhverfisstofnun
Vík Það hefur verið talsverð fyr-
irhöfn að fjarlægja mælinn.