Læknablaðið - 15.12.1998, Síða 60

960
LÆKNABLAÐIÐ 1998; 84
Gæðastarf má ekki vera tilviljanakennt og
háð áhuga einstakra manna
- segir Gunnar Helgi Guðmundsson formaður gæðaráðs FÍH
Það eru allir á einu máli
um það að sá hópur lækna
sem haft hefur forystu í
gæðamálum íslenskrar heil-
brigðisþjónustu eru heimil-
islæknar. Félag íslenskra
heimilislækna hefur starfað
að gæðamálum með skipu-
legum hætti í 13 ár og innan
félagsins er starfandi gæða-
ráð sem stendur fyrir blóm-
legu starfi. Formaður gæða-
ráðsins er Gunnar Helgi
Guðmundsson hcilsugæslu-
læknir í Fossvogi. Hvers
vegna telur hann mikilvægt
að Iæknar sinni gæðastarfi?
„Umræða um gæðastarf
hefur staðið lengi í nagranna-
löndum okkar. Hún á sér upp-
tök í iðnaði og kom tiltölulega
seint inn í heilbrigðisþjónust-
una. Hún hefur alls staðar orð-
ið til þess að bæta ímynd við-
komandi greinar en til þess að
svo megi verða þurfa allir að
vera tilbúnir að skoða eigin
vinnubrögð, ekki bara stjórn-
endurnir heldur einnig gras-
rótin og ekki bara læknar
heldur allar heilbrigðisstéttir.
Það mikilvæga í þessu er að
við sýnum að við séum ábyrg
á allan hátt. Það eru margir
sem gera kröfur til okkar um
að við vinnum vel, bæði stjórn-
völd og ekki síst sjúklingarn-
ir.“
- Er víða pottur brotinn í
gæðamálum hér á landi?
„Það er ekki rétt að segja að
það sé víða pottur brotinn. En
ef vel á að vera þarf að sinna
gæðastarfi með skipulegum
hætti. Gæðaþróun þarf að vera
skipulegt ferli sem hefur ekki
endilega neinn endapunkt
heldur skiptir mestu að unnið
sé að stöðugum umbótum.
Það sem vantar í heilbrigðis-
kerfinu er skipulegt ferli sem
farið er eftir. I gæðastarfi er
talað um hringferli þar sem
ákveðnir þættir eru skoðaðir,
unnið að úrbótum, árangurinn
skoðaður, haldið áfram að
bæta starfið og svo framvegis.
Þetta ferli þarf að ná yfir allan
vinnustaðinn og til allra
starfsstétta. Það má heldur
ekki vera tilviljanakennt eða
háð áhuga einstakra manna.
Það hefur í för með sér að
einhverju þarf til að kosta,
einhverjum fjármunum sem
við trúum að muni skila sér til
baka í minni sóun og betri og
jafnvel ódýrari þjónustu. En
ég er þeirrar skoðunar að þetta
verði ekki gert almennilega
nema stjórnvöld setji löggjöf
um gæðastarf og skapi því
einhvern ramma.“
Tæki og tól
gæðaþróunar
- Heimilislæknar hafa verið
í fararbroddi fyrir gæðastarfi
lækna en hafa aðrir hópar
lækna fylgt í kjölfarið?
„Já, við hófum þetta gæða-
starf formlega árið 1985 með
málþingi fyrir heimilislækna
og starfsfólk í heilbrigðis-
þjónustu þar sem við fengum
erlendan fyrirlesara. Síðan
höfum við verið að vinna að
þróunarstarfi innan félagsins
sem hefur haft þann tilgang að
bæta ímynd okkar út á við,
auka sjálfstraust okkar sjálfra
og sýna heilbrigðisyfirvöldum
að við tökum ábyrga afstöðu
til okkar fags. Þessu hef ég
lýst áður í Læknablaðinu.