Morgunblaðið - 08.09.2010, Blaðsíða 12
12 FréttirINNLENT
MORGUNBLAÐIÐ MIÐVIKUDAGUR 8. SEPTEMBER 2010
Ómar Friðriksson
omfr@mbl.is
„Ég man ekki eftir þessu,“ segir
Ögmundur Jónasson dómsmála- og
samgönguráðherra er hann er
spurður að því hvort uppi hafi ver-
ið ráðagerðir milli Vinstri grænna
og Samfylkingar í ársbyrjun 2009
um að Svavar Gestsson yrði að-
alsamningamaður Íslands í
aðildarviðræðum við ESB.
Kristrún Heimisdóttir, fyrrver-
andi aðstoðarkona Ingibjargar Sól-
rúnar Gísladóttur, lét eftirfarandi
ummæli falla skv. frásögn visir.is á
fundi sem Samfylkingin stóð fyrir
sl. föstudag: „Ég held að ástæðan
fyrir því að Svavar Gestsson var
formaður samninganefndar um
Icesave-málið sé sú að þeir sem
sömdu stjórnarsáttmálann fyrir
okkur í vinstri stjórninni í árs-
byrjun 2009 voru nánast búnir að
samþykkja að hann yrði aðalsamn-
ingamaður um Evrópusambandið.“
Þessi ummæli hafa vakið þá
spurningu hvort Samfylking og VG
hafi verið búin að semja um að
sækja ætti um aðild að ESB þegar
stjórnin var mynduð í byrjun febr-
úar 2009 og fyrir kosningarnar þá
um vorið.
Okkar lína í Vg var sú
að spyrja ætti þjóðina fyrst
Ögmundur kannast ekki við að
þetta eigi við nein rök að styðjast.
„Eins og ég man þetta mál þá var
verið að takast á um það alveg
fram undir myndun núverandi rík-
isstjórnar vorið 2009 hvort og
hvernig ætti að standa að aðild-
arumsókn gagnvart Evrópusam-
bandinu. Þá var það okkar lína í
Vinstrihreyfingunni – grænu fram-
boði að heppilegast væri að spyrja
þjóðina fyrst hvort hún væri
reiðubúin að ljá samþykki sitt í
þjóðaratkvæðagreiðslu,“ segir Ög-
mundur. „Það fékkst ekki sam-
þykkt af hálfu Samfylkingarinnar.
Þetta var okkar tillaga sem ekki
náði fram að ganga.“
Ögmundur segist hafa lýst þeirri
afstöðu sinni strax á árinu 2008 að
hann teldi þetta vera deilumál af
þeirri stærðargráðu að það yrði að
fá niðurstöðu í lýðræðislegri kosn-
ingu um hvað þjóðin vildi.
„Í mínum huga var ekki stóra
málið hvenær sú þjóðaratkvæða-
greiðsla færi fram. Það breytir því
ekki að stefna flokksins fram að
myndun ríkisstjórnarinnar var sú,
og ég var eindregið þeirrar skoð-
unar, að heppilegast væri að
spyrja þjóðina fyrst,“ segir Ög-
mundur.
Tókust á um ESB fram á vorið 2009
Ögmundur Jónasson kannast ekki við að samið hafi verið við Samfylkingu um aðildarumsókn í
ársbyrjun 2009 Minnist þess ekki að rætt hafi verið um Svavar Gestsson sem aðalsamningamann
Morgunblaðið/Ómar
Samkomulag eða átök um ESB? Forystumenn Samfylkingar og Vinstri
grænna kynna stöðu stjórnarmyndunarviðræðna í febrúarbyrjun 2009.
FRÉTTASKÝRING
Andri Karl
andri@mbl.is
Tíðar sendingar lífsýna til rann-
sóknar í Svíþjóð vegna manndráps í
Hafnarfirði í síðasta mánuði vekja
spurningar um hvort ekki sé hægt að
gera slíkar rannsóknir hér á landi, þá
á skemmri tíma, með minni tilkostn-
aði og þá hugsanlega í fleiri málum.
Hvað slíkar rannsóknir varðar
verður að líta til þess að fremur fá til-
vik koma upp á ári hverju þar sem
slíkrar rannsóknar er þörf, að sögn
Friðriks Smára Björgvinssonar, yf-
irmanns rannsóknardeildar lögreglu
höfuðborgarsvæðisins. Og þeim mun
færri lífsýni sem rannsaka þarf, þeim
mun hærri er kostnaðurinn við hverja
rannsókn. Benda má einnig á að rann-
sóknarstofan í Svíþjóð, sem er á veg-
um lögregluyfirvalda, er sú eina slíka
í landinu og því greinilega ekki grund-
völlur til að halda úti fleirum, þrátt
fyrir stærð landsins og fólksfjölda.
Kostnaður við að senda lífsýni út til
rannsóknar er talinn hár og því þarf
að meta það í hverju máli fyrir sig
hvort fara þurfi út í slíkar rannsóknir.
Friðrik segir þó að í alvarlegum mál-
um sé ekkert til sparað.
Lögregluembættin greiða ekki
beint fyrir slíkar rannsóknir, en
kostnaðurinn færist á svonefndan
málskostnaðarlið dómsmálaráðu-
neytis. Elvar Óskarsson, lögreglu-
fulltrúi á Eskifirði, segir að lögregla
sé meðvituð um að fjármunirnir komi
frá almenningi og er því til efs að send
yrðu lífsýni til rannsóknar ef um t.d.
einfalt rúðubrot væri að ræða. Hjá
embætti hans er hins vegar til rann-
sóknar innbrot og skemmdarverk í
grunnskóla Neskaupstaðar. Þar fund-
ust lífsýni og er enn til skoðunar hvort
senda eigi þau til rannsóknar.
Þá er alls óvíst að einhver tíma-
sparnaður yrði af þótt rannsóknin
væri gerð hér á landi enda samvinna
við Svíana góð og segir Friðrik að ís-
lensk lögregluyfirvöld fái einnig for-
gangsmeðferð liggi mikið við.
Ekkert til sparað í alvarlegum málum
Morgunblaðið/Júlíus
Blóðleit Menn úr tæknideild lögreglunnar leita að lífsýnum á vettvangi.
Rekstrargrundvöllur er ekki fyrir hendi fyrir rannsóknarstofu lögregluyfirvalda vegna lífsýna
Samvinnan við lögregluyfirvöld í Svíþjóð er góð og forgangsmeðferð fæst ef mikið liggur við
Þessa dagana vinna verktakar hörðum höndum
við að grafa gríðarmikla holu í Stekkjarvík norð-
an Blönduóss. Hér er um að ræða framtíðar
sorpurðunarstað Austur-Húnavatnssýslu,
Skagastrandar og Akureyrar.
Að sögn Magnúsar B. Jónssonar, sveitarstjóra
Skagastrandar og stjórnarformanns Norðurár,
fyrirtækisins sem stofnað var um framkvæmd-
ina, eru framkvæmdir á áætlun og hafa 260 þús-
und rúmmetrar efnis þegar verið fluttir til en
áætlað er að alls verði 390 þúsund rúmmetrar,
jafngildi 25 þúsund vörubílsfarma, fluttir. Efn-
inu sem til fellur er hlaðið upp í stall sem verður
sex metra hár. Verður efnið, sem er að mestu
leyti hreinn sandur, notað til vegagerðar seinna
meir.
Samkvæmt tillögu Umhverfisstofnunar að
starfsleyfi fyrir urðunarstaðinn verður heimilt
að taka við 21 þúsund tonnum af almennum og
óvirkum úrgangi á ári til urðunar. Tillagan ligg-
ur frammi til kynningar á skrifstofu Blönduós-
bæjar til 29. október og er öllum frjálst að gera
athugasemdir við hana. Frestur til að skila at-
hugasemdum er til 29. október 2010.
Morgunblaðið/Einar Falur
Gríðarlegt gímald gapir við Blönduós
Mikil aska frá svæðinu í kringum
Eyjafjallajökul barst í gær yfir
höfuðborgarsvæðið í hvassri
suðaustanátt. Að sögn Önnu Rósu
Böðvarsdóttur, heilbrigðisfulltrúa
hjá Reykjavíkurborg, í gærkvöld
var ljóst að styrkur svifryks færi
vel yfir sólarhringsheilsu-
verndarmörk.
„Um tvöleytið voru að mælast
um 400 míkrógrömm á rúmmetra í
borginni, heilsuverndarmörk eru 50
míkrógrömm,“ sagði Anna Rósa.
„Hæstu hálftímagildin voru um
áttaleytið í kvöld, rúmlega 500 mík-
rógrömm, þá er átt við meðaltal síð-
astliðins hálftíma. Meðaltalið frá
miðnætti þangað til núna [klukkan
níu] er yfir 160 míkrógrömm. Við
förum því örugglega yfir heilsu-
verndarmörkin og vel það.“
Anna Rósa sagði að fólk með
sjúkdóma í öndunarfærum þyrfti að
gæta sín við svona aðstæður og
halda sig innandyra ef það gæti.
Finna mætti ráðleggingar á heima-
síðum Umhverfisstofnunar og
Reykjavíkurborgar um þessi mál. Í
dag er spáð úrkomu, sem ætti að
draga úr líkum á svifryksmengun á
höfuðborgarsvæðinu.
Svifryk
langt yfir
mörkum
Fólk með lungna-
sjúkdóma gæti sín
„Þetta er allt annað mál, að
skoða skó, strok eða eitthvað
þvíumlíkt en að taka venjulega
fenginn vef úr fólki eins og við
gerum í faðernismálum,“ segir
Jóhannes Björnsson, prófessor
og yfirlæknir á Rannsóknar-
stofu í meinafræði. Jóhannes
segir að þó svo fræðilega þekk-
ingin sé fyrir hendi hér á landi
kjósi allir að lögreglurannsókn á
lífsýnum fari fram erlendis,
enda Ísland fámennt og slíkt
svari ekki kostnaði.
Annað mál
SVARAR EKKI KOSTNAÐI