Morgunblaðið - 08.09.2010, Blaðsíða 23

Minningar 23
MORGUNBLAÐIÐ MIÐVIKUDAGUR 8. SEPTEMBER 2010
Þetta var happaráð hjá ríki og bæ
því að þeir reyndust réttir menn á
réttum stað, alókunnugir í fyrstu
og ólíkir um margt en urðu brátt
góðir vinir og samhentir í skóla-
stjórninni. Þeirra beið vandaverk
því að nemendafjöldinn í hverfinu
óx hratt og um tíma tók skólinn á
móti meira en helmingi fleiri nem-
endum í meira en helmingi minna
húsnæði en síðar varð.
Kristján tók við skólastjórn 1961
af Gísla sem þá lét af störfum
vegna aldurs. Hann var hæglátur
og brosmildur í framkomu og
hækkaði aldrei röddina til að afla
orðum sínum aukins vægis, svo ég
muni. Því átti hann gott með að
koma að sér fólki. Það var auðvelt
að vinna með honum og fyrir hann.
Kristján var áhugasamur um breyt-
ingar og nýmæli í skólastarfi og
óhræddur að gefa starfsliði sínu
nokkuð frjálsar hendur í því efni.
Mér er minnisstætt hve vel máli
farinn Kristján var og alltaf þá
hann talaði til áheyrenda hafði
hann eitthvað markvert fram að
færa.
Á yfirkennara- og skólastjóraár-
unum fór hann um árabil með
stjórn Vinnuskóla Reykjavíkur á
sumrin. Þar mótaði hann í stórum
dráttum þann grunn sem mér skilst
að sú stofnun byggi á enn þann dag
í dag.
Kristján var áhrifamaður um
framvindu skólastarfs og mennta-
mála á síðari hluta síðustu aldar.
Strax 1954 var hann kosinn í
fræðsluráð Reykjavíkur þar sem
hann átti sæti í 19 ár og var for-
maður ráðsins seinni árin. Hafa má
í huga að á þessum árum var frum-
kvæði og nýsköpun í skóla- og
menntamálum frekar hjá Reykja-
víkurborg en ríkinu. Á þessum ár-
um átti hann sæti í skólalaganefnd
til undirbúnings grunnskólalögum
1974. Við þessi störf hefur komið
sér vel sá hæfileiki hans hversu
næmur hann var á aðalatriði máls
og að sama skapi laus við að láta
aukaatriði trufla sér sýn á loka-
markmiðið.
Kristján var fræðslustjóri í
Reykjavík 1973-1982. Skólarnir í
borginni voru einmitt á þeim árum
að laga starf sitt að nýjum grunn-
skólalögum og fjölbrautakerfi að
festa sig í sessi í framhaldsskól-
unum. Hvort tveggja hafði verið
honum ákaflega hugleikið árum
saman. Af þeim sökum hafði hann
m.a. farið í 6 mánaða námsferð til
Bandaríkjanna 1967-1968.
Hann var einnig lánsmaður í
einkalífi. Með þeim hjónum, Þórdísi
og honum, ríkti ástríki og gagn-
kvæm virðing. Þau eignuðust 5
mannvænleg börn sem nutu ást-
úðar og stolts foreldranna. Nú er
ég að leiðarlokum kveð kæran vin
og leiðtoga votta ég börnum hans
og öðrum aðstandendum einlæga
samúð.
Erling S. Tómasson.
Kristján J. Gunnarsson var eft-
irminnilegur maður. Mörg samtöl
sem ég átti við hann á síðari hluta
ævi hans gáfu mér glögga innsýn í
þau fjölmörgu málefni og áhugamál
sem hann hafði tekið þátt í og sinnt
á langri starfsævi. Hann var í ára-
tugi afar farsæll og virtur skóla-
stjórnandi en jafnframt mikill
áhugamaður um sveitarstjórnar-
mál. Hann vann að öllum málum
sem honum var trúað fyrir af mikl-
um dugnaði og þrautseigju. Fram-
ganga hans mótaðist af lipurð og
tillitssemi og þeirri hógværð og
góðleika sem ávallt einkenndi hann.
Kristján hafði mikil áhrif á þróun
málefna barnaskóla og síðar grunn-
skóla og var í hópi þeirra sem unnu
tillögur að nýjum grunnskólalög-
unum 1974. Lögin gjörbreyttu
skipulagi barna- og unglinganáms.
Hann var helsti talsmaður borg-
arstjórnar í fræðslumálum en hann
sat í fræðsluráði Reykjavíkur 1954-
1973, þar af formaður 1970-1973.
Auk þess var Kristján varaborg-
arfulltrúi frá 1958 og borgarfulltrúi
og í borgarráði 1970-1973. Hann
gegndi embætti fræðslustjóra frá
1973-1982. Það kom m.a. í hlut
Kristjáns sem fræðslustjóra að
vinna tillögu að langtímaáætlun um
skólabyggingar í borginni en á
þessum árum var fólksfjölgunin í
Reykjavík mjög mikil.
Kristján gekk ungur til liðs við
Sjálfstæðisflokkinn. Á yngri árum
kynntist hann Gunnari Thoroddsen
á mælskunámskeiði sem Gunnar
stýrði. Upp úr því urðu þeir góðir
kunningjar. Kristján sagði mér eitt
sinn að kynni hans við Gunnar
hefðu orðið til þess að hann tók
aukinn þátt í starfi flokksins. Í
störfum sínum á lífsleiðinni fór
Kristján aldrei í manngreinarálit og
hafði ávallt fullt traust og virðingu
þeirra sem með honum störfuðu.
Hann var skemmtilegur maður,
með heilbrigða og skynsamlega lífs-
sýn og átti sér mörg áhugamál. Öll-
um þótti gott að leita til hans, enda
bæði sanngjarn og ráðagóður við
sitt samferðafólk.
Kristján var mikill fjölskyldu-
maður og lét sér annt um eiginkonu
sína Þórdísi, börnin sín og barna-
börn. Ég þakka honum góða vin-
áttu og samverustundir á liðnum
árum. Það er með hlýhug og virð-
ingu sem ég kveð Kristján, sem
hafði afgerandi áhrif til hins betra á
samtíma sinn.
Vilhjálmur Þ. Vilhjálmsson.
Kristján J. Gunnarsson, fyrrver-
andi skólastjóri og fræðslustjóri í
Reykjavík, er látinn, níræður að
aldri. Kristján lauk kennaraprófi
árið 1942. Hann var kennari við
barnaskólann á Suðureyri 1942-
1943, skólastjóri barnaskólans á
Hellissandi 1943-1952, yfirkennari
við Langholtsskóla í Reykjavík
1952-1961 og skólastjóri þar 1961-
1973. Hann gegndi embætti
fræðslustjóra í Reykjavík frá 1973-
1982. Á þeim árum er Kristján
gegndi starfi fræðslustjóra í
Reykjavík urðu miklar og jákvæðar
breytingar í skólamálum. Grunn-
skólinn var að laga sig að breyttu
þjóðfélagi þar sem mikilvægi
menntunar og lengd skólaskyldunn-
ar tókust á við löngun manna til að
halda unglingum heima og við störf
í atvinnulífinu. Kristján tók virkan
þátt í undirbúningi lagasetningar
um grunnskóla sem samþykkt voru
1974. Lögin festu í sessi margar
þær breytingar sem þegar voru
komnar vel á veg í Reykjavík undir
forystu framsækinna skólamanna
eins og Kristjáns J. Gunnarssonar.
Má þar nefna kennslu forskóla-
barna og kennslu sem í ríkara mæli
var löguð að þörfum hvers ein-
staklings.
Í Reykjavík hafði á þessum árum
þróast það stjórnkerfi í skólamálum
sem segja má að enn sé við lýði,
þar sem fræðsluráð og fræðslu-
stjóri stjórnuðu fræðslumálum
hvers héraðs. Kristján var valinn til
forystu í Reykjavík til að innleiða
nýja hugsun í nýjum lögum. Hann
hafði alla tíð mikinn metnað fyrir
velferð og námi barna og unglinga.
Fullyrða má að sú jákvæða þróun
sem varð í reykvískum grunnskól-
um undir hans forystu hafi lagt
góðan grunn að því farsæla grunn-
skólastarfi sem sjá má í skólum
borgarinnar í dag.
Þeir sem starfa við skólamál í
dag standa í þakkarskuld við braut-
ryðjendur fyrri tíma. Krisján var
einn af þeim og barðist ötullega við
að koma á fót framsæknum grunn-
skóla sem þjónaði öllum nemendum
og hafði það mikilvæga hlutverk í
samvinnu við heimilin að búa nem-
endur undir líf og starf í lýðræð-
isþjóðfélagi sem er í sífelldri þróun.
Fyrir hönd fræðsluyfirvalda í
Reykjavík þakka ég Kristjáni J.
Gunnarssyni fyrir þá miklu fram-
sýni er hann hafði í skólamálum og
þá einurð sem einkenndi forystu
hans í starfi fræðslustjóra í Reykja-
vík við að bæta skólastarf nem-
endum til hagsbóta. Blessuð sé
minning Kristjáns J. Gunnarssonar.
Ragnar Þorsteinsson
fræðslustjóri í Reykjavík.
Elsku yndislegi
pabbi minn, nú er
komið að því að þú átt
afmæli og mér finnst
svo erfitt og óraun-
verulegt að fá ekki að
kyssa þig og knúsa á afmælisdaginn
þinn. Mér fannst líka rosalega erfitt
þegar ég átti afmæli í síðasta mánuði
því að afmælisdagurinn minn er ekki
sá sami án þín. En ég hugsaði það
mikið til þín að ég veit að þú varst
með mér. Mér líður stundum eins og
postulínsdúkku, rosalega brothætt,
en þú varst alltaf svo sterkur og
kvartaðir aldrei og ég reyni mitt
besta á hverjum degi að vera sterk
enda er ég alveg eins og þú, og er
stolt af því að vera litla stelpan þín,
sama hversu gömul ég verð þá verð
ég alltaf litla stelpan þín.
Svo kom að því að litla stelpan þín
eignaðist stelpu sjálf sem varð dem-
anturinn okkar allra en ég sagði
henni að þú hefðir þurft að flytja á
eina stjörnu á himnum, hún saknar
þín líka. Við eigum svo margar góðar
minningar saman, pabbi minn, og ég
þyrfti að skrifa heila bók til þess að
koma þeim öllum fyrir, en eftir að þú
veiktist vorum við nú samt líka dug-
leg að nýta tíman saman og verð ég
ævinlega þakklát fyrir öll þessi ár
sem við áttum. Við vorum svo dugleg
að ferðast saman og síðasta utan-
landsferðin okkar er ógleymanleg og
verður Spánn aldrei eins án þín. All-
ar minningarnar sem ég á með þér
og Hjördísi undanfarin ár ylja mér
um hjartarætur.
Ég gleymi heldur aldrei þegar við
fórum saman til Noregs þegar ég
var lítil og ég týndi bangsanum mín-
um og ég grét alla nóttina og daginn
Ingimundur Sigfússon
✝ Ingimundur Sig-fússon fæddist á
Seltjarnarnesi 8. sept-
ember 1962. Hann
lést á Akranesi 2. nóv-
ember 2009.
Útför Ingimundar
fór fram 12. nóv-
ember 2009.
eftir fórst þú og fannst
hann, mér til mikillar
ánægju en svona varst
þú, pabbi minn, þú ert
og hefur alltaf verið
hetjan mín. Ég trúi
því ekki hvað tíminn
líður hratt, en það fer
að verða komið eitt ár
síðan þú kvaddir
þennan heim og orða-
tiltækið „Sárin gróa
en örin hverfa aldrei“
á svo vel við því að það
er stórt ör í sálinni
minni, elsku pabbi
minn. Mig vantar svo að heyra í þér
röddina, það er svo margt sem ég
þarf að segja þér, en þú veist þetta
allt nú þegar því að ég veit að þú ert
hjá okkur. Það er svo margt sem ég
veit ekki og skil ekki, stundum verð
ég bara rosalega sár og reið. Af
hverju þú? Af hverju er verið að taka
alla ástvini mína frá mér? Þetta eru
spurningar sem ég fæ aldrei svör við
en ég hef verið að reyna að sætta
mig við að þetta er bara gangur lífs-
ins.
Þú barðist hetjulega í heil þrjú ár
og það eina sem ég get reynt að
hugga mig við er að núna þarftu ekki
að kveljast og berjast lengur, núna
ertu bara laus við drauginn eins og
þú kallaðir þetta og ég veit að þú ert
með öllum englunum mínum að
passa okkur hin og loksins færðu að
vera með Sigfúsi bróður. Mér finnst
svo erfitt að vita að það er heilt líf
framundan og enginn pabbi til að
halda í höndina á mér. Ég veit ekki
hvernig ég geri þetta allt án þín, en
ég verð að finna leið. Takk, elsku
pabbi minn, fyrir allan okkar tíma
saman og alla sem þú komst með inn
í líf mitt, þetta hefði verið svo miklu
erfiðara án Hjördísar. Pabbi minn,
ég er betri manneskja vegna þín. Til
hamingju með afmælið. Ég elska þig
og sakna þín svo sárt. Sjáumst
seinna.
Þín dóttir,
Bjarney Vigdís
Ingimundardóttir.
✝
Kærar þakkir færum við öllum þeim sem auðsýndu
okkur vinarhug við andlát og útför eiginkonu minn-
ar, móður, tengdamóður, ömmu og langömmu,
GUÐRÚNAR HALLDÓRSDÓTTUR
frá Vörum í Garði,
Sléttuvegi 13,
Reykjavík.
Sigurbjörn Tómasson,
Þorvaldur Þ. Sigurbjörnsson, Halldóra Konráðsdóttir,
Sigurður S. Sigurbjörnsson,
Pálmar Breiðfjörð,
Tómas Páll Þorvaldsson, Edda Þuríður Hauksdóttir,
Arna Björk Þorkelsdóttir,
Þórarinn Viðar Sigurðarson,
Guðrún Halldóra Sigurðardóttir,
Konráð Pétur Konráðsson,
Rakel Elísabet Tómasdóttir.
✝
Elskulegur faðir okkar, tengdafaðir, afi, langafi og
langalangafi,
MAGNÚS SIGURJÓNSSON,
Hvammi,
Vestur-Eyjafjöllum,
sem andaðist á dvalarheimilinu Lundi miðviku-
daginn 1. september, verður jarðsunginn frá
Ásólfsskálakirkju laugardaginn 11. september
kl. 14.00.
Einar Magnússon, Sigurlína María Gísladóttir,
Tryggvi Þór Magnússon, Marta Ormsdóttir,
Sigríður Magnúsdóttir, Ásgeir Kristjánsson,
Anna Magnúsdóttir,
Sigurjón Magnússon, Guðrún Karlsdóttir,
Hugi Magnússon, Birna Gunnarsdóttir,
barnabörn, langafabörn og langalangafabarn.
✝
Elsku drengurinn okkar,
GUÐMUNDUR ÞÓR SIGURÐSSON,
Smárarima 75,
lést mánudaginn 6. september.
Jarðarförin verður gerð frá Grafarvogskirkju
þriðjudaginn 14. september kl. 14.00.
Halldóra Kristín Halldórsdóttir,Sigurður Brynjar Guðmundsson,
Jón Valdimar Sigurðsson, Þorbjörg Birgisdóttir,
Halldór Brynjar Sigurðsson, Thelma Björk Bogadóttir,
Kristinn Freyr Sigurðsson, Kristín Eva Ólafsdóttir,
Unnur Jónsdóttir, Halldór H. R. Friðjónsson,
Arnar Freyr, Alexander Þór, Kristín Björk
og frændsystkini.
✝
Okkar ástkæra,
JÓHANNA VALGEIRSDÓTTIR,
Hlíðarvegi 88,
Reykjanesbæ,
sem lést sunnudaginn 5. september á Heilbrigðis-
stofnun Suðurnesja, verður jarðsungin frá
Keflavíkurkirkju föstudaginn 10. september
kl. 13.00.
Leifur Gunnlaugsson,
Guðlaugur Leifsson, Rakel Guðnadóttir,
Freydís Leifsdóttir, Marel Ragnarsson,
Aron Logi Guðlaugsson,
Valgeir Ólafur Helgason
og systkini hinnar látnu.
✝
Ástkær eiginmaður minn, faðir, tengdafaðir og afi,
VALDIMAR LOFTUR LÚÐVÍKSSON
slökkviliðs- og sjúkraflutningamaður,
Lerkihlíð 5,
Reykjavík,
lést á krabbameinsdeild Landspítalans
fimmtudaginn 2. september.
Útförin fer fram frá Háteigskirkju á morgun,
fimmtudag, kl. 15.00.
Helga Hjördís Sveinsdóttir,
Sveinn Ingiberg Magnússon, Katrín Þórdís Jacobsen,
Hulda Ósk Valdimarsdóttir, Jens Kristian Fiig,
Edda Guðrún Valdimarsdóttir, Gísli Björn Bergmann,
Margrét Pála Valdimarsdóttir, Guðni Þorsteinn Guðjónsson
og barnabörn.